Handvol Gruis Gastehuis

Eg plaas en voel soos ons eie huis.

Spasie en ruimte was volop! Na 'n lang dag se reis was die vars gebakte plaasbrood en skaaptjoppies 'n groot bederf! Huis is lieflik ingerig en gerieflik genoeg om 'n groot gesin te huisves. Volgende keer kom ons met die hele familie kuier!

Lekker rustig.

Was 'n baie lekker plaashuis tussen die berge. Baie mooi en groot!

Plattelandse rustigheid.

Die gastehuis is beeldskoon. Elke kamer is so stylvol en netjies, selfs nog mooier as die foto's. Die stoep is lieflik vir laatmiddag kuiers en kyk uit op die pragtige plaas en berge. Dit is absoluut idillies. Die skaaptjops was vir seker die lekkerste wat ons in 'n lang tyd geëet het. Dit was voorwaar 'n wonderlike wegbreek, ons kom beslis weer.

Heerlik, gerieflik en netjies.

Die huis is baie goed toegerus en is gerieflik. Die gasgeiser was 'n groot pluspunt. Die ligging is baie mooi. Gasvrou is baie behulpsaam en vriendelik. Die potbrood was heerlik.

Gerieflike en netjiese ou huis met baie unieke ligging.

Heerlik, gerieflike, netjiese ou plaashuus, wat baie goed toegerus is. Ligging baie mooi en besonders. Gasvrou baie behulpsaam en vriendelik.

Peaceful relaxation.

Friendliest host, beautiful old farmhouse, stunning location, solar dependant on enough sunshine.

Baie rustige kuier aan die voet van die Hantam-berge.

Lieflike ou plaashuis met lekker kuier kombuis en binnebraai, baie skoon en netjies. Mooi omgewing, word hoog aanbeveel vir 'n rustige wegbreek van gejaagde lewe om weer mens te word in die natuur.

Ongelooflike ervaring!

Beeldskone natuur. Pragtige geriewe. Ons kom terug!

Rustige, ruim plaasverblyf.

Dit is nie die eerste keer wat ons hierdie huis besoek nie. Baie ruim, heerlike kaggel by die kombuis om te kuier. Word beslis aanbeveel.

Rustige plaasverblyf in isolasie.

Ek en my vrou het hierdie wegbreek verskriklik geniet. Die plaas is 'n hele entjie buite Calvinia op 'n plaasgrondpad, weg van almal en als. Die gasvrou se huis is ook op die plaas en is bereid om te help met enige iets wat mens dalk vergeet het. Dit is 'n baie ruim huis met 'n heining reg rondom sodat die honde vrylik op die groot grasperk kan baljaar met niemand wat jou steur nie. Die huis word bedien met sonpanele maar ons het geen krag probleem of te kort gehad nie, al het dit middae gereën. Daar is meer as genoeg stapplek rondom die huis, in die veld en ons sal beslis weer hier 'n draai gaan maak.

Dit is 'n fantastiese gastehuis vir 'n vakansie met kinders of met vriende.

Dit is die ideale plek om te ontsnap van die gejaagde stadslewe. Die pad op die berg was die hoogtepunt van ons kuier.

Pragtige plaashuis met 'n lekker kuierstoep.

Hierdie was ons 2de keer daar en ons sal weer en weer teruggaan. Dis 'n pragtige plaashuis met 'n heerlike stoep tussen die Hantamberge. Daar is alles wat jy nodig het.

Uitstekend.

Heerlik rustige plaasatmosfeer. Lieflike, gerieflike plaashuis. Geen selfoonopvangs, maar huis is met Wi-Fi toegerus. Lekker lamstjoppies en potbrood bestel wat Ronelle kom aflewer het. Sal definitief weer besoek. Hemel op aarde.

Fantasties!

Puik! Ons het dit werklik geniet! Pragtige plek! Sal enige tyd weer gaan. Dit is diere-vriendelik, en ons hond het dit so geniet.

Pragtige huis, plaas en ligging. Gasvry!

