52 Bracelet

It was fair.

I would recommend that the guesthouse sort out wifi reach - many rooms do not have wifi. Equip all rooms with rechargeable lamps to use during load shedding.

Baie veilig en goed uitgelê.

Alhoewel ons net een aand oorgeslaap het vir 'n laerskoolrugbynaweek, sal ek definitief weer van 52 Bracelet gebruikmaak as ek in Nelspruit is. Dit is rustig en die kamers goed ingerig vir my benodighede.

52 Bracelet is regtig waarde vir geld, het alles wat mens benodig vir oornagverblyf en voel baie veilig en dit is doodstil in die nag.

Net die stortwater het nie vinnig genoeg geloop nie, dan staan mens naderhand in 'n poel water, as hulle net daarna sal kyk asb.

Clean and comfortable.

Recommend that solar lights to be provided for the load shedding.

Skokkend, verwaarloos, kontrakteursgevoel.

Ons sal hierdie plek glad nie aanbeveel of enige ster gee nie, die fasiliteit lyk soos 'n bouperseel, selfsorg beteken tog net dit en hierdie was dit beslis nie. Slegste plek waar ons al ooit gewoon het. Maak jou die vol prys betaal sodat jy nie jou geld kan terugkry nie. Wat 'n teleurstelling. My honde het beter slaapplek.

Plekkie was baie stowwerig, stort se teëls was nie skoon nie. Die bestuurder klop sommer aan my deur en vra of ek nou in is.

Sal nie sommer weer daar tuisgaan nie.

Stay was very pleasant.

The accommodation was conveniently situated, and perfect for a one night stay over.

Het DStv gemis.

Kon doen met breekware en mes/vurk.

Quiet, homelike and perfect for a good rest.

Excellent place to stay.

Baie mooi plekkies, maar die beddens is nie op standaard nie. Die beddens was verskriklik hard gewees.

Ons het in die begin 'n bietjie probleme gehad met die elektrisiteit, maar ons was toe verplaas na 'n ander plekkie toe, maar die beddens was ongelukkig baie ongemaklik en hard gewees.

Netjies.

Netjies, veilig en goed geleë.

Eric was baie hulpvaardig en vriendelik. WiFi was 'n probleem.

Die eienaar het net aanbeveel dat ons by die lapa gaan sit om beter WiFi sein te kry. Ons wou ontspan in ons kamer. Die ander gaste was baie luidrugtig en lawaaierig, tot laat aand en weer vanaf vroeg oggend. Die plek was baie skoon en netjies en die prys was goed maar die twee probleme (WiFi en lawaai) sal verhoed dat ons weer daar bly of hulle kan aanbeveel vir ander mense.

Plesier.

Baie goeie plek, al wat fout was is die dubbelbedmatras is vol harde knoppe.

Die kamer was netjies en skoon en goed ontvang. Heerlike swembad om in af te koel.

Die agterste kamer was lekker, want dit is stil met min beweging voor dit. Het presies voldoen aan my behoeftes vir een nag se oorslaap.

Lieflike, rustige akkommodasie. Het dit baie geniet

Welige plantegroei op perseel maak verblyf sommer baie aangenaam.

Baie rustig en privaat.

Dit is 'n baie veilige en privaat omgewing.

It was comfortable, decent, homely and safe!

My family enjoyed the stay. A home away from home.

Baie swak. Nie geld werd nie.

Eerstens was ons baie swak ontvang, die eienaars van die gastehuis was nie eers daar nie. Ons kom in by die hek en sien 'n baie slordige area. Orals lê hope goed rond. Lyk soos 'n stoor area. Ons loop deur 'n beboste doolhof en kom by 'n baie bedompige, warm stowwerige kamer. Baie swak. Beveel dit glad nie aan nie.

Baie mooi en rustig.

Mooi tuin.

Net wat jy nodig het.

Pragtig gemeubileer en perfek vir beide sakereise en familiegeleenthede.

Nie goeie waarde vir geld nie.

Kamer baie beknop. Toilet loop permanent en raas. Dakwaaier maak kortsluiting.

Baie lekker ruim kamers.

Baie dankie. Het lekker saam met vriende oorgebly.

Waarde vir geld en goed geleë.

Lekker gerieflik vir Innibos.

Swak.

Geen stoele of tafel om by te sit en eet nie. Mikrogolf se deur was stukkend en kon nie gebruik word nie. Bed was vreeslik hard en het geraas as mens beweeg.

Aangename verblyf.

Alles was baie lekker, beddens was net kliphard.

Gerieflik geleë.

Lekker gebly en die plek is goed toegerus. Was die tweede keer wat ons daar oornag en is baie tevrede met die verblyf.

Baie gerieflik.

Was baie gerieflik geleë en het voldoen aan al my behoeftes.

Lekker verblyf naby aan alles.

Het baie lekker gebly en die eenhede is goed toegerus. Was egter aan verskillende kante van die perseel geakkommodeer terwyl ons twee eenhede bespreek het, sou graag naby mekaar wou wees. Die eenheid aan die agterkant van die perseel is nie van dieselfde gehalte as die ander eenhede nie, baie warm en die lae plafonne maar dit nogal beknop.

Baie lekker plek om by te oor nag.

Baie lekker plek om by oor te bly en sal aanbeveel vir enige iemand om gebruik te maak van die plek. Lekker sentraal geleë en baie veilige parkering.

Naweekwegbreek saam eggenote.

Pragtige verblyf in Nelspruit. Naby aan winkelsentrums geleë. Gemaklik en skoon. Heerlike swembad. Ons het ons verblyf baie geniet. Dankie.

Good value for money.

