De Branders 50

Onvergeetlik.

Fantastiese verblyf! Netjies, gerieflik en baie hulpvaardig.

Ons het lekker geslaap!

Baie lekker gebly. Die woonstel is goed ingerig met alles wat nodig is. Baie lekker geslaap en die uitsig geniet. Ek sou, as ek mag, voorstel dat die skoonmaakdienste aangespreek word m.b.t. die volgende: 1. Stortvloer was vuil by aankoms. 2. Braaiskottel was nie gewas nie en vuil in die kas gebêre. 3. Die braairooster was vuil binne die braai.

Fantasties.

Dit was 'n wonderlike ervaring met 'n woonstel by die see.

Pragtige see-uitsig.

Goed geleë en lekker gerus.

Was onverbeterlik.

Alles was skoon. Goeie kommunikasie. Goed toegerus. Fantasties geleë en die uitsig. Sal weer die eenheid bespreek en aanbeveel vir vriende.

Beautiful stay location-wise.

The keys weren't left in the box at the garage upon collection. The unit wasn't very clean (broomed or vacuumed). The unit was smelling like strong cigarette smoke on arrival.

Fantasties!

Ongelooflike ligging.

Baie lekker vakansie.

Lieflike 180° see-uitsig vanaf 2 balkonne. Braai op die balkon was lieflik. Gerieflike vakansiewoonstel met alles wat jy nodig het.

Ligging - perfek. Netjies en skoon. Rustigheid vanself.

Sal definitief aanbeveel.

Lekker rustig en veilig.

Ons het rerig ons paar aande by Marius se apartment baie geniet. Alles was silwerskoon. Die see is sommer so saam met jou in slaapkamer in die aand. 'n Mens voel ook baie veilig in die kompleks met baie sekuriteitwagte in die aand wat patroleer. Selfs 'n witdoodhaai gewaar wat 'n rob gevang het een oggend. Kan die plekkie rerig aanbeveel.

Heerlike vakansie reg op die see.

Die ligging van De Branders 50 is uitstekend. Jy kan nie nader aan die see wees nie. Die sekuriteit van die plek is uitstekend en die diens van Marius is baie goed. Geen probleem om sleutel op te tel en weer af te gee nie. Netheid en goedjies wat nie reg was nie, het ek met Marius self opgeneem. See-water is lekker warm en strande is skoon. Lewensredders was heeltyd daar om ogie oor swemmers te gooi. Heerlike swem strand vir kleintjies en tieners. Lekker geswem en lang ente op die strand gestap. Ek sal definitief weer by De Branders 50 gaan bly in die toekoms.

Baie lekker.

Sal weer daar wil bly.

Ongelooflike uitsig.

Ons het ons verblyf by De Branders 50 baie geniet. Alles was netjies en skoon. Daar was WiFi en al die DSTV-kanale was beskikbaar. Die mees ongelooflikste uitsig oor die see. Ons was selfs so gelukkig om dolfyne in die branders te sien baljaar. Stapafstand na alle restaurante, winkels, putt-putt en swembad. Ons sal beslis weer daar gaan bly. Ons het net gesukkel om die sleutel in die hande te kry, daar sal definitief meer gekommunikeer moet word tussen agent en verhuurder.

Was teleurgesteld gewees en het beter verwag.

Ligging en veiligheid is uitstekend. Kliëntediens - kommunikasie aangaande die bespreking was goed. Vir 7 dae bespreek, sou verwag dat na 4 dae daar 'n skoonmaak sou wees en linne / handdoeke vervang sou word. Netheid - die eenheid het 'n dringende face lift nodig, daarom sal ek nie die eenheid aanbeveel nie en is my toekenning vir waarde vir geld 2 sterre. Verblyf in Hartenbos is baie kompeterend en daar is baie mooi eenhede beskikbaar, selfs in die kompleks.

Heerlike verblyf met die mooiste uitsig.

Woonstel is goed ingerig.

Vakansie verblyf 1000.