Potbrood was so vars en lekker, het direk geëet, kon nie wag vir vleis braai nie! Wens ons kan langer bly oom plaas verder te kon verken!

This place is amazing! So quiet, deep into the mountains - I will go back and stay longer.

I would love to stay at this wonderful place again - I will extend my visit next time to a week or so - it's peaceful, tranquil and safe! I loved every moment!

Hoog aanbeveel. Lieflike plaashuis. Rustige atmosfeer.

Baie nice plek. Regte plaashuis. Lekker gebly.

Comfortable and spacious.

Hostess very hospitable and helpful.

Rustig.

Ons het 'n heerlike, stil tyd by Handvol Gruis Gastehuis gehad. Die huis is baie netjies en het ruim kamers. Ons twee hondjies kon hulself uitleef in die groot tuin en ons het lekker lang ente met hul gaan stap.

Stay was great, wonderful big house.

The only criticism that I have is with the directions. It might be a good idea to have the directions from Calvinia and not from CT international airport. As there is no cellphone reception leaving Calvinia it would be great if you could add the standard GPS coordinates as well.

Fantastic stay.

Large group of friends - we had an amazing time and will be back!

Hemel op die platteland.

Ons kom definitief gou weer! Dankie Ronelle vir jul verskriklike gasvryheid! Handvol Gruis is n juweel. Netjies, heerlike stoep vir kuier, rustig en as 'n bonus ook kindervriendelik!

Lovely remote setting, horses in the field, no humans in sight.

Full of character, rustic, but comfortable farm house. Aga stove in large farmhouse kitchen. Lovely welcoming attention to detail, thank you for the delicious prickly pears left for us in the fridge.

Baie rustig en stil ideaal vir afskakel.

Baie oulike plaashuis, Ronel is dierbaar en pragtig. Die pad is net bietjie diep in maar nie 'n probleem nie. Het baie lekker gebly.

Seker een van die mooiste plekke waar ons nog ooit oorgebly het.

Wat n groot verrasing vir ons om op "Hand Vol Gruis" af te kom. Baie mooi plaas, verblyf en rus vir jou siel.

Baie rustig.

Salig en stil. Rustig.

Karoo-stilte en vrede.

Effe van die gebaande weg, maar die moeite werd. Kan ook heerlikste hantam Karoo-lam bestel. Die opstal bied WiFi en TV aan vir diegene wat wil.

Was wonderlik om op hierdie pragtige Hantam-plaas oor te bly.

Ongerepte natuur, besondere voëls en baie vriendelike, aangename gashere. Verder het ons baie veilig gevoel om daar oor te bly. Dit was nog altyd ons begeerte om op 'n plaas in daardie geweste te kuier en ons het die beste plek gekies!

Die rustigheid van die plaas was net wat ons nodig gehad het.

Ons sal definitief weer kom kuier.

What can I say!

Awesome hostess, Ronelle. Those lamb tjoppies were delicious. Only stayed one night, but what a night. It felt like home with better views and fabulous bird life.

Stil en rustig.

Regte plek vir 'n week of langer se verblyf saam met familie om plaaslewe te ervaar. Als wat jy in gastehuise in die dorp kry is ook beskikbaar op die plaas. Roosterkoek en vleis wat vir ons reggesit is voor ons aankoms, baie dankie.

'n Lekker wegbreek om af te skakel van die wêreld.

As jy wil wegdraai van die teerpad, en die stilte van 'n plaas soek kan jy gerus hierheen kom. Die groot plaashuis en afgesonderde omgewing bied geleentheid om weer rustig te raak en lekker saam te kuier.

Rus en vrede.

Ons het die tyd by Handvol Gruis regtig baie geniet. Gasvryheid wat mens laat voel asof jy deel is van die familie. Sien gou weer.

Wonderlike plaasverblyf.

