Kalkfontein Safari's

Fantasties.

Was baie lekker en voel soos 'n plaaskuier.

Rustig en ontspanne.

Wonderlike oornag saam met Gunter ons hond wat kon bene rek.

Karoo-stilte is 'n unieke prag.

Aan natuurskoon en stilte vir die siel was daar geen tekort nie. Om dan nog die hele plek net vir jouself te kon hê was 'n bonus.

Hemelse rusplek.

Tweede keer wat ons hier oorslaap, standaard op dieselfde hoë vlak. Heerlik buite gekuier en Karoo-stilte ingedrink. Het verkwik ons reis voortgesit.

Puik. Rustig en heerlike akkommodasie. Tuin en huis is so mooi onderhou.

Rassie en Marianna het ons gul ontvang. Huis en tuin is goedversorg en ons het heerlik oornag. Geniet dit om te oornag so bietjie buite die dorp. Baie veilig. Daar was heerlike braaihout en 'n pragtige sonsondergang. Ons kon ook die koedoebul hoor blaf in die kamp langsaan. Wat 'n belewenis. Hoop ons kan weer daar oornag.

Puik akkommodasie!

Marianna het ons gul ontvang, huis het al ons verwagtinge oortref. Skoon, lugversorging, baie hout, lieflike kombuis, 2 pragtige badkamers.Puik puik! Dis ons no. 1 slaapplek in die toekoms.

Uitstekend. Baie privaat en rustig op 'n Karooplaas.

Ons was aangenaam verras met die uitstekende diens en fasiliteite tot ons beskikking. Voorwaar goeie waarde vir geld.

Verkwikkend.

Mariana is vriendelik en verwelkomend. Voel sommer dadelik tuis! Alles is pragtig versorg en goed toegerus. Dis 'n ideale wegbreek. Ideale kuierplek om heeltemal weg te breek van die stad. Was fantasties!

Rustige en stil Karoo-plaaservaring.

Wat 'n ervaring! Was heerlik om in 'n goed en netjies toegeruste huis te kon rus en herlaai vir die reis verder en boonop reën in die Karoo te kon ervaar. Baie dankie aan die eienaar vir die geleentheid en die moeite wat gedoen is.

Uitstekend.

Sal weer gaan. Was baie lekker.

Bitterlik aangenaam!

Ons het na sonsondergang aangekom en is baie vriendelik en hulpvaardig deur Petrus ontvang. Die geriewe is uitstekend en netjies en laat jou toe om na 'n lang en spanningsvolle reis op ons paaie te ontspan. Alhoewel die N12 nie ver van die huis is nie, was dit nie steurend nie. Baie dankie vir 'n smaakvolle huis waarin jy tuis voel.

Oase in die Karoo.

Heerlike stilte en pragtige plaas!

Karoo gasvryheid, stilte en panorama in een woord opgesom.

Die plek is ten volle toegerus, daar is niks wat jy kort nie. Die ligging as 'n oornagplek na die Kaap is ideaal en die uitsig is pragtig. Mariana is 'n gasvrou duisend, die ys in die vrieskas en die beskuit was hoogs gewaardeer. Ons sal definitief weer hier oorbly, selfs vir meer as net een nag.

Heerlike oornagfasiliteit om uit te span vir die volgende dag se trek.

Netjiese akkommodasie en skoon geriewe om so vinnig bietjie uit te span en te verfris na 'n paar ure op die pad. Karoo-stilte en -sterre om na te kyk, ideaal terwyl 'n vleisie op die kole sis.

Rustige ouwêreldse elegansie.

'n Pragtige en gerieflike oorslaapplek op pad terug huistoe vanaf Kaapstad. Fantastiese geriewe. Waarlik aan te bevele.

Wonderlike natuurskoon en gasvryheid.

Dis so rustig daar! Ons het met die terugry weer daar geslaap - vakansie na die vakansie! Baie dankie vir julle wonderlike gasvryheid en bedagsaamheid. Sien julle beslis weer volgende jaar!

Oornag op pad Kaap toe.

Stilte en vrede van die Karoo is onvergeetlik. Mense word nog hier vertrou, ek hoop niemand gaan dit bederf nie!