Baie dankie vir 'n skoon en pragtige eenheid. Ons verblyf was so gerieflik en ons sal beslis weer van die eenheid gebruik maak en aanbeveel vir ons vriende en familie. Baie dankie aan Maruis en die webtuiste vir goeie diens.

Fantastiese uitsig oor die strand, 'n salige naweek in paradys.

Die afhaal van die sleutel om toegang te verkry was (ongelukkig) nie vooraf goed gekommunikeer nie. Verder was ons heeltemal gelukkig met die bespreking. Ligging is perfek. Hopelik weer eendag!

Dit was heerlik en die woonstel is perfek geleë.

Dit was 'n baie aangename naweek. Baie dankie.

Heerlike vakansie.

Jy slaap met die deure oop met die branders wat op jou voorstoep breek. Baie veilig vir klein kinders.

Was baie lekker en netjies. Mooiste uitsig. Regtig die moeite werd! Sal weer gaan.

Was baie lekker en mooiste uitsig. Ligging is perfek! Gaan definitief weer gaan.

De Branders 50 is 'n wonderlike akkommodasie, skoon en goed geleë.

In terme van De Branders 50 se atmosfeer kan jy nie 'n beter ligging in Hartenbos kry nie. Dis op die strand en naby die winkels en pretpark. Die eenheid bevat alles wat jy benodig en is goed onderhou. Kommunikasie by bespreking kan verbeter vanaf die eienaar, maar in terme van verblyf is dit fantasies vir 'n naweek of selfs langer verblyf.

Asemrowend mooi met see-uitsig en sentraal geleë. Loopafstand van winkels.

Ek was baie tevrede met als, geen probleme of ontevredenheid oor enigiets nie. Dankie Julize, jy het my op hoogte gehou met als. Almal was in die wolke, daar is als wat mens wil hê.

Fantasties om te gaan slaap en op te staan met die breek van die branders!

Die eenheid is baie volledig toegerus. Baie netjies en skoon. Baie gemaklike bank en stoele, asook die beddens. Die enigste klagte is die kokkerotte wat veral in die leefarea is! Dit sal baie beslis aandag moet kry!

Baie lekker en aangenaam met wonderlike uitsig en ligging sal weer daar gaan bly.

Dit is wonderlike verblyf en sal weer daarvan gebruik maak. Dit is netjies en die ligging en uitsig is wonderlik. Baie dankie vir die verblyf daar.

Pragtige skoon woonstel op die see.

Heerlike verblyf op die seefront. Woonstel was skoon en het alles wat nodig is. Ons sal graag weer daar gaan kuier.

Fantasties.

Baie lekker gekuier en gebly, sal dit beslis aanbeveel.

Netjiese verblyf ideaal. geleë met pragtige uitsig oor die oseaan.

Daar was bietjie verwarring met die sleutels vir die wooneenheid maar na 'n paar oproepe en besoeke aan die optelpunt is dit uitgesorteer. Die wooneenheid was netjies met aankoms en beskik oor alles wat mens nodig mag hê tydens jou verblyf. Daar was egter nie 'n inventaris van toerusting wat nagegaan kon word om enige items wat moontlik vermis kon wees aan te dui nie. Benewens dit was die verblyf wonderlik. Die wooneenhied se ligging, onderdak parkering, wasmasjien geriewe en in besonder uitsig oor die see sal ons beslis laat terugkeer.

Verblyf was ongelooflik lekker, maar geriewe was teleurstellend.

Die verblyf was ongelooflik lekker met die pragtige see-uitsig. Genoeg slaapplek soos op advertensie. Die kombuis is nie ten volle toegerus met genoeg messe en vurke vir 6 mense nie. Daar was ook nie genoeg borde of glase nie. Die wasbak was baie vuil en moes ons eers dit behoorlik skoonmaak. Stortvloere was baie vuil en moes ons eers die vloere behoorlik skrop. Die lakens op die hoofslaapkamer se bed het vuil kolle op gehad. Die braaier was glad nie skoongemaak nie en die tafel en stoep self was baie vuil gewees, moes ook eers skoonmaak. Grondvloer se vloere was ook vuil. Ek sal nie De Branders 50 aanbeveel vir die hoeveelheid geld wat per nag gevra word nie.

