Kameelboom Lodge

Die swakste keuse wat ek nog gemaak het. Hoe kry dit 3.7?

Teen R1000 'n nag het ons 'n motelkamer gekry. Die kamers is ingeryg soos army-barakke met nie veel privaatheid tussen die stoepe nie. Met aankoms (3 uur) is ons gevra om solank ons aandete te bespreek, dit was fout 1. Teen etenstyd (7 uur) het daai 120 g varktjoppie al ure in 'n warm oond gestaan. Saam was bedien heel lekker skyfies en 'n hopie ontvriesde Country Veg, so lou, die gerasperde kaasvlokkies kon nie eers smelt nie. Dit alles teen R180,00 per persoon. Fout 2 was om nie te vra vir die beurtkragskedule nie. Met aankoms by die lodge was die buitetemperatuur 39 C. Gelukkig het die kamertjie lugreëling en ons kon rus na 9 ure se ry vanaf Port Nolloth. Ons sou later die aand uitvind dat die lugreëling nie werk gedurende beurtkragonderbrekings nie. Dit het 8 uur ingeskop, die kamer het binne minute in 'n oond verander. Die oplossing was om die badkamervenstertjie en die skuifdeur oop te maak, geen diefwering en al die muskiete op Vryburg. Die ergste was egter toe ons 4 uur die oggend wou ry en beurtkrag weer geheers het. Ons vind toe uit die plek het ook nie water wanneer die krag af is nie. Ons is daar weg, sonder koffie en sal nie weer teruggaan nie.

The Kameelboom Lodge was very expensive given the rudimentary amenities.

Staff were very helpful and friendly but amenities were very rudimentary. The lodge is situated on the side of a busy highway and there were no signs of any security measures. Basically we felt "left to our own devices" during the night.

Het nie gekuier nie, net gerus na 9 ure se ry.

Ja, ons het lekker oorgebly.

Dit is 'n heerlike oornagplek, baie stil en rustig.

Die blyplek is 7 km buite die dorp en mens kan heerlik rus en krag kry vir die volgende dag se reis.

Was gerieflik en skoon.

Die geriewe was netjies en skoon en die personeel was vriendelik.

Gasvry, vriendelik en hulpvaardig.

Die instansie het ons verwag. Was voorbereid en gereed. Padgeraas het 'n invloed vanwee die chalet se posisie.

Wonderful surprise - modern, clean, great staff and service. Excellent value for money.

We arrived late at night. We were greeted by a lovely lady and a guard with a dog walking the property. Our room was excellent and well appointed.

Diens was goed.

Daar was nie bottelwater in die kamers nie. DSTV het beperkte kanale gehad.

Mooi en interessant. Blyplek effe knap, lyk of daar opgradering plaasvind. Padgeraas pla.

Mooi plek. Baie goed geleë, net jammer van die baie vragmotors op die pad. (Was nie vroeër jare so nie). Sou dit nie as selfsorg klassifiseer nie, net mikrogolf en teemaakgeriewe. Kamers nie klankdig nie, TV langsaan en gesprekke duidelik hoorbaar. (Dink dit is via die rietplafonne).

Goeie diens vir prys betaal.

Kamer 1 het slegs 'n baie dun duvet gehad. Die kliënt kan nie laat in die aand gaan navraag doen vir ekstra komberse nie. Dit moet deel vorm van die standaard beddegoed vir die kamer. Slegs 1 halwe rol enkellaagtoiletpapier was in die badkamer. Kamer 3 se stort was nie skoon nie.

Met die intrapslag op pad na ons kamer toe was ons gevra of ons ten volle betaal het wat mens bietjie onwelkom laat voel het aangesien daar tog kommunikasie moes wees.

Verder is ons gewaarsku teen kwaaddoeners in Vryburg en is ons afgeraai om in die dorp in te gaan. Ongelukkig was die kos by die lodge se restaurant baie duur en moes ons vir 'n goedkoper opsie in die dorp gaan soek. Verder was daar nie 'n kragopwekker vir beurtkrag nie en is ons gesê die kragopwekker is gesteel. Die pad is ook baie steurend met verkeer regdeur die nag.

Goed, dankie.

Geen klagtes nie, dit was lekker om daar te oornag.

Nie wat ons verwag het nie.

Positief: kamer skoon en netjies, tuine ook. Negatief: Beurtkrag verstaan ons, maar dan maak jy 'n plan om water aan gaste te verskaf. Verder kon ons nie die personeel gebel kry om hek oop te maak nie en ons en ander gaste moes buite wag vir aandag. Dagbesoekers het oorverdowende musiek weerskante van die kamers gespeel tot 19:30, uiters steurend!. Te naby aan pad, maar dit is nie die personeel se skuld nie.

