Steynskraal Gasteplaas

Wonderlike ervaring.

Beautiful in Beaufort-West het nie gejok nie. Steyskraal is soos ʼn oase in die Karoo! Indien jy ooit jouself in die Beaufort-West omgewing bevind en ʼn slaapplek soek, is hierdie die plek vir jou. Van vriendelike aankoms, beautiful verblyf en selfs 'n kindervriendelike plaasatmosfeer, mooi beskryf dit nie. Onthou ook om jou bestelling in te sit vir hulle lekkerste hoender sosaties vir jou braai. Boonop is ons bederf met ʼn heerlike varsgebakte brood. Julle het ons verwagtinge oortref en ons sal julle vir seker weer sien! Baie dankie Steyskraal vir die wonderlike verblyf by die skooltjie!

Lieflik, lieflik, lieflik!

Wat 'n wonderlike en spesiale ervaring! Skoon, rustig en salig vir die siel. Julle sien ons beslis weer!

Saligheid tesame met rustigheid.

Steynskraal Gasteplaas het ons verwelkom met 'n varsgebakte brood op die kombuistafel, saam met heerlike konfyt en plaasbotter - absolute bederf. Die huisie is van gehalte en vang verseker my oog. Dit was lekker om vanuit die stad daar te kon tuisgaan met die plaasgeluide, vars lug en sterre wat jou toevou gedurende die nag.

Gesellig en rustig.

Lekker swemgat vir die kinders.

Love die plek!

Tipiese Karoo-ervaring. Stilte, ouwêreldse charm, heerlike braaipakke en die geselligste atmosfeer.

My droom vakansiehuis.

Alles van die plaas het gelyk soos iets uit my droom vakansiehuis. Alles was mooi skoon en goeie kwaliteit. Die eienaars was baie vriendelik en behulpsaam, ons het baie welkom gevoel! Die plaas is mooi, stil en definitief lekker vir iemand van die stad af wie 'n bietjie kalm in hulle lewe nodig het. Ek was eintlik lus om net daar te bly!

Ongelooflik lekker!

Ek het nie woorde om my verblyf te beskryf nie. 5-Ster akkommodasie! Jy kan nie beter kry nie. Rustig, kalm, skoon, warm en meer. Alles tot in die fynste detail was net perfek! Hou so aan, JC en span!

Die perfekte Karoowegbreek op pad na die Wes-Kaap.

JC was 'n hartlike gasheer wat ons selfs met 'n varsgebakte brood verras het. Die Skooltjie was keurig gemeubileer, ons beddens was warm en ons braaistoepie met 'n uitsig oor die Karoolandskap het ons verblyf meer na 'n vakansie as 'n oornag-stop laat voel. Kan dit sterk aanbeveel.

Skoon, netjies en uitstekende ligging buite Beaufort-Wes.

Ouderwetste dekor pas 100% by die plaasatmosfeer. Uitstekende waarde vir geld. Vriendelike mense!

Fantasties

Die blyplek was keurig en skoon en netjies. Die gasvrou en haar gesin het ons hartlik ontvang. Die omgewing dra by tot 'n wonderlike atmosfeer.

Goeie gehalte en diens.

Gawe ontvangs en baie gasvry.

Was soos 'n oasis langs die pad!

Die Skooltjie is topklas verblyf. Dit is 'n pragtige en veilige omgewing. Alles is daar wat 'n mens nodig kan hê. Heerlike beddegoed, heerlike braai geriewe, heerlike plaas atmosfeer. Iets om na uit te sien op die lang pad Kaap toe!

Everything was excellent!

Beautiful setting. Highest quality of everything from Egyptian cotton bedding to Victorinox cutlery. The friendliest dogs, cats and farm animals. Will definitely be back!

So peaceful & typical of the Karoo.

We loved our stay at Die Skooltjie. Such friendly, lovely hosts. We so enjoyed the peace & quiet away from the busy city. Will definitely go back.

Pragtig en uitstekende diens.

Laetitia, Jos saam met Gerrit en Nadja was uitstekende gashere. Ons is baie bederf. Sal ons vir seker weer sien.

