Die Kapokbosskuur

Die huisie waarin ons gebly het was 'n egte plaashuisie.

Perfekte wegbreekplek waar die stilte en mooi omgewing sielsrus gee. Dit was lekker rustig en die atmosfeer was baie lekker. Dit was 'n pure plaas ervaring. Als was skoon en gerieflik.

Gerieflik, rustig.

Beslis goeie waarde vir geld. Die huisie is goed toegerus vir wat ons wou hê. Ons het 2 honde saam gehad en dit het geen probleme veroorsaak nie. Die inrypad was wel 'n probleem. Ons was redelik swaar gelaai en a.g.v. die reën het die sleepwaentjie vasgeval in die modder. Ons moes hulp kry om uit te kom en het toe by iemand anders veilige staanplek vir die waentjie gekry. Dit sal 'n goeie idee wees om 'n goeie laag gruisklip te gooi in die inrypad om sodoende vassit te vermy. Maar andersins het ons heerlik gebly en sal beslis weer daar aangaan. Die aanwysings was goed.

Baie aangenaam en gerieflik. Die weer was net nie goed nie - heeltyd gereën.

Van buite af lyk die skuur nie te goed nie, maar binne is baie mooi ingerig. Hulle kan miskien 'n sementstoep gooi of plavei. Ons sou baie graag die pragtige braaiplek wou gebruik, maar reën het baie planne gekortwiek. Enigste klagtes, daar was nie koffie en vuurhoutjies, en ook nie blakers vir die kerse nie.

Hierdie plek is vir jonger mense. Die trap op na slaapplek is uiters steil en snags moet mens van bo af kom om badkamer te gebruik.

Dit het gereën toe ons daar aankom. Ons wou graag buite op die stoep sit, maar kon nie, omdat water deur die prieël gekom het. Die stoep was papnat en modderig. Die plekkie is pragtig in 'n landelike omgewing geleë, maar in die aand moet jy na die eetplekke ry, omdat dit nie sentraal genoeg is om te stap nie. Met beurtkrag was strate boonop baie donker.

Rustig en stil, maar Nieu-Bethesda is nie meer wat dit was nie.

Perfekte plek om te rus veral as jy met jou troeteldier reis. Geen meer restourante was beskikbaar nie so laat weet mense om vooraf iets saam te bring om te eet. Middel van winter en die vuurherd het so gerook moes met 'n venster oop slaap wat half die punt mis. Verder was alles baie skaflik.

Heerlike klein-dorpie-ervaring.

Wonderlike uitsig en geluide van die platteland. Baie spesiale omgeboude waenhuisie. Trappe na kamer met mooiste uitsig.

Gebly vir een nag, is iets anders maar aangenaam.

Rustig gebly. Kan lekker gaan stap hier af na die dorpie en ideal vir iemand wat met 'n hond reis. Net 'n voorstel, dit sal goed wees as iets soos 'n kleinerige betonklip gegooi kan word onder die veranda-afdak om die modderigheid te vermy.

Wonderlike ervaring.

Die foto's en beskrywing van Kapokbosskuur is presies soos wat dit geadverteer is. Die eenheid is netjies en gerieflik. Ons het heerlik oornag en rond gesnuffel in Nieu-Betesda.

Uniek en 'n belewenis.

Wonderlike plek om te vertoef en tyd te spandeer. Ons het baie lekker gebly en sal dit beslis aanbeveel vir 'n unieke wegbreek.

Perfekte oornag plek.

Fantastiese unieke verblyf in perfekte omgewing. Alles baie smaaklik gedoen in 'n moderne ou styl.

Net oorgeslaap, maar 'n plek met baie karakter.

Oud en nuut vermeng met die ou skuur en moderne geriewe.

Aangenaam verras.

Die rustic eenheid is besonder mooi. Die persoonlike touch vir gaste was 'n verrassing en staan uit bo die ander woonpleke wat ons gebruik het tydens ons toer. Lekker plek om af te skakel.

Rustige en stil atmosfeer, mooi berg uitsig.

Het 4 dae baie geniet. Heerlik ontspan. Stil en veilige akkommodasie.

Tranquil, cosy setting featuring eclectic décor.

Host was very helpful, providing the necessary additional items we requested. Definitely will utilise the venue again when next visiting the village.

Dit is 'n juweel van 'n blyplek.

Dit is so rustig en so goed geleë. Dit maak 'n mens lus om oral heen te stap. Baie goed toegerus en alles in 'n baie goeie toestand. Sal beslis weer daar bly.

Pleasant, private and very restful!

It was the break we needed. A really pleasant and private place to stay with a short, scenic walk to the small historic center of the town.

Dit was absoluut 'n voorreg om hier te kon oornag! Rus vir die siel!

Ons beveel die akkommodasie ten sterkste aan! Ons sal beslis weer kom kuier.

