Ekuthuleni River Front Chalets

Natuurskoon, netjies en veilig.

Ons het verskriklik lekker gebly. Sal dit vir enige iemand aanbeveel!

Baie geniet, net jammer vir die gebrek aan 'n vriendelike gesig.

Dit was lekker en rustig. Die aanduiding is dat hout by die hek gekoop kan word. Nadat ek navraag gedoen het oor die hout is ek laat weet dat die inligting aan my verskaf daar nie hout is nie. Die inligting is nie akuraat nie. Daar is ook nie gevra of alles in plek is nadat ons daar aangekom het nie en kliëntediens is nie op standaard nie.

Pragtig en rustig.

Hierdie plek is 'n versteekte juweel. Die ligging is perfek, dit is stil en rustig en die woonplek is baie mooi. Die plek is skoon, smaaklik gemeubileer en het alles wat mens nodig het vir 'n ruskansie. Ons toer redelik baie en dit is min dat ons wow sê wanneer ons by 'n plek inloop. Baie dankie vir die skoonmaak dame, want sy hou die plek silwerskoon.

Mooi omgewing.

Verblyf was goed, maar die interaksie/optrede van die eienaar was nie aanvaarbaar nie. Valse beskuldiging van mans wat naak rondbeweeg in die binnekant van die chalet. Onnodige reaksie op die skuifdeur wat oop is terwyl die mense binne die chalet is en in en uit beweeg. Onaanvaarbare opmerkings oor die gedrag van Suid-Afrikaners wat van tyd tot tyd daar oorbly.

On the Olifants.

A great stay on the Olifants in a small game park. Very private and good game viewing, especially hippos. Clean house with a fine game viewing deck and braai facilities. If you do not want to cook three bridges are just under 10 minutes away.

Rustig, wonderlik vir ons siele.

Dit was heerlik om die seekoeie bedags te hoor en te sien. Die bokkies wat op die grasperk wei, is sielsgenot. Heerlik om net rustig te kan ontspan en herlaai.

Die chalet langs die rivier was regtig heerlik en rustig. Baie netjies.

As ek enige voorstelle kan maak is dit dat die geriewe met betrekking tot beurtkrag opgegradeer kan word. Ons het fase 5 en 6 beurtkrag gehad wat tot 4 ure aanmekaar was. 'n Liggie en kerse is nie voldoende nie. 'n Gasstoof sou regtig baie help. Ons is nie kampers nie en het dus nie die nodige toerusting daarvoor nie. Dit is regtig 'n baie lekker chalet en die skottelgoedwasser, WIFI en vol DSTV was baie gerieflik (as die krag aan is).

Lieflike ligging, baie groot eenheid.

Ek het 'n chalet verwag maar dit is in der waarheid 'n baie groot huis! Uitstekend toegerus, onverbeterlike uitsig.

Rustige, stil en kalm atmosfeer. Baie aangenaam.

Aangename plek wat baie mooi en netjies was.

Lekker naweekwegbreek.

Ons het dit baie geniet, net wat ons nodig gehad het.

Rustig, natuurskoon.

Dit was besonders om so naby aan die rivier te bly, met die wildlewe wat op jou voorstoep wei. Baie rustig en ons het alles gehad wat nodig is om lekker te rus.

Stilte vir die siel!

Heerlike plek om weg te gaan as jy ’n gesin het met kinders.

Mal oor ligging met die seekoeie reg voor jou.

Lieflike plek, het baie lekker gebly en oorgeslaap. Was ongelukkig net vir een aand daar maar sal beslis weer gaan.

Rustig

Baie rustig en die verblyf is perfek vir gesinne met klein kinders. Sal beslis weer daar bespreek.

Oornag by Ekuthuleni.

Ons het ons verblyf by Ekuthuleni ongelooflik baie geniet. Die plek is baie mooi en die ligging was perfek. Die hoogtepunt was die seekoei wat in die aand kom wei het voor die eenheid. Sal Ekhuthuleni beslis aanbeveel as jy wil wegbreek van die gewoel en geraas van die lewe en net wil ontspan en vrede ervaar. Sal beslis weer daar gaan bly.

Heeltemal tevrede.

Lekker by die rivier met heelwat seekoeie in.

Puik!

Sal enige tyd weer gaan.

Wonderlike plek!

Puik wegbreek, goeie ligging, skoon en netjies. Seekoeie en krokodille amper op jou voorstoep!

Rus vir jou siel.

Prentjie mooi. Die verblyf was regtig baie lekker. Alles wat jy nodig het. Kort dalk nog so bietjie doendinge vir die jong klomp.

Ongelooflik lekker.

Plek is skoon, netjies, en rustig. Mooi uitsig op rivier. Naggeluide van seekoeie baie geniet. 'n Plek waar jy kan rus en net lekker kuier. Het genoem die kragpunte moet nagegaan word, baie sensitief en sit toerustig maklik af.

Onvergeetlike kuier, pragtig!

Ek kan dit vir enigeen aanbeveel dit was vreeslik lekker gewees.

Een van die beste en mooiste verblyf wat ek al ooit besoek het!

Pragtige uitsig, gerieflike verblyf met alles wat jy nodig het. Sal enige tyd permanent daar wil bly!

Ongelooflik.

Was heerlik, soveel diere gesien en pragtig netjies en skoon geriewe.

Dit was ontspannend gewees.

Ons het die buitelewe en wild om ons baie geniet. Beveel dit aan vir natuurliefhebbers.

The place is quite and nice.

The place is beautiful the chalets are user friendly and clean I will definitely visit again.

Dit is ongelooflik mooi en beslis waarde vir geld!

Ek sal enige een aanraai om tyd hier deur te bring. Die beste diens en die Chalet is uit die boonste rakke. Definitief 5 sterre!

Baie gerieflik.

Die plek was baie gerieflik, skoon en netjies. Die uitsig oor die rivier is ook baie mooi. Die swembad is mooi skoon. Dit is perfek vir 'n wegbreek net om rustig te verkeer saam met familie en vriende.