Juweel in die Karoo.

Heerlike lafenis na 'n lang pad! Die swembadjie was heerlik om in af te koel. Volgende keer bly ons langer oor. Dankie vir jul gasvryheid.

Beste nog.

Die area, skoonheid en die akkommodasie was uitstekend. Well done aan die eienaars. Ons sal beslis weer daar stop volgende jaar.

A gem of a place with super friendly owners.

We really enjoyed our overnight at this delightful, cosy cottage. It is very comfortable with all amenities provided, including dry firewood and braai grid. We will be back.

Great, relaxed stay.

We enjoyed the Karoo hospitality!

Kom rus uit op 'n pragtige Karoo plaas.

Lowergroen grasperke met plaasdiere oral. Verblyf absoluut topklas, aandag aan die fynste detail met heerlike bed vir 'n goeie nagrus.

Beslis die beste vakansieplek is SA.

Die was beslis een van ons lekkerste vakansieplekke ooit. Die Karoo se pragskoonheid. Die vriendelikheid van die eienaars kan mens beslis op geen ander plek kry nie. Die plekkie is so lekker cozy en goed ingerig. Ons stappies deur die veld was heerlik. Sal beslis hulle weer gaan besoek.

Netjies, vriendelik, ongelooflike plaaslewe-ervaring.

Die Skooltjie sal ons definitief weer sien. Een van dié lekkerste, mooiste, netjiesste, vriendelikste en stilste oornagverblyf nog ooit. Ongelooflik!

Lieflike, rustige oornagakkommodasie.

Ons was ongelukkig net een aand by Die Skooltjie. Dit is so rustig op die plaas, en die huisie is pragtig en goed toegerus. Die eienaars is ongelooflik gasvry. Ek sal Die Skooltjie enige dag aanbeveel.

Beste plaaskuier.

Die Skooltjie voel soos 'n regte plaashuis met die mooiste detail in elke vetrek. Die kinders kon nie genoeg gekry het van al die plaasdiere nie! Hulle kon regte kinders wees in die modder van die dam. Ons het lekker rondgeloop op die plaas. Die Skooltjie is 'n moet as jy in daardie omgewing is.

Die rustigheid self, netjies en goed toegerus.

Baie lekker oorgeslaap. Gasvry.

Padkos vir jou siel.

Hier kan jy luister na die gekwetter van die voëls en die geroep van die tortelduifies. Sien hoe die mamma vink vir haar babas kos bring en hulle oopbek skree by die opening van die nessie. Hoe die haan die katjie aanval omdat hy dit binne hulle gebied waag. Die sagte geroep van die angorabokke en met skeertyd hulle angstige geroep terwyl hulle jou skaapagtig aankyk. Die eentonige gedraai van die windpomp in die windjie, wolkies wat saampak en jy hoop en bid saam vir reën. En met sonsopkoms verwelkom jy die nuwe dag met 'n beker stomende moerkoffie en tuisgebakte beskuit. Die skooltjie is alles en meer as wat jy begeer. Silwerskoon, netjies en baie smaakvol. 'n Wens-ek-kan-vir-ewig-hier-bly huisie.

Beslis 'n hoogtepunt van ons vakansie.

Al ons verwagtinge oortref!

Werlike pragstukkie aarde waar jou siel kan rus vind.

Wat 'n belewenis! Gasvrye verwelkoming en die netheid uitstekend. Enigste ding waaroor ons spyt is, dat ons nie nog 'n dag of 2 oorgeslaap het nie!

Heerlik rustig en gasvry.

Gesellige plekkie, baie netjies. Linne kraak vars. Kinders lekker geswem. Oulike dat blits en hout gereed was vir braai.

Absoluut perfek!

Die huisie is perfek met 'n hewige plaasgevoel. Die dam met eende by die braai. Die netheid. Die detail. Leatitia en Jos is fantastiese mense. Die fontein op die plaas is 'n moet sien. Vir 100 jaar nog nooit droog nie. Puik verblyf!

Karoo-verblyf by Die Skooltjie wat my verbeelding aangryp.

