Die Meerkat

Baie netjies en skoon en presies wat ons benodig het!

Ligging is baie goed met vriendelike eienaar.

Wonderlike kliëntediens.

Heerlike oornagblyplek. Die eienaars gee uitstekende diens en ons het heerlik gebraai op 'n wintersaand.

Bekostigbare en gerieflike oornagverblyf in die Karoo.

Die gasheer het ons vriendelik ontvang. Voertuig was veilig onder dak en by die voordeur. Het lekker geslaap en die stort was 'n wenner.

Baie lekker verblyf in Carnarvon.

Ek het baie lekker oorgebly by die Meerkat en sal dit vir enige iemand aanbeveel.

Was goed geleë oorslaap vir een aand.

Ons moes ons reisplanne verander as gevolg van voertuig probleme. Ons gasheer was baie vriendelik, hulpvaardig en bedagsaam. Hy het ons geakkommodeer ten spyte van die ongerief. Ons was regtig moeg gery en dit was snikwarm. Hy het uit sy pad gegaan om dit vir ons meer draaglik te maak in die verskriklike hitte, ongelukkig het beurtkrag nie saamgewerk nie. Maar Die Meerkat is 'n rustige, uit die gedruis oornagplek.

Insiggewend. Uitstekende gasvryheid van Dirkie.

Baie lekker stories verruil omdat Dirkie ook by die SKA/Meerkat werk. SKA was die rede vir ons besoek!

Oornagverblyf.

Baie netjiese en skoon oornagverblyf met veilige onderdakparkering. Ek kan dit beslis aanbeveel.

Lovely place and owners.

Would definitely recommend.

Gerieflik, netjies en veilig.

Het lekker gebly. Veilig gevoel. Gerieflike akkommodasie en braai-area. Hulle is ingerig om kragonderbrekings te hanteer.

Gerieflike goed-toegeruste woonstel.

Die ruim kamer is baie goed ingerig (ook ’n groot yskas) en gerieflik, met ’n hangkas en rakke, en ‘n netjiese kombuis-area, asook ‘n moderne badkamer met 'n groot stort. Die gerieflike kantoorstoel en werksblad vir ’n skootrekenaar was ’n aangename verrassing. Al wat dalk kort is ’n warmplaat, maar ’n mens kom goed daarsonder reg met die mikrogolfoond. Die gerieflike braaiplek met nuttige braai-toerusting reg buite die deur is goed tydens die fase 6 beurtkrag benut. Die battery-LED ligstrook in die kamer was baie nuttig tydens die lang donkerte. ’n Ander pluspunt is die veilige onderdakparkering.

Baie vriendelik en skoon.

Die Meerkat was regtig goed toegerus met alles wat mens benodig vir 'n heerlike oorslaapnag. Uitleg goed beplan, ek kon my hare rustig voor 'n spieël droogmaak na 'n verfrissende stort met warm water en kon heerlik vir ons koffie maak met beskuit. Regtig aan te beveel as oornagplekkie.

Ruim, veilig.

Ruim gerieflike kamer, veilige parkering.

Mooi, veilig, rustig, behulpsame eienaars.

Mooi, moderne blyplek. Mooier as die foto's. Behulpsame eienaars. Veilig gevoel. Rustige deel van die dorp.

Baie goed ingerigte kamer en vriendelike gasheer.

Al wat gepla het was een of ander pomp wat kort-kort aankom, self deur die nag. Het lekker daar gebly en die ontvangs was baie vriendelik. Die bure het bietjie geraas, maar het darem nie te laat partytjie gehou nie.

Plek was reg, ons is goed ontvang. Gerieflik oornag. Alles wat nodig was, was daar.

Niks verder te sê nie: bloot oornag. Mense is vreiendelik en behulpsaam. Ek hou nie daarvan dat die personeel bedel vir fooitjies nie.

Gasvrye mense.

Heerlike oornagplekkie.

Heerlike oorstaan op pad huis toe.

Aangename rusplekkie met verkoeler in kamer op 'n warm dag.

Netjiese oornagstop.

Mooi skoon en netjiese oornagakkommodasie.

Lekker oornagplekkie.

Die plekkie is net reg vir n oorslaap. Sal weer daar gaan oorslaap.

Gerieflik en voldoende vir oorslaap.

Al wat bietjie gepla het, was die rookreuk in die area.

'n Netjiese, klein oase op pad van die Wes-Kaap na die Vrystaat!

Ons is soos familie verwelkom, selfs Abby, ons Pikenese, het haar verwelkomingspakkie ontvang! Die plekkie was silwerskoon, heerlik koel en toegerus met al die nodige. Hout is voorsien en ons kon heerlik braai! Die badkamer is pragtig en ruim. Ons bed was yslik groot en die linne was super! Die plekkie is sommer naby aan elke winkel, ATM en garage! Dus gee ek Karli 110%!

Great stayover.

Spotlessly clean with lovely decor, thanks for the chocolates! Secure undercover parking and a little braai area. Great hosts who went out of their way to ensure we had a comfortable stay. Would definitely go back.

Baie lekker oorgebly.

Ek beveel julle aan vir ander gaste.

Knus plekkie, ideaal vir een aand.

Die aanwysings in die dorp help nie veel nie, want daar is min straatname. Miskien kan dit met die eienaars bespreek word. Die eienaars is uiters behulpsaam, het al ons vele vrae beantwoord.

