Verified Reviews
Free State
All reviews have been left by TravelGround customers staying in Free State
Rated 4.3 out of 5 based on 12223 reviews.
"A wonderful bohemian atmosphere and a great golf course is an added bonus."
"Dit was lekker maar mense moet besef dit is 'n baie stil plek. So daar is nie regtig "toeriste" goed nie. Die mooi berge en rustigheid was heerlik. Maar daar is net een kunsgalery en ons was by 3 restaurante - veral Oppiedam was besonders. So mens gaan soontoe om te rus. Ongelukkig is die paaie in die omgewing bitter swak en 'n nagmerrie. So rondry in die omgewing (Fouriesburg) en Ficksburg toe was nogal 'n uitdaging. Dit is 'n heerlike plek om te gaan rus, boek te lees en in dorpie rond te loop. Nie regtig staproetes wat ons kon agterkom nie."
"Dit was ons eerste besoek aan Clarens en was heeltemal anders as wat ek dit voorgestel het maar baie mooi en aangenaam. Mense is vriendelik. Groot verskeidenheid restuarante, kos was by almal heerlik maar effens aan die duur kant, nie een rekening was onder R500 vir 2 persone nie. Dus as jy daar gaan kuier op 'n begroting is selfsorg 'n beter opsie. Die winkels wat geskenke/aandenkings/snuisterye verkoop was 'n bietjie van 'n teleurstelling. Heelwat winkels verkoop dieselfde goed en meeste van die goed is duidelik herkenbaar as dit wat jy by Sjhinese winkels oraloor kry sowel as goedere wat van Indiaë af ingevoer word in 'n tyd waar daar so baie Suid-Afrikaners 'n ekstra inkomste probeer maak met oorbelle, klere en allerhande kuns goedies wat hulle self maak - kyk maar op Facebook na al die kunsgoed en maak-dit-self-groepe. As hierdie winkels se pryse ietwat laer is sal hulle heel waarskynlik meer geld maak (my opinie) - iets spesefiek wat ek opgelet het is 'n winkel wat 'n tafeldoek vir 'n 4 of 6 sitplek tafel verkoop vir R580. Die materiaal is niks besonders nie, kan by enige materiaalwinkel gekoop word en ek weet daardie tipe materiaal is nie so duur nie en dan is die afwerking boonop glad nie netjies en afgerond nie. Dit is my opinie. Na dit als sal ek beslis weer in Clarens gaan kuier want dit bly 'n ongelooflike mooi plek met die berge so rondom die dorp."
"Ons het al voorheen Clarens besoek, en dit was toe lekker, maar na Covid en die inperking, het Clarens sy sokkies opgetrek, met klomp nuwe eetplekke en ander winkels wat gefokus is op kliëntediens. Met almal wat dees dae besighede rate op kos, diens en veele meer kan jy nie sommer meer voortbestaan sonder om goeie kos, diens en kwaliteit te lewer nie. Well done Clarens, ons sien julle weer. Laastens, die teerpaaie na Clarens het egter n uitdaging geword. Ons het van Centurion gekom, en op die staduim is die pad tussen Warden oor Bethlehem die beste, maar ook met slaggate, so ry maar versigtig, veral as jy met 'n motor ry. Ek het self op waarskuwing van Forest Lane gekies om eerder met ons bakkie te gaan, want as on ons motor gebruik het sou ek 'n band verloor het op een plek waar en nie 'n slaggat kon mis nie."
"Die pad vanaf Senekal is in 'n slegte toestand. Die dorpie is netjies, stil en veilig. Mooi sandsteengeboue, kunsgalery, eetplekke, en 'n teater. Die inwoners is passievol en betrokke en baie vriendelik."
"Clarens as dorp was baie interessant. Sal weer kom kuier want ons het nog niks gedoen nie want ons tyd was baie beperk. Wil baie langer bly."
"Clarens is besig om sy karakter te verloor. Diens in sommige restaurante het baie versleg. Maar die natuurskoon maak op daarvoor."
"Meer winkels sal van toepassing wees anders geen klagtes nie. Pragtige klein dorpie, ek sal definitief weer gaan!"
"Clarens is 'n lieflike dorpie. Kyk maar eers oral rond, voor jy koop, heelwat van dieselfde goed te koop maar pryse verskil hemelsbreed. Bespreek by restaurante vir etes, anders moet jy maar gaan waar jy 'n plekkie oop kry, en dit is nie noodwendig waarvoor jy lus het nie. Die plaaslike inwoners is baie vriendelik. Oor die algemeen is dit nie 'n groot probleem om parkeerplek te kry nie, maar jy moet soms 'n ent stap om by die winkels ens. uit te kom. Daar is als wat jy nodig het. Jy moet net tyd hê en bietjie rondsnuffel."