Die skooltjie van 100 jaar gelede is keurig en karaktervol omskep tot 'n lieflike oorslaapplekkie. Nes jy dink jy het nou al die kreatiwiteit waargeneem, sien jy nóg iets raak waaraan jy jou verwonder. Dit was regtig 'n belewenis. Van vars rose in 'n potjie langs die bed, die kaggeltjie in die woonvertrek met meer as genoeg brandhout tot die knus opgemaakte beddens. Alles spreek van 'n liefde en omgee vir die vreemdes wat van tyd tot tyd hulself daar tuismaak.

Heerlike rustige Karoo-atmosfeer.

Wat 'n heerlike ontspan om die langpad korter te maak. Ek beveel hierdie plekkie gerus aan.

Die karoo rustigheid!

Baie oulike verblyf in 'n baie mooi en rustige omgewing. Die grondpad na die instansie is wel in 'n slegte kondisie om net in gedagte te hou as jy met 'n motor sou reis maar die verblyf self is uitstekend.

'n Opregte oudtydse plaaskuier.

Ons het heerlik gebly by Die Skooltjie. Ons is hartlik ontvang en lekker bederf. Die plaasdiere was 'n belewenis vir ons dogtertjie en die huis is luuks ingerig.

'n Absoluut wonderlike verblyfplekkie.

Hierdie karoohuisie het alles wat jy moontlik mag nodig kry, plus al die "magic" wat mens graag wil beleef wanneer jy reis. Tog is daar niks pretensieus nie, alles net egte, aardse and eerlike elemente. So outentiek en mooi; dit was 'n belewenis wat my Karoohart warm laat klop het. Ons beveel hierdie juweel ten sterkste aan.

Trek aan die geskiedenis hartsnare!

Ons het vreeslik lekker gebly daar, netjies, skoon en gasvrye mense! Landskap het 'n bekoring en die stilte welverdiend!

Sublime peace and tranquillity.

What a little gem, the old house with thick walls, beautiful wooden furniture - all on a farm away from the noise of the N1, and there is air-conditioning. Laetitea and Jos are great hosts, happy to chat and share about the Karoo, and the farm animals are gorgeous. From the geese swimming in the dam to the little lambs and chickens. It was only an overnight stay, but it would be great for a retreat away from the hustle and bustle of everyday life.

Dit was uitstekend.

Die plek is netjies en verwelkomend. Die mense is gasvry en laat mens baie welkom voel.

Perfect Karoo farm experience.

Great stop over from Joburg to Garden Route. The cottage is clean and well equipped.

Karoo-vryheid

Vrede en lekker stilte. Die gerief van die opelug.

As jou hart op die plaas is, dan is hierdie die plek vir jou.

Die rustigheid van die Karoo, met pragtige sterre.

Lekkerste, mooiste, skoonste plekkie van die hele vakansie.

Pragtige ligging met vriendelike, bedagsame mense.

Karoo plaas ervaring soos min.

Gasvry, baie mooi, baie netjies en baie lekker.

Hartlik ontvang deur die eienaars en heerlik oorgebly in 'n pragtige en gerieflike Karoo-brakdak.

Die plaas is 'n paar kilometer grondpad van die N1 af geleë. Net vêr genoeg om jou te laat voel dat jy op 'n Karooplaas kuier. 'n Ware Karooplaas-ervaring met sterre en stilte wat soms deur die geluide van die plaaslewe en plaasdiere onderbreek word, wat die stilte van die omgewing dan net weer aksentueer. Aanbeveel vir enige liefhebbers van die plaaslewe, die Karoo en die gasvrye mense van die Karoo.

Dit was kos vir die siel gewees.

Karoo trek ons altyd terug vir ons om weer te besef hoe die liewe Vader als geskep het. Harde wêreld, maar soveel lewe as jy stil staan en 'n bietjie in die diepte kyk. Die Skooltjie vat jou ook weer terug in die verlede. Wens die mure kon praat en stories vertel.

Dit was beslis 'n onvergeetlike dag se verblyf. Sal graag 'n paar dae daar wil ontspan.