Knus in Die Kapokbosskuur!

Ai, die plekkie het my hart gesteel! Ek het gevoel soos Heidi in Oupa se berghut toe ons saans op ons solderbed gelê het! Dis juis die andersheid wat my aandag getrek het toe ek verblyf op Nieu-Bethesda gesoek het. Wens ons kon langer bly, daar het niks kortgekom nie. Die nag na ons aankoms het beide Naudesberg en Lootsberpas toegesneeu, maar Kapokbos was voorsien van kaggelvuurtjie, gasverwarmer. olieverwarmer, elektriese kombers en verwarmings-muurpaneel.

Heerlike plekkie, alles wat 'n mens benodig.

Ons het die verblyf baie geniet. Daar was koekies, beskuit, melk, twee soorte tee en baie sakkies met 'n verskeidenheid van koffie. Baie aangenaam!

Mei 2021 - Wat 'n ondervinding!

As jy van 'n plaasatmosfeer hou is hierdie die regte plek vir jou. Gesellig, skoon, met allels wat jy benodig en dan die rustigheid. Veilige omgewing met net jouself en die natuur. Onthou asb, neem 'n pakkie wortels saam vir die perd langs jou bly plek. Sy's tog te vriendelik en geniet die aandag.

Slegs 'n oorslaap op 'n Karoodorp-besoek.

Die fasiliteit is baie skoon en goed toegerus. Sou 'n mikrogolfoond waardeer het.

Pragtige plek met alles wat jy nodig het!

Dankie vir vriendelike diens.

Nommer 1 keuse in beeldskone Nieu-Bethesda!

Wanneer ons reis en op pad oorslaap, is ons altyd opsoek na 'n plek wat 'n 'ondervinding' is. Kapokbosskuur is so 'n oornagplek! Ons sal terug wees vir nog!

Oulike plek

Ons het baie lekker gebly, sal vir seker weer ’n draai kom maak.

Karaktervolle verblyf. Goed toegerus.

Loopafstad vanaf besienswaardighede. 'n Baie goeie keuse.

Ongewoon, basiese toerusting, maar ook alles wat mens benodig!

'n Goeie ervaring van die Karoo en sy platteland.

Fantasties. Stil. Rustig. Pragtig.

As ek kon, sou ek langer bly as een nag. Miskien nog so vyf aande. Of meer. Die Kapokboskuur is 'n wonderlike plek. So rustig en kalm en die perfekte blend tussen rustic en modern. Plus, dis verskriklik mooi. Veral die venster wat oopmaak in die kamer met 'n uitsig van veld en berge. Sal beslis terugkeer vir meer aande volgende keer.

Awesome oorspronklike verblyf.

Dit was 'n awesome ervaring. Die plekkie is so oorspronklik. Beslis netjies en skoon. Ons beveel dit aan vir enigiemand wat 'n oorslaapplekkie soek. Sien julle weer.

Rustig en skoon.

Vars lug en rustigheid. Hier hoor jy nog die skape in die dorp blêr. Lekker geslaap en die lekkerste lewer in netvet gebraai wat ons by die padstal gekoop het.

Asemrowend.

Sal definitief weer by Kapokbos bly.

Dit was n great getaway - stil en privaat.

Die huis is lekker ingerrig en agv van die klip vloer is dit lekker koel. n Klein waaier bo in die slaapkamer kan dalk n goeie idee wees, dit raak warm daar bo.

Baie netjiese en skoon plekkie

Het baie lekker gebly. die trappe na slaapplek kan vir persone wat nie van trappe hou 'n probleem wees aangsien die badkamer onder is. het heerlik warm geslaap.

Tranquil and serene.

Kapokbosskuur is the perfect cosy nest from where the beautiful Nieu Bethesda can be explored. Blends in with its surroundings. A must.

Goeie waarde vir geld.

Ons het baie lekker gebly. Het alles gehad wat ons benodig het en Reinet het daagliks ingecheck om te hoor of ons gelukkig was. Die klein koolstofie het die plek lekker opgewarm op die koue Karoo wintersaande. Sal beslis aanbeveel.

Heerlik gemaklike huisie, met aandag aan detail.

Die bed is heerlik, die huisie lekker sentraal en goed ingerig. Baie kreatiewe ontwerp met baie lig. Het baie lekker gebly en kan dit definitief aan beveel.

Die verblyf was great, die plek mooi skoon, baie gerieflik en goeie waarde vir geld. Sal beslis weer daar oorbly.

Ons het vir 'n braaipak bespreek en hulle het voorsien wat ons gevra het en betaal vir wat ons gebruik het. Die oortollige vleis kon ons teruggee. Dit word nie by meeste ander plekke gedoen nie. Dit is puik diens!

Baie netjiese en goed gedienste kothuis.

