Bankfontein

Baie lekker en netjies.

Baie rustig en netjies.

Baie goed, netjies en gerieflik.

Alles was in orde. Stil omgewing in die natuur. Mooi om in fiets te ry. Valarie en Joop is uitstekende gashere.

Absolute plesier, skoon lug, mooi natuur, lekker ontspanne en kon heerlik rus.

Ons het Bankfontein gekies omdat ons my man se 70ste verjaarsdag buite die stad wou vier. Ons was baie vriendelik en met gasvryheid deur ons gasvrou ontvang. Sy het ons persoonlik na die kamp vergesel en alles vir ons uitgewys. Later die middag het sy weer kom seker maak dat ons reg is en het selfs vir ons heerlike vars plaasdruiwe gebring. Alles wat jy nodig het is daar, spoeltoilet, warm stort en 'n uitsig om van te droom. Hulle voorsien 'n groot yskas en vrieskas waar jy jou kos en drinkgoed kan koud hou. Ons kon selfs 'n bietjie biljard speel, want daar is 'n lieflike tafel. Dit is 'n groot kamp wat maklik 'n groep van tot 20 mense kan akkommodeer, maar ons was alleen daar. Alhoewel WiFi by die plaasopstal beskikbaar was, het ons nie daarvan gebruik gemaak nie, aangesien die selfoonsein op 'n bepaalde plek op die plaas voldoende was.

Veilig rustig en mooi. Net wat mens nodig het om weg te breek van real life.

Goeie grondvoertuig word bedonodig om by die plaashuis en kampplek uit te kom en al wat mens nodig het is jou klere, kos en jouself. Die res is alles daar.

Baie baie lekker gebly!

Definitief 'n uitstekende kampplek! Rustigheid en die natuurskoon is asemrowend.

Ongelooflike wegbreek met fantastiese gasvryheid.

Pragtige plek wat perfek is vir mense wat hou van stappies deur die berge. Ons was met ongelooflike gasvryheid verwelkom en hanteer. Baie netjiese plek. Hoogs aanbeveel!

Teleurstellend.

Vuil eetgerei, swak beddegoed, geen yskas by eenheid. Geen terugvoering van eienaar na my klagte!

Wonderlike naweek.

Absolute natuurparadys, stilte, rus en vrede. Sal beslis weer hierdie versteekte juweel besoek. Baie dankie aan Joop en Valerie. Julle vriendelikheid word opreg waardeer.

Aangenaam en afgesonder.

Die kamp is uitstekend toegerus en baie goed onderhou. Ons gashere was baie vriendelik en behulpsaam.

Uitstekend.

Ons het dit baie geniet en sal beslis weer van hulle gebruik maak.

'n Heerlike, rustige wegbreek met al die nodige briewe!

Besoek gerus Bankfontein vir 'n rustige wegbreek! Die plaas grens aan die Vanderkloofdam. 1 km se stap vanaf die kamparea, dit voel soos private beach access. Al wat jy moet saamvat is jou kos en klere! Kombuisgeriewe, yskas, vrieskas, gas en en krag word voorsien. Baie netjies en veilig. Troeteldiervriendelik. Julle sal ons weer sien.

Perfekte wegbreekplek om ordentlik rus te kry.

Uitstekende akkommodasie. Baie behulpsaam en vriendelike gasvrou, Valerie en die oom. Baie rustig en stil met al die basiese behoeftes gedek. Sal weer hier bly. Weg van alle gejaag en lawaai! Besonderse landskap.

Heerlik pragtig en rustig.

Baie lekker gekuier. Plek is netjies en skoon. Mense vriendelik.

Excellent value in a beautiful location serviced by friendly and helpful hosts.

We really enjoyed out stay at this magical place. Our hosts went out of their way to keep us happy. A bit off the beaten track, but exactly what we wanted. Loved it.

Koud, tog slaap ons snoesig. Lieflike ligging en meer geriewe as wat ons benodig het.

Wonderlike gasvryheid, behulpsaamheid,bederf met 'n tuisgebakte kaiingbrood. Sal graag weer gaan.

Absoluut wonderlik.

Dit was ver bo ons verwagtings, ons het baie lekker gekuier en gerus, die eienaars is die wonderlikste mense. Plek is asemrowend mooi.

Bankfontein is 'n moét!

Ons was die naweek vir die eerste keer by Plaas Bankfontein en dit was fantasties! Ons is met aankoms hartlik verwelkom deur Valerie wat ons na die kampterrein geneem en alles mooi verduidelik het. Dis werklik op 'n afgeleë deel van die plaas en die stilte was wonderlik! Buiten vir die asemrowende natuur is ons aangenaam verras gewees met die stort fasiliteite, jy moet 'n donkie stook vir warm water soos in die ou dae! Hulle het letterlik alles wat jy benodig, al wat ons moes saamneem was kos en handdoeke. En om nie te praat oor hoe netjies die terrein en tente was nie sal net verkeerd wees! Ons het rivierlangs gaan stap tot by Vanderkloofdam! Daar is 'n roete om per voertuig ook na die dam te gaan, maar ons wou die natuur beleef en het beslis! Die koppies is ook verkenbaar en ons het een van hulle geklim en werklik die mooiste uitsig gehad. Dis onmoontlik om die hele naweek hier te beskryf, maar as jy 'n 2x4 of 4x4 het en net wil wegbreek om te kamp is Plaas Bankfontein beslis die plek om te wees! Ek sal hul enige tyd vir enige kampliefhebber aanbeveel! Dankie weereens Valerie! Sien jul gou weer!

Baie lekker, gemaklik en mooi ingerigte kamp.

Ek sal beslis Bankfontein aanbeveel, vir vriende, paartjies en selfs groepe. Die tente is mooi en netjies binne met beddens en ligte in die tente. Daar is vrieskaste, yskaste, en 'n lekker braai-area. Die badkamers is netjies en skoon en dit is baie verfrissend om die natuurskoon te kan besigtig vanaf jou stort. Dit is baie privaat en veilig en die eienaars is baie vriendelik en behulpsaam. Mens het regtig amper niks nodig om saam te vat nie, behalwe drink en eetgoed en lekker stapskoene as jy na die dam wil stap. Die gemeenskaplike kombuis is goed ingerig en daar is alles wat mens nodig het. Mens het egter 'n hoë vrywaring voertuig nodig om by die kamp uit te kom, maar mens kan ook alternatiewe reëlings met die eienaars tref om tot by die kamp self uit te kom vanaf die plaas. Ons sal enige tyd weer terugkeer.