Wil graag 'n paar dae daar gaan ontspan. Vriendelike netjiese Karoo-gasvryheid.

Salig, baie netjies en mooi. Hulle het ons dadelik tuis laat voel.

Ons het bietjie laat gearriveer en toe ons daar kom het die kaggel reeds gebrand en ligte was vir ons aangesit. Alles was mooi en netjies. Vars beskuit was verskaf. Verder het ons die lieflike view, lekker stoepie met 'n braai en plaasgeluide in die dag geniet en ook die sterrehemel in die aand was besonders. Kon lekker rondloop en die omgewing geniet.

Oase in die dorre Karoo.

Wat 'n aangename ervaring. Karoo-gasvryheid op sy beste. Eienaars gaan uit hul pad om gaste welkom en tuis te laat voel. Ouwêteldse sjarme bring weer rus vir die siel. Die kinders het die diere en uitstappie op die perd baie geniet. Sal beslis weer besoek.

Karoogasvryheid en plaasatmosfeer.

Wonderlike en persoonlike gasvryheid. Het so tuis gevoel en heerlik gekuier met beide Lateitia en Josh wat uit hul pad gaan om seker te maak dat gaste gelukkig is. Pragtige ou kothuis, baie mooi en netjies met soveel ekstras. Kuier meer as een aand.

Ongelooflike vriendelike mense! Pragtige plek! Sal nie weer verby ry nie!

Volgende keer ook langer as 'n aand slaap!

Pragtige en rustige plekkie in die Karoo.

Ons was aangenaam verras met hierdie pragtige huisie op 'n plaas buite Beaufort Wes. Rustige en skoon verblyf vir 'n billike prys.

Wonderlik.

Dit is so 'n pragtige plek. Die eienaars is so vriendelik. Hulle laat 'n mens belangrik voel en maak seker dat ons alles het wat ons nodig het. Is altyd beskikbaar. Ek beveel hulle beslis aan.

Wonderlike wegbreek na 'n saligheid onbeskryflik met vriendelike gashere.

'n Wonderlike wegbreek vir die moeë siel met pragtige skoon en netjiese geriewe. Die gasvrou en gasheer staan reg om alles perfek te hê vir reisigers wat aankom. Alles is skoon en werk perfek, en die privaat braaigeriewe maak vir 'n wonderlike ontspangeleentheid. Sal graag vir 'n paar dae daar gaan afsaal. Mens moet egter bewus wees daarvan dat die 5 km-grondpad tot op die werf 'n uitdaging kan wees vir laer tipes motors, maar nie heeltemal ontoeganklik nie - ry net stadig en versigtig.

Heerlike plaaservaring!

Pragtige en baie netjiese boerdery. Lekkerste skaaptjoppies wat ons in 'n lang tyd geniet het!

Fantastiese en rustige verblyf vir enige gesin wat wil wegkom van die gejaag van die lewe.

Dit is beslis die beste bestemming waar ons nog ooit oorgebly het. Dit was 'n belewenis! Netjies, skoon, uniek, vriendelike ontvangs, pragtige uitsig met pragtige mense. Ons sal definitief weer daar kuier. Baie dankie vir al julle moeite en gasvryheid.

Mooi plaashuisie.

Het 'n eerlike aand gehad by Die Skooltjie. Baie mooi plaas, het 'n geleentheid gekry om die lammetjies melk te gee. Baie vriendelike eienaars. Sal weer 'n draai maak.

Fantastiese tyd by ongelooflike dierbare mense.

Lekkerste verblyf ooit!! Baie dankie vir al die gasvryheid, die pragtige, rustige eenheid. Vreeslik lekker gerus en ontspan! Wees geseënd!

Rus en vrede in die Karoo, met die mooiste sonsopkoms.

Dit was vir ons as 'n vriendegroep 'n wonderlike wegbreek om oor te bly by Die Skooltjie. Die plek is so stukkie hemel op aarde, waar jy die Karoo op sy mooiste sien! Ons was bederf met die mooiste sonsopkoms en het veral die plaaskombuis en die vuurmaakplek geniet terwyl die ganse in die sementdam reg langs ons geswem het. Die enigste teleurstelling was dat ons so gou weer moes totsiens sê. Kan nie wag om weer terug te gaan nie.

