Garingboom Guest Farm

Vriendelik, gasvry en verskriklike mooi natuur.

Regtig lekker mense. Sal dit vir enige iemand aanbeveel, nie net as oornagplek nie maar definitief om paar dae daar vakansie te hou.

Garingboom bied vyfster-verblyf en gasvryheid.

Die uitsig vanaf die kamer se stoepie, grasveld en skape wat wei, bied welkome ontspanning na 'n dag op die pad. Ons is gasvry ontvang en die aandete was heerlik.

Gasvryheid en rustigheid.

Jan Spies sou gesê het: Pure plaas. . . " Gaan probeer dit gerus.

Gerieflike ligging, so rustig en die kos is heerlik.

Dis nie ons eerste besoek nie, en ons was net weereens so beindruk. Die plaas is pragtig, die omgewing is so rustig en Riette weet soveel van die natuur in die omgewing, ons kon ure met haar gesels. Soveel gasvryheid van almal in die familie. En die aandete. Heerlike gekookte boerekos met Karoo skaapvleis - nou water my mond sommer alweer. Maak seker dat jy aandete bespreek wanneer jy daarso oorslaap.

Die verblyf op Garingboom sal altyd een van ons hoogtepunte bly.

Jan en Riette is besonderse gashere. Riette het die ongelooflikste kennis van voëls, skoenlappers, naaldekokers en elke enkele graspol en bossie op die plaas. As voëlkykers het ons absolute waarde vir ons geld gekry en sommer heelwat 'lifers' tot ons lys toegevoeg. Haar entoesiasme is aansteeklik en maak die belewenis meer spesiaal. Hoogs aanbeveel vir alle natuur liefhebbers. Ontbyt en aandete keurig voorgesit en heerlik!! Dankie Jan en Riette! Jan en Riette is puik gashere. Mens voel dadelik gemaklik en welkom. Riette se kennis is verstommend. Ons sal hierdie tyd vir ewig in ons harte bewaar.

Ideale oornagblyplek op pad Kaap toe.

Die rustigheid van 'n skaapplaas en die gasvryheid van Jan en sy seun word baie waardeer. So lekker om in so 'n netjiese plek te bly.

Baie netjies en gasvry soos altyd.

Dit was ons derde besoek by Garingboom en ons is soos familie ontvang. Baie gasvry en netjies. Die chalet kan deur 'n ring getrek word. Die rustigheid van die plaas is net fantasties. Baie baie dankie.

Stil, netjies, vriendelik.

Pragtige omgewing, skapies wat huppel ─ te oulik om dop te hou!

Heerlik, gemaklik, ontspanne en gasvry.

Roete na die plaas was duidelik en maklik om te volg. Ons ontvangs was hartlik en die ontmoetings gemoedelik. Baie lekker aandete geniet en ontspanne gesels. Goed geslaap in die stilte van die plaas omgewing. Verfris opgestaan en 'n lekker plaasontbyt geniet. Ons sal weer kom kuier.

Die verblyf was 'n aangename ondervinding en ons sal graag weer wil kuier.

Vriendelike mense en lekker geselskap! Rustige omgewing. Wooneenhede skoon en netjies. Aandete en ontbyt voortreflik!

Looking for quietness and good service?

Yes its far from big cities, no shopping around. But that is what it is all about! You're in the countryside, at a working sheep farm. Good food (breakfast and dinner, the last one when ordered in advance), in a cosy guesthouse. There's a small pool too. And nice walks with educational material!

Dit is eersteklas, silverskoon en baie netjies.

Die wooneenhede is pragtig binne, alles is daar wat jy nodig het, dit is pure plaas en baie skoon en netjies. Die atmosfeer is rustig en die omgewing baie mooi. Daar is twee staproetes in die veld, waarvan ons die kort een meegemaak het. Die eetsaal kyk uit op hulle tuin en is ongelooflik mooi versorg. Vyfster sou ek sê.

Absoluut weergaloos en onverbeterlik!

Dit was die perfekte kombinasie van goeie plattelandse gasvryheid, heerlike kos, 'n skilderagtige omgewing, luukse oornagplek, hartlike ontvangs, goeie koffie en 'n voëlparadys. Ons kom vir seker weer!

Baie gerieflik, baie vriendelik, baie mooi, heerlike etes.

Beplan om volgende keer langer te bly.