Fasiliteite bevredigend.

Sekuriteit nie na wense nie aangesien geen diefwering voor vensters en deure is nie. Die lodge is neffens die N14 geleë en is die risiko daar dat misdadige elemente vinnig in en uit kan beweeg. Ons ontvangs was nie baie vriendelik nie, alhoewel ons ongeveer een uur voor die inboektyd van 14H00 uur was en dit 'n invloed kon gehad het.

It was awesome.

The place is nice and quite, very clean and the lovely staff very welcoming. Please add some spa treatment, it would be great.

Good value for money.

Restaurant service was extremely slow.

Wel skoon en netjies maar baie bedruk.

Die kamers is klein en het geen venster nie behalwe in badkamer en toilet. Voel baie ingehok.

Goed.

Kamers was skoon en netjies. Privaatheid 'n probleem. Hoor alles wat in kamer langsaan gepraat word.

Oornagslaapplek terug na Mpumalanga.

Kameelboom was vir ons die ideale plek om oor te slaap met ons reis vanaf Springbok na Secunda in Mpumalanga.

Enjoyed our stay.

The staff were helpful and friendly. Will recommend the lodge anytime.

Ons was in Vryburg vir 'n verjaarsdagpartytjie.

Dis 'n oulike plek met baie potensiaal. Skoon en netjies en die aircon het die plek heerlik warm gemaak, maar die instandhouding kort aandag. Ons het in die familiekamer gebly, die skuifdeur het baie moeilik oop- en toegeskuif, geen klein yskassie vir melk of jogurt of koeldrank nie en die mure kort 'n lagie verf. Geen mikrogolf om net vinnig ietsie te kan warm maak nie. Nuwe kussings en matras sal 'n aanwins wees.

Lekker mense, goeie diens en vrek lekker kos!

Sal dit definitief aanbeveel vir enige iemand wat oornagplek soek. Mooi ingerig en die mense is vriendelik en help waar hulle kan. Dis lekker naby aan die pad, vir 'n vinnige terug op die pad klim. Sal definitief weer daar oorslaap.

Nice and relaxing - most of the time.

The surroundings are great and we were made to feel very welcome by the staff. However, there was a small function taking place who had their music blaring for a few hours, with no consideration for the people that were actually staying at the Lodge (they just visited for a few hours). The mattresses were not great and need replacement, as well as be firmer.

Ons het nie handdoeke gehad nie, beddegoed ruik nie te lekker nie.

Die beddegoed het nie 'n mooi skoon reuk gehad nie, die matras het 'n gat in die middel of wel die matras is oud. Dit kan so mooi wees, as die mense net bietjie die plek opgradeer, klein verandering kan 'n baie groot verskil maak.

Baie teleurgesteld.

Die kamers lyk soos ou perde stalle. Die beddegoed is oud en verslons. Die badkamer se deur was afgebreek en nie weer vervang nie. Die plek het baie agteruit gegaan. Sal nie weer daar bly.

Eenvoudig, maar gemaklik. sou net 'n klein barfridge in die eenheid wou sien. Die jong ontvangsdame en jongman, was baie vriendelik en behulpsaam. Sal enige tyd weer daar inboek.

Nice plek. Basies, en net wat ek wou hê. Dankie tog daar was geen kontinentale kussings en ander tierlantyntjies nie. Sommer lekker tuis gevoel.

Pragtige plek, lekker gekuier, skitterende diens.

Groen grasperke, lushof, pragtige bome, naby hoofpad, baie diere, ideale stop! Aandete bedien op ons eie stoep!

Net oornag.

Alhoewel ons net oornag het, het ons lekker gekuier en geëet.

Ons het daar geslaap omdat ons klaar betaal het.

Die vensters het nie diefwering nie. Dit het gemaak dat ons noodgedwonge die lugreëling moes aansit. Daar was ook nie teesakkies en 'n teelepel in die kamer nie.

Rustige, veilig atmosfeer.

Gasvryheid. Skoon, rustige omgewing. Problem met eienaar bespreek en hulle het dadelik werk gemaak daarvan.

Glad nie wat ons verwag het nie. Minder aangenaam.

Kamer bitter klein en glad nie soos op die fotovoorstelling nie. Ons geskuif van ons oorspronklike kamer omdat hulle ander mense daar ingesit het. Nie baie skoon nie, en beknop. Word as selfsorg bemark maar nie goed toegerus nie. Restaurant en kroeg was nie oop nie en eienaars het hulle eie funksie by die restaurant gehou die aand wat ons daar was.

Lekker geëet.

Die sjef maak die lekkerste steak.

Hassle free, peaceful.