Baie oulik.

Ons het dit baie geniet en die eieneaar het ons meisiekind bederf om die diere kos gee!

Pragtige en netjiese kothuis met Dover-stofie.

Ons het die Skooltjie baie aangenaam ervaar. Die plekkie is mooi skoon en die geriewe maak dit 'n regte plesierige Karoostop. Lekker braai-area buite en ook kaggeltjie binne vir die koue aande. Ontvangs was vriendelik en warm.

Lekker Karoo-ervaring.

Vriendelik ontvang. Verblyf baie netjies. Sal weer daar oornag.

We loved it!

We loved the history of the building and how beautifully it has been renovated and maintained. The wood burning stove is awesome. Such a peaceful, quiet setting. The hot and cold tap markers show the thought that has gone into the building and made us giggle. Very friendly hosts!

Ongelooflik besonders.

Duisende dankies vir alles! Dit was ongelooflik lekker en 'n baie aangename change of scenery! Steynkraal en die skooltjie is 'n juweel van 'n plek! Sien weer!

Perfek vir 'n paartjie, gerieflik naby die N1 op 'n werkende plaas vol gasvryheid.

'n Plek met 'n hart, niks is afgeskeep nie. Ons het nie soveel karakter en detail verwag nie. Dis was 'n uitstekende keuse om daar te bly. Kan dit baie sterk aanbeveel.

Heerlike wegbreek.

Die Skooltjie is 'n moet om by te bly. Die werf is baie netjies en die huis is ingerig met als wat jy moontlik kan nodig hê, en meer! Elke detail is aan gedink. Met ons aankoms het die houtstofie reeds heerlik gebrand, wat 'n bederf! Ek sal beslis Die Skooltjie aanbeveel vir enigeen, veral as jy kinders het. Die hanskalf het vir ons geselskap gehou terwyl ons buite gebraai het, en daar is verskeie ander plaasdiere reg op jou agterstoep. Ons sal weer gaan kuier!

Baie lekker!

Was baie lekker gewees. Dis 'n baie mooi plekkie, jy voel sommer dadelik tuis by die skooltjie.

Pure plaasplesier!

Een van ons lekkerste oornagbestemmings nóg! Pure plaasverblyf en gasvryheid uit die boonste rakke. Dit het sommer soos huis gevoel en Laetitea en Jos het uit hul pad gegaan om die verblyf ekstra spesiaal te maak, al was dit net vir 1 nag. Wens ons kon langer bly!

Doodstil, baie gemaklike bed, baie stylvol toegerus.

Dit was heerlik om daar te rus na 'n baie lang rit. Laetitia en Jos is baie gasvry en die akkommodasie is baie gemaklik en pragtig en stylvol. Ek wil beslis weer gaan.

Stukkie hemel op aarde!

Sjoe, wat 'n voorreg om by Jos en Laetitia te kon kuier by Die Skooltjie! Dié geboutjie van ouer as 100 jaar is so nice ingerig en mooi gemaak. Heerlike kombuis, sagste beddegoed en handdoeke wat vir dae lank lekker ruik! Die nuwe yster stofie werk soos 'n bom en maak die huisie heerlik warm met sy hout stukkies so groot soos Duplo blokkies! Buite braaikaggel so lekker beskut op die stoepie teen die koue Karoo-wind, met die stok ou peperboom styf teen muur van die ou gebou. En watter 'n lekkerte as 3 Musketiers kom hello sê het: Rosie, die koei'tjie, Klapper die skaap en Kallie die kalf (hans groot gemaak). 'n Móét vir oorslaap, ten minste 3 nagte, op pad Noorde toe. Gaan ry dan 2 dae in die Karoo Park ook rond, want dis net so 21 km weg.

Heerlike plaas-ervaring.

Baie vriendelik, alles wat jy nodig het, net 'n stukkie grondpad om tot by die huisie te kom.

Baie netjies, skoon en pragtige plekkie.