Good value for money. Centrally situated in Nelspruit with secure off street parking. Unit was private (couldn't hear or see your neighbours) with everything you needed. Only downside is unit was very small but as we just needed a place to sleep it was perfect for this trip.

Nie wat ek verwag het nie.

Dit word geadverteer as 'n selfsorg-eenheid. Die toebehore is egter so skraps dat 'n mens nie vir jouself kan kosmaak nie. Ons moes noodgedwonge aandete en ontbyt gaan uiteet.

Baie rustig.

Baie lekker en rustige omgewing. Ons het heerlik geslaap. Kan net ekstra koffiesakkies gee.

Vir een nag verblyf was dit heerlik om in so mooi en netjiese plekkie te bly.

Sien sterre.

Baie rustig.

Die plek is baie mooi skoon en rustig. Baie veilig ook gewees.

Rustig, veilig en voldoende.

Presies wat mens nodig het. Veilig, goed geleë en gerieflik. Kombuis goed (ketel en so) effe vuil.

Baie teleurgesteld

Die Rondawel is regtig nie 'n selfsorg-eenheid nie. Daar was geen borde, messe, vurke of lepels nie. Die spasie was heeltemal te klein vir 'n dubbelbed. Die matras was so hard dit was so goed of ons slaap op die vloer sonder enigiets onder. Die parkeerterein is vreeslik beknop.

Wonderlike styl en privaat met al die geriewe wat mens benodig.

52 Bracelet is 'n baie goeie waarde vir geld opsie wat ek sal voorstel vir enige persoon. Was maklik om te kry en kamers is vol toegerus met als wat mens benodig. Internet kan bietjie opgeknap word.

Was very neat and friendly service.

See star-rating.

Baie netjies, waarde vir geld en kan aanbeveel word.

Rustige, veilige omgewing, verblyf baie netjies en skoon... sal weer daarvan gebruik maak.

Lekker oornagplekkie.

Lekker vir net een of twee aande oornag.

Baie baie beknop.

Alles netjies en skoon en veilig, maar die rondawel is baie beknop, veral om in die stort in te kom en in die stort nie plek om enige iets neer te sit of af te buk om voete te was nie, dan stamp jou kop teen die deur.

Heerlike rustige omgewing.

Baie netjiese plek. Rustige omgewing wat naby winkelsentrums geleë is. Enigste negatiewe ding is maar die gehalte van die beddens. Kort net bietjie aandag.

Privaat en gemaklike verblyf.

Waarde vir geld. Stil en privaat.

Goeie waarde vir geld.

52 Bracelet is nie die mooiste of luuksste plek waarin ek al gebly het nie, maar as mens die baie lae prys in ag neem, kry jy presies waarvoor jy betaal. Die mure is wel bietjie dun, en 'n mens kan jou bure se gesprekke (en gevegte) in groot detail volg - of jy nou wil of nie.

Baie veilig en privaat.

Het baie lekker gebly, veilig, privaat en kry elke dag skoon handdoeke. Niemand pla jou daar nie.

Baie rustig, netjies, veilig en kliënt-vriendelik.

Die plekkie is baie rustig, netjies, kliëntvriendelik en veilig.

Verblyf was rustig, ruim en skoon.

Ons het die verblyf in die ruim en skoon Cottage rustig gevind, die opsigter was geredelik beskikbaar en hoewel die parkering skuins is, was daar altyd veilige parkering beskikbaar. Die kombuis het die basiese toerusting.

Baie eenvoudig en goed uitgelê.

Baie lekker gebly. Sal weer daar bly.

Vriendelik en verrassend.

Ons het baie lekker gekuier! Die eenheid is baie groter as wat ons verwag het, met vissies, 'n warm huislike gevoel en selfs 'n privaat ingeboude braai en buite-sitarea en my persoonlike gunsteling: 'n Victoriaanse bad! Sal definitief weer daar kuier!

Knus en rustige oornagverblyf vir reisigers.

Al die nodige fasiliteite was beskikbaar in die knus rondawel en daar is 'n winkelsentrum daar naby om 'n rustige middag en aand te verseker. Ek sal die plek weer in die toekoms opsoek.

Goeie waarde vir geld.

52 Bracelet, kan ek enige tyd aanbeveel. Dis netjies en skoon en goeie waarde vir geld. Ek het 'n goeie ontvangs gehad met my aankoms. Ek was ook gekontak om te verseker min of meer watter tyd ons sal arriveer, wat ek nogal waardeer het.

Die kamer was baie klein vir 2 volwassenes.

Daar is nie voldoende spasie in die stort om af te droog of te verklee nie.

'n Lekker ervaring.

Die kamer waarin ek geslaap het was baie lekker gewees. Alles wat ek benodig het was daar. Winkels en eetplekke is ook net om die draai.

Aangenaam!

Sien die sterre.

Baie goed vir oorslaap.

Goed geleë, veilig en bekostigbaar. Baie netjies en alle reëlings het vlot verloop. Ons het dit gebruik om oor te slaap en die grootte van die plek was heeltemal geskik daarvoor.

Pragtige woonstel in 'n baie mooi tuin, maar met klipharde beddens.

Baie harde beddens. Ons was glad nie uitgerus nie, die beddens is kliphard. Ons het daarom 'n aand vroeër vertrek as beplan. Ons het bespreek vir 4 volwassenes, en die eenheid wat ons gekry het, het geen privaatheid gebied nie. As ons wou aantrek, moes ons dit in die toilet doen, of die mans moes buite sit en wag tot die vroue klaar aangetrek het of omgekeerd. Maar dis in 'n pragtige omgewing, en die woonstel was wel baie netjies. Lugversorging in die eenheid sou fantasties gewees het, die waaiers het nie veel gehelp vir die hitte nie.

Verbasende en uitstekende verblyf.

Sien gradering.