Verified Reviews
Great Karoo
All reviews have been left by TravelGround customers staying in Great Karoo
Rated 4.3 out of 5 based on 3446 reviews.
"Baie oulike en rustige dorp. Ons het die tydjie baie geniet. Die Pink Slaghuis se diens is uitstekend en die lamsrib word aanbeveel."
"Oulike Karoodorpie. Besoek gerus die nougatfabriek, haal my hoed vir die twee vrouens af. En moenie verbyry sonder om die boekklub te besoek nie. Baie gawe mense."
"Soos alle plattelandse stede is daar 'n tragiese agteruitgaan van 'n eens vooruitstrewende gemeenskap. Die paaie in die dorp laat veel te wense oor. Enige nalatenskap wat daar oor was is geskend. My hart is gebreek."
"Ons het ontbyt by 4 Sheep Restaurant die oggend geëet en was beïndruk met die flinke diens alhoewel dit beurtkrag was."
"Wat 'n mooi, goed gerestoureerde dorp met verskeie aantreklikhede en uitstappies. Goed versorg en met 'n wêreldklasmuseum."
"Pragtige omgewing met heelwat om te doen en te sien. Beslis die moeite werd om Prins Albert te besoek!"
"Merweville is vir seker 'n onverwagse skatkis in die pragtige Karoo wat ek ongelukkig nou eers ontdek het. Wat aanvanklik as 'n sakebesoek begin het, het eintlik in een van die rustigste en sielsgenesende wegbreke van my lewe geword. As gebore Namibiër, het ek nog altyd 'n groot waardering vir die platteland gehad. Nou dat ek in Kaapstad werk en bly, glo ek dat 'n mens so gereeld as moontlik uit die stad moet ontsnap sodat jou siel weer kan kans kry om te herlaai. En 'n besoek aan Merweville sal beslis nie teleurgestel nie! Wat vir my die opvallendste was is dat die dorpie werklik gaan "rus" wanneer die son sak. Snags is daar geen straatligte wat brand en selde enige motors wat rondry. Perfek vir diegene wat lief is om na die sterrehemel op te kyk - veral die asemrowende tipes wat die Karoo vir 'n mens elke aand skilder."
"Prins Albert is a beautiful little town in the Karoo with the most beautiful Swartberg Mountain Pass, a must-visit, and drive if in the area. "The Karoo Bierstro" is also a must-visit to have the best burgers, milkshakes, and beer! We love the magic of the Karoo."
"Rustige Karoo dorpie, met vriendelike inwoners. Genoeg restaurante, veral 4 sheeps by Caltex Garage, is uitsonderlik."
"Ons was teleurgesteld dat ons spesifiek die antieke winkels op die dorp wou besoek, maar omdat dit beurtkrag was het 2 van ons gunstelingwinkels bloot nie oopgemaak vir die middag nie. Ons het gereis vanaf Hermanus op pad na Port Alfred en juis vir hierdie rede in Prins Albert oorgebly."
