Deze Plaats

Ongelooflik lekker.

Ons sal definitief weer by Deze Plaats oornag. Die huisie het soveel bekoring. Elizabeth het seker gemaak dat ons alles het wat nodig is.

Knus, skoon, veilig, goed geprys.

Baie oulike, netjiese, goed uitgeruste huisie naby die strand. Die eienaar maak kontak van die eerste dag af en vind uit hoe hulle kan help. Was nie seker of ons die water kon drink nie, so het kanne water gekoop.

Baie rustig. Ontspannend.

Baie veilig. Die plekkie is goed toegerus met breekware. Alles was netjies en skoon. Die plek is net nie baie rokersvriendelik nie. Moet in die koue staan en rook. Oprol seile kan nogal werk.

Was so lekker.

Ons het Deze Plaats vreeslik geniet. Daar is alles wat jy nodig het binne loopafstand van die strand. Jy hoor die see so duidelik en die buitestort is fantasties. Die huisie is baie skoon en netjies. Ons het dit so geniet en sal vir seker weer teruggaan. Dankie aan die gasvrou wat op WhatsApp was om seker te maak dat ons tevrede is en die vars melk was 'n wenner. Baie dankie! X.

Klein, maar gesellig.

Baie oulike en netjiese verblyf. Klein, maar alles daar wat 'n mens nodig het. By die strand en die see is in jou ore, hoewel mens nie die see kan sien nie. Perfek vir 'n paartjie wat wil wegbreek.

'n Klein stukkie hemel. Pragtige plekkie met alles wat mens nodig het en baie naby die strand.

Ons het so lekker gebly in die huisie. Die huis is smaakvol gemeubileerd en ons het alles gehad wat ons nodig kon kry. Die stoep is lieflik en my man het die buite-stort geniet. Ons kom gou weer kuier.

Heerlik ene, rustig.

Wat 'n oulike klein kothuis in Boknes. Dit was baie lekker daar. Alles wat jy nodig het is daar. Heerlike bed en alles netjies. Ons het elke oggend met ons koffie afgestap na die bankie waar ons die mooi uitsig oor die rivier en see kon geniet. Seker 100 m. Die buitestort was ook baie lekker. Alhoewel dit net 'n naweek was het ek gevoel asof ek op vakansie was. Ek het heerlik in die rivier geswem. En ons het lekker gebraai op die stoep.

By die see.

Die ligging is ongelooflik en die gasvryheid van die eienaar is topklas. Die geriewe is ideaal vir vriende wat 'n wegbreek wil geniet.

Die huisie by die see!

Deze Plaats is ‘n skatlike ou huisie wat net groot genoeg vir ons drie was! Elizabeth het ons met raad en daad bygestaan! Ek het so lekker met die see in my ore aan die slaap geraak! Daar is so baie ekstras, soos speserye, beskuit en vars plaasmelk, om net ‘n paar te noem! Elizabeth, baie dankie vir ‘n onvergeetlike verblyf!

Relaxing and enjoyable.

A good location, very close to the beach. Cosy cottage with all the necessary amenities.

Sielskos.

Wat 'n heerlike wegbreeknaweek danksy die oulikste plekkie op Boknes. Lekker vars plaasmelk en ander bederfies het op ons gewag. Daar is alles wat jy nodig het, en nog meer. Die buitestort is 'n treffer. Alhoewel jy nie die see kan sien nie, kan jy dit die heeltyd hoor. Saligheid! Ons sal beslis weer daar gaan kuier.

Buite stort was 'n wenner!

Aanvanklik was die reaksie negatief teenoor die stort, maar die buitelug-ervaring te same met die feit dat jy nie hoef op te droog na die tyd nie was awesome.

Stil, rustig en baie na aan die strand!

’n Baie aangename, besorgde gasvrou en sy het ons ingelig gehou oor die beurtkrag, die weersomstandighede en aktiwiteite waaraan ons kon deelneem in die omgewing.

Klein seehuisie met karakter

Deze Plaats is 'n gerieflike huisie vir 3 persone. Daar is alles wat nodig is en alles is skoon en netjies. Alhoewel daar nie 'n stort binneshuis is nie, is daar wel 'n buite-stort met warm water vir die avontuurlustiges.

The perfect little beach house, beautifully styled, recapturing the nostalgia of a more simple, romantic past.

Great attention to detail and much appreciated forethought for comfort of guests. A little bit of heaven.

Quaint vintage cottage/reis terug in tyd

Outydse kothuisie Deze Plaats se ligging is fantasties, klipgooi van beide die rivier en die pragtige strand. Beddens en beddegoed was goeie kwaliteit; waaiers, handdoeke, koffie, melk, beskuit en speserye was ook voorsien, baie dankie! Die rustigheid van die omgewing vang mens gou; die stoepkuiers by lekker groot tafel, braai en natuurlik die buitestort met heerlike warm water was 'n groot bonus. Daar is lekker groot yskas in die kombuisie maar sou graag bietjie meer moderne potte/panne/toebehore wou gehad het in die kombuis, dit kom voor of dit wel in die pyplyn is. Baie dankie vir heerlike kuier!

Rustig en vol van vrede.

Dit was vir seker presies wat ons nodig gehad het, nadat ons ’n besige tyd aan die begin van die jaar gehad het. Besonders rustig en stil. Die buite-stort is ’n moet om te gebruik. Ons gaan definitief weer gaan!

Quaint cottage that takes one back in time. So enjoyed it! Close to the beach and lagoon which is great!

We had a wonderful stay at Deze Plaats and will definitely be back! Thank you to Elizabeth for being a wonderful host and for spoiling us with home made rusks, farm milk and so on. We will definitely recommend it to friends. It was a great family break for us!

Heerlik knus, kalmerend op die gees en rustig.

Ons 3 dae daar het soos 'n weeklange vakansie gevoel. 'n Baie rustige atmosfeer is geskep met die wit dekor. Lekkerste was natuurlik die buite- stort!

Vars lig en skoon see.

Lekker skoon see met min mense.

Fantasmagories naby see naby rivier en geen TV. 'n Definitief weer.

Wat 'n juweel van 'n huisie, alles wat nodig is en nog meer, het die laataandstort buite baie geniet. Beveel aan vir enige iemand vir 'n waarde-vir-geld-wegbreek. Elizabeth was baie hulpvaardig.

Fantasties, het heerlik ontspan en het elke oomblik geniet.

Die fasiliteit was baie netjies en skoon, goed ingerig, gerieflik, veilig, beskut, loopafstand van die strand en eienaar was baie professioneel. Eienaar het gereeld met ons kommunikeer en navraag gedoen of ons enige iets benodig. Sal 'n kuier by Deze Plaats enige tyd aanbeveel.

Great location.

We really enjoyed our stay, everything matched our expectation but the exceptional quality of the bed linen and towels were really appreciated, this is a lovely little cottage is so well positioned for the river, sea and shop. Clearly the owner has made the most of the property and we had a wonderful time.

'n Pragtige juweel in die mooie Boknes.

Deze Plaats is 'n pragtige houthuisie in die mooie Boknes. Die huisie is toegerus, met alles wat benodig word om 'n heerlike, ontspanne vakansie te hou. Dit is netjies en gerieflik. Boknes se strande is skoon en veilig. Ek kan Deze Plaats met die grootste vrymoedigheid aanbeveel.