Big Bay Beach Club 37

Fantastic accommodation with a view!

We had an amazing week at 37 Big Bay Beach Club. The accommodation had all the bells and whistles that we could hope for: a dishwasher, washing machine, good WiFi, a TV box, etc. The couches were comfy, and there was a nice dining nook overlooking the ocean. I must say, it probably has one of the most beautiful patios overlooking Table Mountain and the ocean in Cape Town. I can wholeheartedly recommend it, and we will definitely be back one day!

Ons was ongelukkig teleurgesteld.

Daar was baie plekke waar verbeteringe nodig is aan hierdie eenheid.

Lekker groot kuierstoep met see-uitsig.

Die eenheid het 'n pragtige uitsig oor die see en op Tafelberg. Ons het lekker lang ente gaan stap op die strand en baie fotos geneem. Die groot kuierstoep is vir seker 'n sterkpunt van die eenheid. Ek het gevoel dat die eenheid goeie waarde vir geld bied. As ek een aanbeveling kan maak sal dit wees om 'n Netflix-dekodeerder aan te koop vir die eenheid. Basiese subskripsie is maar R99 per maand. Die WiFi is reeds daar en die beperkte DStv was nie genoeg om ons besig te hou op koue wintersaande nie. Gelukkig kon ek my laptoprekenaar gebruik vir Netflix! Ek sal vir seker Big Bay Beach Club aanbeveel vir enige iemand wat in Blouberg wil vakansie hou.

Uitstekende uitsig en baie veilig. Sonskyn of reën, die plek bied jou alles om jou gerief te verseker.

Die DStv-pakket in die wooneenheid is maar saai, en ek beveel aan dat huurders hulle eie DStv-kaart (Primêre pakket veral) saambring en hier aktiveer. Die wooneenheid maak van pre-paid krag gebruik. Maak dus seker die verhuringsagent het genoeg eenhede opgelaai om te hou vir jou duur van bly. Dit is jammer die plek het nie 'n tuimeldroër nie, want dit het baie gereën en wasgoed sukkel om droog te word. Daar is oorgenoeg plek vir die hang van wasgoed in die badkamer en op die balkon, maar die weer speel nie altyd saam nie. Die wasmasjien en skottelgoedwasmasjien is 'n wenner. Alles wat mens kan benodig (kombuisware) is in die wooneenheid beskikbaar. Die skoonmaakdiens (waarvoor jy betaal met bespreking) is baie doeltreffend. Tref net met hulle reëlings oor 'n geskikte dag en tyd vir jou sodat hulle kan beddegoed en handdoeke omruil en die plek skoonmaak. Geen bekommernis iets gaan wegraak nie, hulle is uiters vriendelik en betroubaar.

Die verblyf was aangenaam.

Die woonstel kort bietjie aandag. Stoepteëls is gebreek en kan tot beserings lei. Sitkamerbanke was vuil. Badkamer was vol hare van vorige gaste. Uitsig is pragtig en dit is baie veilig en stil.

Lekker stoep, lekker flat, aaklige matras.

Ons het vreeslik lekker gebly, nie regtig enige issues gehad nie. Ons was die meeste van die tyd nie daar nie, omdat ons elke dag aktiwiteite gedoen het in en om die Kaap. Die matras is wel al lankal verby sy vervaldatum. Daar is 'n groot duik in die middel van die matras, so jy rol deur die aand na die middel toe en word met 'n baie seer rug wakker. Wat veral sleg was omdat ons elke dag vreeslik aktief was. Die stoep is vreeslik lekker met 'n mooi uitsig van die see en Tafelberg en ons het meeste van ons tyd by die woonstel op die stoep spandeer. Die banke in die sitkamer is ook baie lekker as mens perongeluk 'n middagslapie daar wil neem. Die matras is die enigste rede dat ons nie weer sal terug gaan na hierdie plek toe nie.

Lekker rustig!

Lekker area, nie te ver van alles af nie.

Ontspan met 'n mooi uitsig van Tafelberg sonder om in die stad te bly.

Big Bay Beach Club 37 sal ek regtig aanbeveel vir iemand wat will ontspan met die see voor hulle. Die agente was baie behulpsaam met die in- en uitklok van die woonstel. Dit is so 100 m van die see af en spog met 'n mooi uitsig op Tafelberg en Robbeneiland. Die woonstel het alles wat mens nodig het vir 'n lekker vakansie weg. My gunsteling deel was die massiewe stoep waar mens kan braai en gesellig wees met 'n glasie wyn.