Aangename verblyf, pragtige omgewing en dorpie!

Woonstel goed ingerig en geleë. Het egter ietwat meer van verhuringsagent verwag t.o.v. reëls, toeganklikheid ens. Persoonlike kontak sou beter wees instede net sms-opdragte/-boodskappe. Sal ook aanbeveel dat eenheid baie goed skoongemaak word, asook berook word veral t.o.v. kokkerotte.

Ons verblyf was aangenaam en verfrissend.

Ons het lekker gebly en die tydjie geniet.

Lieflike see-uitsig en naby alles.

Ons het baie lekker gebly. Sentraal geleë en alles wat nodig is, is daar. Die kontrolelys is net baie onvolledig.

Affordable appartment with an amazing sea view.

The apartment was neat but can do with a bit of a revamp.

10 uit 10.

Wonderlikste vakansie ooit, om te kan gaan slaap met die gedruis van branders. Netjies, skoon met als wat nodig is. Baie dankie, sal graag weer wil kom kuier.

Baie lekker see tuiste.

Ons het baie lekker gekuier en plek was netjies en skoon. Alles was beskikbaar wat jy sou benodig vir 'n lang verblyf. Sal beslis weer gaan.

Goed geleë en veilig.

Die kompleks is teen die strand, veilige omdat toegang tot die kompleks beheer word. Stapafstand vanaf 'n winkelkompleks.

Lekker, alles wat jy nodig het!

Ons het baie lekker gebly en kan dit beslis aanbeveel. Alles wat jy nodig het is daar. Ons voel net vir die prys per nag, het ons netjieser/duursame eetgerei, kombuistoerusting en beddegoed verwag, maar verstaan ook dat aangesien die plek gedurig aan verskillende persone verhuur word, die goed maar breek/voete kry en weer vervang moet word.

Unbeatable view!

The beds and couches were not very comfortable, but it was fantastic to wake up every morning "on" the beach!

Slegste ondervinding.

Ons is mal oor Hartenbos maar is baie teleurgesteld oor die eenheid. Die boonste hoofslaapkamer se ruit en deur is stukkend. Die gaste-toilet se sitplek is stukkend, die skuifdeur het so geraas met al die wind wat deurkom. Dan die ergste die beddens in albei kamer is aaklig! Mens kan nie op dit slaap nie die vere steel deur en maak mens seer. Ons moes komberse gaan koop en opsit net om bietjie te kan slaap alhoewel dit steeds nie gerieflik was nie. Die kussings is moeg, een plat kussing op elke bed, en ek praat van stokoud. Ons gaan graag na De Branders elke jaar, maar nog nooit so belewenis gehad nie. Weet nie of die agent of die eienaar is wat nie die plek in stand hou nie maar dit was baie teleurstellend. My ma met haar rugoperasie moes op so moeë bed probeer slaap dat sy nie kon loop die volgende dag. Sal die eenheid nooit weer geruik nie.

Baie lekker.

Ons het dit baie geniet. Net een probleem was dat daar kokkerotte onder die yskas en vrieskas was wat in die nag op die kombuiskaste gehardloop het.

Die ligging en uitsig maak dit die moeite werd.

Verblyf was gemaklik en skoon. Daar was herstel- en bouwerk aan die gang maar dit het glad nie gepla nie. Alle reëlings was ook professioneel gedoen en ons het nooit nodig gehad om met enigiets te sukkel nie. Sal verseker oorweeg om weer daar te bly en ook om De Branders aan te beveel by ander.

Baie lekker gekuier, goeie ligging, sal definitief weer teruggaan!

Baie lekker gekuier. Ons sal beslis weer terug gaan en kan dit vir seker aanbeveel.

Lekker ontspan terwyl kinders sorgeloos kon speel!

Baie netjiese plekkie met die mooiste uitsig oor die see en Mosselbaai!

Die uitsig spreek vanself!

Netjies en goed ingerig!