'n Baie netjiese en interessante blyplekke vir twee, die kombuis-area was baie goed ingerig met allerlei eetgoedjies en goeie verskeidenheid van warm drinkgoed. Goeie waarde vir geld.

Prakties was dit nie vir ons nie 'n gebruikersvriendelike verblyf nie.

Ek besef dat verblyf 'n baie persoonlike ding is en aanvaar dat ander besoekers van my mag verskil. Gemak en waarde vir geld is eweneens 'n relatiewe saak, maar gegewe dergelike plekke in die mark en dat ons gereeld reis en gebruik maak van hierdie tipe verblyf het ons darem 'n goeie idee van wat beskikbaar is vergelykenderwys. Ongelukkig, vir ons, was dit een van ons minder goeie ervaringe.

Stylvol, netjies, rustig.

Ons het baie lekker gebly. Dit is stylvol toegerus met als wat jy nodig het.

Huislik, skoon en gerieflik.

Wat 'n aangename verblyf. Baie netjies en eienaars baie bedagsaam, koffie, pap, beskuit en melk voorsien. Lekker tydskrifte om te lees en ook hout voorsien vir braai. Mens voel spesiaal as jy daar instap.

Dit was 'n besonderse ervaring.

Kapokbos was heerlik om in te woon. Die atmosfeer is vriendelik en veilig en oop. Dit was 'n besonderse ervaring en ons sal dit nooit vergeet nie. Baie dankie.

'n Klein juweel.

Alles wat jy nodig het om Nieu-Bethesda te ontdek. Netjies, skoon en mooi. Die eienaar was vriendelik en tegemoetkomend. Ons sal Kapokbosskuur graag aanbeveel. Karoo op sy beste!

Rus vir jou siel.

Absoluut 'n juweel in die Karoo. Als wat mens mag nodig kry is daar. Ons reis met ons twee beagles en die erf is veilig omhein. Aan te beveel vir enige reisiger in daardie rigting, veral met troeteldiere. Eienaar het alles vooraf gereël en als was 100%. Baie dankie vir 'n wonderlike, rustige verblyf.

Wat 'n aangename verassing.

Ons was heel verras met hoe netjies en oulik die plek was. Die verblyf was meer as wat ons verwag het. Reinet - die eienaar - was baie gaaf en behulpsaam. Ons sal weer hier kom bly. Die plek het 'n gevoel van stilte en vrede.

What a nice surprise.

Beautifully restored accommodation.

Kapokbosskuur is ‘n verrassende plek in ‘n dorpie vol karakter.

Ons het die verblyf by die Kapokbosskuur baie geniet, en beveel dit graag aan. Die eienaar was tegemoetkomend om ons toe te laat om ons twee konde saam te neem, en het gereeld opgevolg met boodskappe. Die Kapokbosskuur is op die rand van die dorpie geleë, en is maklik bereikbaar ter voet na die kern. As jy absolute stilte soek, mag die naggeraas van die woonbuurt dalk steurend wees. Die kombuis is netjies toegerus met die nodigste. Alhoewel ons daarvan bewus was, sou ‘n mikrogolf handig te pas gekom het. Die eienaar was ook behulpsaam om vir ons hout by die vuurput buite te laat, alhoewel ons nie ‘n braaitang in die hande kon kry nie. Die plekkie is so karaktervol en uniek dat ‘n komplimenterende tuintjie dalk die ding sal doen. Ons kan met vrymoedigheid hierdie plek aanbeveel, en sal beslis in die toekoms weer daarvan gebruik maak. Dankie aan Reinet en haar span.

Wat 'n oulike plekkie, met alles wat 'n mens nodig het!

Dis so mooi tussen die plase en naby die dorpie. Mens kan oral stap. Die huisie het die mooiste groot vensters en kamer in die dak. Ons het heerlik gebly!

Rustige plek, maar nie skoon.

Nie skoon (stort was nat met aankoms), geen mikrogolf om kos warm te maak, vloerplanke by slaapkamer wankelrig ('n vet persoon kan maklik deurval, as hard trap), geen hout vir kaggel, kombuislappe slegte reuk. Lekker stil plek.

Aangenaam.

Baie aangenaam om hier te bly.

Alles baie gerieflik, skoon en netjies.

Ons kon die plek maklik vind en alles was gereed vir ons. Baie mooi "attention to detail" en baie gerieflik.

Rustig met nostalgiese dekor.

Baie goeie ombouing van 'n ou skuur. Dekor is goed gedoen met klein houtstofie en gasgeriewe vir kosmaak. Die trappe na die slaapplek is bietjie steil, so nie eintlik vir afgetredenes nie.

Onvergeetlik.

Dit was die beste plekkie ooit! So 'authentic' en warm. Die kombuis is goed uitgerig en die loft kamer is fantasties met pragtige uitsigte. Hier kan 'n mense net ontspan en die stadslewe vergeet.