Oase in die karoo.

Die eienaar is baie gasvry en het ons hartlik verwelkom. Die woonstel is perfek, dit beskik oor alles wat jy benodig en is baie netjies. Ek beveel dit met vrymoedigheid aan en sal beslis weer daar oornag.

Stop-over between Gauteng and the Western Cape.

Die Meerkat made an excellent stop-over. I slept like a baby.

Perfekte oornag verblyf.

Carli, Zirkie en Troy is uiters vriendelik en hulpvaardig. Die plek was baie netjies en skoon.

Puik verblyf.

Carli en Zirkie is uiters hulpvaardig en vriendelik. Die kamer was uiters netjies en skoon. Fantastiese stort en bed. Hulle huishulp is ook baie vriendelik en behulpsaam.

Lekker Karoo-oorslaap.

Meerkat was ideaal geleë op ons roete vanaf Gauteng na die Wes-Kaap. Carli is 'n goeie gasvrou en die geriewe is skoon, netjies en het aan al ons vereistes en benodighede voldoen.

'n Perfekte oornagplekkie as jy die lang pad Weskuss toe aandurf!

Netjiese, skoon en ruim verblyf. Carli dankie vir jou gasvryheid asook sjokolade-bederfie op ons kussings - ons en ons twee hondekinders het sommer met die intrap baie welkom gevoel! Hier kan 'n mens gerus weer oorslaap!

Besonderse aangename verblyf gehad.

Kan dit met vrymoedigheid aanbeveel.

Aangename kort kuiertjie.

Vriendelike ontvangs, netjiese verblyf. Geen probleme.

Karoo oasis

Met level 3 wat ons almal onkant gevang het was ons nie seker of ons slaapplek sou kry nie. Tot ons verligting kon Carli ons op kort kennisgewing akkommodeer. Die woonstel was absoluut perfek, alles was so netjies en Carli het werklik agteroor gebuig om ons kuier in 'n werklike Karoo oasis te omskep. Toegerus met enigiets wat ons mag nodig kry met die "aircon" wat absolute lafenis in die Karoo hitte is. Carli was so gaaf om ons ook vroegtydig te laat weet van 'n tydelike brandstof tekort in Carnarvon en kon ons op Britstown opvul sodat ons ongesteurd ons reis huiswaarts kon aanpak. 'n Definitiewe wenner as jy moet oorbly in Carnarvon! PS. Daar is geen selfoonopvangs totdat jy Carnarvon kan sien nie, hou in gedagte indien jy vir Carli vroegtydig in die hande moet kry.

Rustig, netjies en perfek vir oornagblyplek.

Ons wou die N1 vermy en ompaadjies ry terug Kaap toe na ons Kersfeesvakansie. Die Meerkat in Carnarvon was bekostigbaar en perfek vir oornag. Ons het niks gekort nie. Die gasvrou was baie behulpsaam en vriendelik en die akkommodasie gerieflik en skoon. Perfek vir 'n paartjie.

Goed toegeruste fasiliteit met vriendelike mense en 'n hond.

Sien sterre.

Baie oulike plek, sal weer hier oorbly

Het die gasvryheid baie geniet.

Vriendelike ontvangs, skoon plekkie met alles byderhand en het lekker rustig geslaap.

Carli ons gasvrou het ons vriendelik ontvang. Dit was 'n plesier om in 'n skoon kamer met badkamer te kon oornag. Alles wat mens nodig gehad het was beskikbaar. Sy het uit haar pad gegaan en selfs vir vriendin se hondjie 'n snackie saam met ons lekkertjie op die bed gesit. Sal haar beslis aanbeveel by ander mense.

Baie lekker gebly. Lugversorger nie baie effektief nie.

Eenheid baie skoon en netjies. Sal weer van hulle gebruik maak.

Perfekte oornagplekkie vir 'n klein gesin of paar.

Carli, ons gasvrou, was verskriklik vriendelik en hulpvaardig. Die eiendom was in 'n baie goeie toestand en kinder-vriendelik. Die blyplek was ook goed toegerus, skoon en gemaklik. Ons sal definitief hierdie blyplek aanbeveel!

Die woonplek was netjies en het alles gebied wat ek nodig gehad het.

Die wooneenheid was netjies en het al die toerusting bevat wat nodig is in 'n selfsorg-eenheid. Die eienaar was vriendelik en beskikbaar.

Waarde vir geld en hartlik ontvang.

Ons is hartlik deur Carli en Zirkie ontvang. Die Meerkat was regtig gerieflik om in te oornag.

Netjiese, skoon verblyf. Die koninggrootte-bed was wonderlik.

Baie skoon en netjies. Eienaar baie vriendelik en behulpsaam.

Baie lekker.

Friendly reception, lovely people, would highly recommend, everything was great.

Aangenaam verras.

Juweel weggesteek in Carnarvon. Lekker ruim kamer met lekker stort. Bederf met lekker sjokolade saam met handdoeke, volledige DStv en aircon. Carli is 'n goeie gasvrou. Dankie vir lekker ontvangs.

Wat 'n plesier!

Baie netjiese wooneenheid wat aan alle verwagtinge voldoen het. Gasvrou baie aangenaam en sal weer besoek aflê.

Baie goed.

Net verwarrend die Meerkat-name. Beskuit sal welkom wees.