Die pad na Handvol Gruis is beslis nie die maklikste nie (grondpad hier en daar bietjie uitgetrap) maar beslis die moeite werd! Die huis is pragtig gemeubeleer, met so baie aandag aan die fynere detail. Die beddens is gemaklik met goeie linne. Die kombuis is wonderlik uitgerig, met alles wat jy kan nodig hê! Die kuierstoep voor het lieflike ingeboude braai, met die mooiste uitsigte oor die plaas en berge. Ronelle is 'n wonderlike gasvrou, en niks is te veel moeite nie. 'n Mens voel onmiddellik tuis! Die pad op na die bokant van die berg is 'n belewenis. Ons het rooikat gesien, asook verskillende bokkies en ander diere. En die mooiste uitsigte.

Heerlik ge-oornag op ons lang pad huis toe!

'n Entjie uit Calvinia, maar netjiese grondpad en die ry werd vir rus en vrede en natuurskoon. Die plaashuis is modern en baie ruim en gemaklik vir 'n groot gesin. Baie gehou van die 'honesty closet' idee. Als wat ons nodig sou kon kry, was daarin. Volgende keer probeer ons julle vleis en roosterkoeke. Dankie vir die goeie waarde vir geld!

Stil en rustig.

Baie netjiese woonhuis in die middel van die asemrowende mooi Hantamberge. Die stil atmosfeer maak alles rustig en mens kan lekker ontspan en kop skoonmaak.

Stilte.

Heerlike kuier. Eienaars sulke gawe mense met egte gasvryheid! Spasie, stilte en lieflike omgewing. Ons het ons regtig geniet!

Totale wegbreek van die gejaag.

My doel van die vakansie was om weg te breek van die gejaag van die stadslewe. Ons het 'n wonderlike tyd gehad, die sterre en stilte is alles wat ek voor gevra het. Grondpad na die gastehuis is in goeie toestand. Sal enige tyd die tjops aanbeveel.

Lekker op die plaas.

Heerlike plaaslewe opstal. Sal aanbeveel vir meer as een aand.

'n Besondere ervaring.

Ons het 'n wonderljke paar dae by Handvol Gruis gehad. Dit was baie koud, maar ons het die sneeu geniet, en die Aga-stoof het ons warm gehou.

Dit was heerlik en ons is verras met die Aga-stoof wat reeds gebrand het en heerlike vars roosterkoeke.

Ons het heerlik gebly en die gasvryheid is uit die boonste rakke.

Fantasties.

Heerlik gebly! Rustige verblyf in 'n pragtige plaashuis. Definitief langer bly volgende keer.

Rugtigheid en kos vir 'n moeë stadsiel!

Ons verblyf was net eenvoudig perfek. Van die reëlings vooraf met Ronelle getref. By ons aankoms het ons heerlike sjerrie en warm roosterkoeke ontvang, totdat ons weer erg teësinnig na 5 dae daar weg is. Ronelle en Johan was wonderlike gashere - 1km weg in hul eie huis, so jy is heeltemal privaat. Die huis is goed toegerus met verskeie binne-braaie en/of kaggels, ruim kamers, lieflike warm beddens, sagte kussings, en 'n groot kuier-kombuis met 'n Aga-stoof (perfek vir 'n Mei-oggend in Calvinia!). Die vleis wat ons direk by hulle gekoop het was ook heerlik. Die stoep was perfek vir laataand kuiers, en dit was net eenvoudig lekker om in die stilte te sit en rond te loop op die plaas. Ons kom weer!

Een woord: onvergeetlik.

Dit is ongelooflike mooi en netjiese verblyf. Dit is uit die warboel van die besige lewe, mooiste natuurskoon, stilte wat jou insluk. Baie dankie dit was regtig soos 'n huis weg van die huis. Die vleis was wow en die roosterkoeke watertandlekker. Ons 3 kinders het die spasie geniet en ons het almal heerlik geslaap.

Great, niks kort nie.

Baie netjies, groot en ruim huis.

Lekker op die plaas!

Baie lekker gebly. Beddens is skoon en baie netjies. Lekker huis om saam met vriende en familie te deel.