Baie vriendelike gasvrye mense. Netjies en ons het baie lekker geslaap. Rustige plaasatmosfeer. Sal definitief weer daar oornag.

Salig in die Karoo!

As jy nie saam met ander mense ingehok wil voel in ‘n gastehuis nie, dan is Die Skooltjie vir jou. Sodra jy die N2 verlaat en die kronkelpaadjie volg begin jou plaaservaring. Die Skooltjie-kothuis is so 100 m vanaf die plaasopstal. Jos en Laetitia ontvang jou hartelik. Die gras voor die huis is so groen soos op die foto, jy wil net plat op jou rug gaan lê en alles inneem. Die binnekant het ‘n lekker rustic gevoel en die dekor is stylvol. Die agterste stoep is ‘n heerlike kuierplek wat braai skreeu met die plaasdam neffens jou. Soos die son sak omvou die Karoo jou in haar sjarme. Die hemelruim is vol van die blinkste sterre en die spektakel geniet jy met die komplimentêre sang van die besies. Soos die son opkom is die tipiese plaasgeluide van wakker word baie gerusstellend. Ek sal maklik in stilte by Die Skooltjie gaan vertoef vir ‘n paar dae en nie net oornag nie. So, pak jou boeke en penne en papier en gaan geniet ‘n skoolervaring soos min.

Die perfekte oornag stop in die Karoo.

Wat 'n wonderlike tyd het ons nie gehad nie. Die kinders het perd gery, met 'n hanslammer gespeel, ganse gevoer en `n ongelooflike tyd gehad. Jors was die perfekte gasheer. Ons het gebraai onder die sterre, met die geluide van die Karoo om ons. Alles was perfek gewees. Ons sal definitief weer hier bly.

Uitstekende waarde vir geld!

Ons het ons verblyf ontsettend geniet en was eintlik spyt dat dit net vir een nag was. Die geskiedkundige plekkie is uitstekend ingerig, netjies, skoon en alles en nog meer wat jy nodig het. Ons was baie vriendelik ontvang en het baie spesiaal gevoel met al die ekstratjies wat tot ons beskikking was. Die stilte en skoonheid van die omgewing het ons regtig beïndruk. Ons kan eintlik nie wag om weer daar oor te slaap nie.

Ongelooflik.

Dit was een van die mees gedenkwaardige plekke wat ek al ooit besoek het. Die gasheer en gasvrou is ongelooflik vriendelik en behulpsaam en sout van die aarde mense. Ligging op die plaas is perfek. Ons as gesin het ongelukkig net een nag hier oornag en ek sal Die Skooltjie enige tyd aanbeveel. Ek sal beslis weer 'n draai maak as ek in die omgewing is. Dankie Jos en Laetitea, hoop om julle gou weer te sien.

Ongelooflike positiewe ervaring.

Ek beveel aan dat enige persoon wat van en na die Kaap via Beaufort-Wes reis, by Die Skooltjie moet oorslaap. Dit gaan jou as mens verryk. Meer kan ek nie sê nie. Gaan en gaan kyk self. Jy sal nooit spyt wees nie. En ek het die mooiste foto's van my lewe daar geneem. En as jy van 'n skaaptjoppie hou, koop asseblief so paar by die eienares om die aand daar te braai.

Absoluut fantasties gewees, die stilte was oorverdowend, net wat ons verlang het.

Dit was 'n wonderlike ondervinding om hier tuis te gaan, die hemelruim was iets om te aanskou en die stilte was slegs onderbreek deur skapies wat blêr, ganse en hoenders, wat 'n fees. Ons het ook die geleentheid gehad om in 'n sementdam te kon swem saam met die visse en die ganse. Die plekke is werlik volledig toegerus vir self catering en om te ontspan. Ek sal beslis weer daar oornag as ek in daardie rigting ry en kan die plekke beslis aanbeveel vir enige persoon wat lief is vir die natuur en van baie stilte hou. Die ontvangs was puik en daar is na al ons behoeftes omgesien. Hoop om julle weer eendag te besoek. Nogmaals baie dankie, julle het absoluut 'n wenner plekkie daar in die Karoo. Sterkte en alles van die beste.