Adjacent bush pub "padstal" in walking distance from tooms has a great vibe in the evening, good food and fare - ideal if not planned self-catering.

Te na aan 'n besige pad, verkeer raas heel nag.

Die kamer het byna geen kombuisware gehad nie. Net 3 borde, koppies, glasse, messe en vurke. Geen lepels of bakke. Die lakens is geskeur of deurgeslaap. Die restaurant is nie naweke oop nie.

Baie mooi plek.

Alles by die Kameelboomlodge was goed en dis 'n baie mooi plek, pragtige tuin, bome en plante en oral is baie oulike bordjies en interessanthede in die tuine. Kamers is skoon en goed uitgele. Dit is 'n selfsorglodge alhoewel daar 'n ketel, bekers, mikrogolf en yskas in die kamers was, sou ek verwag het dat daar basiese goed soos twee borde, mes en vurke ook sou wees, maar daar was nie en ons moes ry om papierborde ens. te gaan aankoop. Die enigste negatiewe kommentaar wat ek wil lewer is toe daar Vrydagoggend 'n groot groep ingeboek het, hulle was luiddrugtig en het basies die tuine oorgeneem en klipharde musiek begin speel en basies geen respek of ontsag gehad vir enige van die ander besoekers nie. Toe ek die kantoor bel om daaroor te kla, is daar vir my gesê die groep het 'n 'celebratory function' en dit is dus toegelaat vir hulle om soveel geraas te maak. Toe ek noem dat dit ons rus verstoor en nie deel van die pakket was nie, toe word daar aan my gesê 'sy sal my geld teruggee as ek nie tevrede is nie' maw ek wat vir 3 nagte bespreek was en reeds vanaf Donderdag daar was, moes maar ander blyplek gaan soek as ek nie na die geraas wou luister nie. Ons het die res van die dag op 'n ander plek deurgebring en die volgende dag was die groep nog daar maar dit het geblyk dat hulle aangespreek was.

Padstal teen die lodge, baie gerieflik.

Toe ek daar aankom, skryf dame kwitansie uit, alhoewel ek haar my naam gee. Sy was nie eers bewus dat ek deur die webtuiste betaal het. Die beddens is in 'n haglike toestand, die krane van die stort het aanhoudend gedrup. Die vloer by die yskas was vuil, lyk soos melk wat uitgeloop het. Die tuin en die diere in en om die lodge, pragtig in stand gehou. Ek kan dit nie se van die kamers. Die gordyne het lelike vlekke en lyk of dit lank terug gewas is.

Baie rustig en netjies.

Die kamer is baie netjies en alles skoon. Dit is baie rustig en mooi uitgelê en jy kan lekker ontspan. Sal dit aanbeveel.

Very nice and safe.

Small, but very safe and friendly staf.

Plek word geadverteer as self-catering, maar daar is slegs 'n mikrogolfoond, ketel, yskas, bekers en glase in kamer.

Geen eetgerei (nie eers 'n teelepel) in kamer nie. Wat nie 'n probleem is as jy vooraf daarvan weet en self saamvat nie. Oorweeg dalk 'n inligtingsblad in kamer wat jou inlig i.v.m. kroeg en restaurant - waar dit is en watter ure hulle oop is. Noem dalk ook op besprekingsblad dat daar geen koffie/tee in kamer beskikbaar is nie.

Dit was fantasties.

Sien sterre.

Ontvangs was besonders vriendelik.

Lekker plekkie om te bly.

Bespreking slegs gedoen slegs met die doel om oornagverblyf.

Die konsep en ligging is ideaal vir oornagverblyf, maar basiese instandhouding en netheid laat veel te wense oor. Gaste moet ook daarop attent gemaak word; hetsy tydens bespreking of met 'n nota in kamer dat geraas, musiek en televisie net tot 'n sekere tyd toegelaat word, bv. 21:00 uur.

Baie goed geleë blyplek, maar glad nie aanbeveelbaar nie.

Die blyplek is glad nie wat ons verwag het nie. Die slaapkamer is darem skoon en netjies, al lyk dit soos 'n blik shack, maar dis al. Daar is 'n klein mikrogolfoond, en 'n baie ou geroeste oondjie met 2 plate (te bang om die ding te gebruik), en 'n water ketel. Verder geen selfsorgtoebehore om kos mee te maak nie, so jy moet nou maar by die restaurant eet. Die restaurant se kos is nie sleg nie, net verskriklik duur vir wat jy kry. Sal glad nie die blyplek vir enige een aanbeveel nie.

Vuil en muwwerig.

Beddegoed vuil en ruik muf, kamer onnet en muwwe reuk, glase en eetgerei is vieslik vuil en taai. Kaste vuil. Die hele bleddie plek is aaklig. Ek kan nie verstaan dat die plek op die webtuiste aanbeveel word nie.

