Fairways Boutique Hotel

Satisfactory.

Beaches poor. Lack of privacy, no toilet door. Other guests have to use your balcony to get to their rooms.

Die dame wat by ontvangs werk, het ons van die 1ste oomblik af tuis laat voel.

Sal vir seker weer van LekkeSlaap gebruik maak om plek te bespreek. Ons verblyf by Fairways was heerlik. Kos was smaaklik, net te veel. Almal was baie gaaf en hulpvaardig. Julle sien ons vir seker weer. Baie dankie.

Baie teleurgesteld. Ek voel ek en my wederhelf voel ons is geboelie.

Die bestuurder/eienaar is afwesig. Ontvangsdame/kok/vloerskoonmaker(?) gly nie lekker nie. Kamerskoonmaakdiens pateties. Nat handdoeke word slegs omgeruil indien dit versoek word. Lakens het kolle op, plek-plek stukkend, vloere word nie gestofsuig of selfs uitgevee nie. Gaste gebruik die kombuis om self kos te maak. Ontbyt is ver onder standaard. Die goedkoopste wors, frikkadelle, ens. word bedien. Vrugte is swak kwaliteit. Ek kan aangaan en aangaan. Sal die "hotel" nooit aanbeveel nie. Waar kom die naam "boetiekhotel" vandaan? Definitief nie een nie.

Teleurstellend swak.

Slordig verby - ek het foto's as bewyse. So sleg dat ons net 1 nag spandeer het, toe ander verblyf gaan soek het. Aanvanklik het die eienaar, Stefanie, geweier om ons terug te betaal en haar swak verskonings van die skoonmakers wat nog nie die kamer gereed gehad het vir ons aankoms dra geen water. Waar was sy as eienaar om toesig te hou? Later het sy die instandhoudingspan en interieur mense blameer. En sy het geweier om ons te woord te staan toe ons wou uitteken! Inteendeel, Stefanie is die een wat die foon in my oor neergesit het toe ek vir haar se ek staan onder andere met 'n hele venster in my hand na ek dit wou toemaak en daar ander dringende kwessies is wat haar aandag verg. En sy rep geen word oor die swak/geen ontbyt en dat daar géén diens was tydens ontbyt, stukkende breekgoed waarvan ons ook foto's aangestuur het. Sy wil die plek uitgee as 4-ster en dink sy gaan vinnig geld maak, maar het geen idee wat diens behels as sy daarop wil roem dat dit 'n boetiekhotel is nie. En die feit dat die kaste nie handvatsels het (afgebreek) en dat ek na 'n ander kamer moes gaan om 'n kluis te moes gebruik?! Ook die stukkende bidet en handdoekreling? Hierop het sy nou nog nie reageer en wie weet wie sy hiervoor gaan blameer. Vermy verblyf hier ten alle koste, dis niks meer as 'n "glorified" lae-rangse losieshuis nie.

Ons het heerlik gebly.

Die blyplek was skoon, veilig en gerieflik. Ons kon maklik by die hekke in en uit gaan. Die badkamer was veral 'n lekker bederf. Ontbyt was heerlik.

Dit was heel aangenaam.

Alhoewel die verblyf redelik was, was dit beïnvloed deurdat daar te veel steurnis was van ander hotelgaste. Die kamermure is dun en as ander gaste raas, is dit steurend. Die bad se prop het nie lekker geseël nie en krane was los. Klippe in stort is 'n swak idee. Dit is ook duur in vergelyking met tophotelle in Durban wat baie beter gehalte bied. Die ontbytpersoneel was baie gaaf.

Swak verby. Die hotel verdien nie 'n 4 ster resensie nie! Het foto's deurgegee oor swak standaarde wat ons ervaar het. Vermy ten alle koste.

Eerstens, wag jy by die hek in groot hoop dat iemand dit sal oopmaak nadat jy die interkom gelui het. Uit desperaatheid skakel ek die sel nommer wat beantwoord word deur 'n nors vrou. Na nog 'n lang wag gaan die hek oop. Twee paar vrot skoene en 'n ou handdoek begroet jou by die hoofingang, geen teken van 'n mens. Nadat ek die klokkie lui kom 'n dame uit die kombuis, kaalvoet! Na 'n uiters onprofessionele ontvangs neem sy ons na die kamer, "luukse kamer" nr 1. Die tuinjong cum verwer cum butler, ook kaalvoet en in 'n vuil blou oorpakbroek en T-hemp, neem ons tasse na die kamer. Wat 'n teleurstelling, Dis vuil en duidelik baie lanklaas goed skoongemaak. Spinnerakke om die hooflig, smerige yskas, geen komplimentêre tee, koffie, snesies, ens. soos standaard is in 'n sogenaamde boetiekhotel nie. Goedkoop pienk seep op die wasbak in die badkamer, die handdoekreling val af. Handdoeke is so hard dit kan as skuurpapier gebruik word. Blinders is gebreek en vol stof! Die vensters is vasgeskroef en die enigste een wat wel kan oopmaak val af toe ek dit die volgende oggend toemaak. Ontbyt is 'n nog groter teleurstelling. Dis net voor 9 en NIEMAND in die kombuis of eetkamer. Vier bakkies geseëlde joghurt, paar piesangs en appels en 'n bak pynappel is die koue buffet! Eetgerei is getjip en daar is nie een teelepel wat by die ander pas nie. So ook die res van die eetgerei. Geen servette nie. Ek skakel die eienaar oor ons klagtes, maar haar reaksie is dat sy iemand sal stuur om die venster te kom regmaak en gooi die foon in my oor neer. Ek vra vir 'n kluis of die toesluitkas se sleutel in ons kamer, maar word na kamer 4 geneem en versoek om die kluis daar te gebruik.Ons besluit om uit te teken. Ek lui die klokkie in ontvangs aanhoudend, maar daar is geen reaksie nie. Ek skakel die landlyn terwyl ons in ontvangs staan maar dit lui telkemale sonder enige iemand wat antwoord. Ek probeer die sel, maar dit is af. Uiteindelik kom 'n skoonmaker (kaalvoet) te voorskyn en ek versoek dat sy Stefanie (die eienaar) roep omdat ons wil uitteken en 'n terugbetaling wil eis. Sy verdwyn en na 'n baie lang tyd kom sy terug met die boodskap dat daar geen terugbetaling sal wees as ons voor die tyd uitteken nie. Ek versoek haar om dit op skrif te sit omdat sy die sogenaamde "housekeeper" is en ontdek dat sy nie kan skryf nie. Ek wys haar alles in die kamer waaroor ons kla. Was dit nie vir die foto's wat ek aan LekkeSlaap gestuur het nie, sal ek sekerlik nie 'n terugbetaling ontvang het nie. Hierdie plek verdien geensins 4 sterre nie, hoort nie op LekkeSlaap nie. Ek het nog nooit sulke slegte diens ontvang soos hierdie nie.

Ons het die hotel en ligging geniet.

Baie lekker gekuier, en gehou van die hotel en ligging reg oorkant die strand. Sal graag die volgende verbeteringe/verandering wil sien: Deure aan die badkamers. Miskien aandete ook aanbied? Jacuzzi was bietjie vol sand toe ons hom wou gebruik. Andersins - ons is gelukkig en sal graag terugkeer. Dankie!