Aangenaam en rustig.

Personeel was baie vriendelik en behulpsaam. Rustige atmosfeer. Aandete was nie 100% nie, maar tog eetbaar.

Die ligging was presies waarvoor ons gesoek het, die kamer was op aanvaarbare standaard, maar die badkamer was nie op standaard.

Die laagtepunt van ons besoek was die toestand van die badkamer. Dit kort verseker 'n ordentlike skoonmaak. Die badkamer-asblik was nie skoongemaak, die stortmatjie was vuil, en daar was 'n sanitêre plakker agter gelaat in die stort.

Net oorgeslaap op pad na Kgalagadi.

Net geslaap en verder gery.

Geen klagtes.

Skoon en netjies, vriendelike diens.

Redelike verblyf.

Dit is langs 'n besige pad en die kos is duur. Bed kort 'n nuwe matras en ek stel voor dat die grasdakke herstel moet word om te pas by die pragtige tuin.

Baie mooi tuine

Alles baie goed behalwe geraas van voertuie op hoofpad gedurende die nag

Baie onaangenaam.

Hulle antwoord nie e-posse nie. Die braaigeriewe is ver van die kamer af en moet met ander mense gedeel word. Jy kan glad nie in jou eie privaatheid braai nie. Daar is geen messe, vurke borde of teelepels nie en ons het 'n selfsorg-eenheid gekies juis sodat ons self kon regkom. Daar is net 'n mikrogolf wat nie op die blad aangedui is nie so ons kon glad nie ons eie kos maak nie. Hulle was nie eers bewus dat ons deur die webtuiste betaal het nie.

Baie vriendelike diens en lekker atmosfeer. Pragtige plek.

Die ontvangs was baie vriendelik en die plek is pragtig. Sal weer daar bly.

Kroeg en eetplek baie aangenaam. Kamers nie 'n ster werd nie. Geen plafonne, sink mure. Vuil stortgeriewe.

Die bestuurderes baie aangenaam, maar die ondervinding is nie so goed dat ek Kameelboom kan aanbeveel nie. Ontbyt is ekstra en nie die koste werd nie.

Neat and tidy room. Appreciated the air-con in the room. Enjoyed the braai in the evening.

The lodge is conveniently situated on the main road. Perfect stop-over for our trip to the Kgalagadi Park.

Baie skoon en rustig.

Verblyf was top, vriendelike personeel en werf is in 'n puik kondisie. Sal definitief weer daarheen gaan.

Nie lekker gebly nie, sal nie weer by Kameelboom Lodge boek nie.

Kamers is glad nie klankdig nie, die gaste in die kamer langs ons se TV kon duidelik gehoor word. Was baie steurend. Die air-con het nie gewerk nie (was vrek warm). Die stort het ook gedrip. DStv is gelys op die website maar hulle het Openview (vals advertering). Ook geen koffiesakkies etc. in die kamers nie. Ontvangs was swak, beide met aankoms en vertrek was daar niemand in ontvangs nie. Baie swak in vergelyking met ander plekke waar ons oornag het in dieselfde prysklas. Nee wat, sal maar verby hou volgende keer.

Was glad nie lekker en geld werd nie.

Geen handdoeke of eetgerei in chalet nie. Moes gaan vra en self na chalet toe vat. Beddens is al stukkend geslaap.

Swak.

Nors, onopgeleide personeel. Kamers is oud en afgeleef. Personeel hou laatnag partytjie sodat gaste nie kan slaap.

Goeie waarde vir geld in 'n rustige atmosfeer.

Die pakket bied goeie waarde en die tuin is groot en goed onderhou. Die kamers is aanvaarbaar, maar kort 'n fyner hand om die detail en kliëntsensitiwiteit te verbeter. Dit gaan êrens in die volgende 24 maande opgraderings aan die infrastruktuur benodig.

Baie gerieflik.

Baie gerieflike, netjiese verblyf met vriendelike personeel. Dankie vir die ontbytpakkies wat voorsien is.

Gemaklike oornagverblyf.

Ons verblyf was baie aangenaam en rustig. Ek wil graag die volgende 3 punte uitlig. Die dame wat by die kroeg gewerk het was nie baie vriendelik nie en was meer gepla om buite by haar kêrel te kuier as om ons te bedien. Die kamers het ketels en koffiebekers, maar daar is geen koffie of tee nie. Die handdoeke in ons kamer was bie oud en bietjie uitgerafel. Aan die positiewe kant. Die kamers is baie netjies, die tuine is pragtig en die kos was fantasties. Ons sal beslis weer hier oor stop.

Was wonderlik.

Ons het ons verblyf baie geniet. Als was baie netjies.