Lalamo Guest House

Very welcoming.

Very welcoming, would recommend as a convenient overnight stop if entering KNP at the Phalaborwa Gate. Nice, friendly reception and staff.

Gemaklike en veilige akkommodasie.

Vir 'n enkel man was als perfek dankie. Dit is nie vir mense wat nuwe moderne en wit kamers soek nie. Maar alles was skoon, gerieflik en veilig.

Soos hierbo.

Ons is ontvang deur 2 baie vriendelike dames wat uit hulle pad uit gegaan het om ons te help. Dit is 'n pragtige ou huis met baie potensiaal as gastehuis. Die tuin en perseel is baie netjies. Na 'n lang rit vanaf Klerksdorp kon ons lekker ontspan. Ontbyt was lekker. Nadat ons uitgepak het, kon ons drankies gaan drink by die kroeg. Ons televisie wou nie die aand werk nie, maar dit was buite hulle beheer. Met ons vertrek die volgende oggend wou ons betaal vir die drankies, maar die dames wou nie betaling aanvaar nie aangesien die televisie nie gewerk het nie.

A pleasant stay.

Will definitely stay here again.

Bekostigbare verblyf in die Bosveld.

Lalamo Guest House is 'n baie aangename gastehuis met ruim kamers en voldoende parkering.

Lekker gebly. Uitstekende kliëntediens ontvang.

Netjiese, skoon kamer met alle geriewe wat ons nodig gehad het. Uitstekende kliëntediens deur gasvrou. Sal beslis weer hier bespreek.

Netjies, maar nie waarde vir geld nie.

Badkamer lig nie gewerk. Kerse in loadshedding ─ kan seker darem vir elke kamer 'n rechargeable lig gee.

Baie onvriendelike ontvangs.

DSTV het nie gewerk nie. Die kamer was nie op standaard wat betref skoonmaak nie. Stof in die wasbak? Toiletrolhouer is afgebreek en lê op die vensterbank van die badkamer met ook 'n klomp stof op. WiFi sein is uiters swak. Hulle kan gerus meer vra vir verblyf en eerder 'n beter ontbyt aanbied. Het al veel beter in gastehuise ervaar.

Very nice.

Was very nice stay, we enjoyed it.

Dit is baie vuil, die vrou van die gastehuis is onplesierig.

Die badkamers was baie vuil, veral die storte. Die beddens pas glad nie bymekaar nie. Die WiFi werk nie. Daar was kokkerotte wat rond geloop het. Die vrou was nie behulpsaam nie.

Baie potensiaal.

Lalamo het baie potensiaal, maar kort dringend instandhoudingswerk. Dit is skoon en netjies. Reg vir een nag se oorslaap. Bestuurderes is baie oulik.

Vriendelike diens, maar vuil kamers.

Mooi tuin, maar die kamers was regtig nie op standaard nie. Stukkende storte, muf op die plafonne, vuil mure. Geen proppe vir bedlampies. Baie vriendelike personeel en ons het die toestand van die kamers gerapporteer.

Onaangenaam.

Was nie bewus van ons bespreking, geen water in warm krane, dus net koue water. Ontvangsdame ongeskik. Kamer nie gereed.

Veilig en gerieflik.

Lalamo bied 'n veilige, asook 'n gerieflike verblyf vir elke reisiger!

Unforgetable.

Lalamo Guest House is not only value for money, but the hospitality is amazing. Olga and her team will make sure you come back again and again. Lovely place. 1 km from Phalaborwa gate.

Wonderful staff and service. Location good for Kruger Park.

Maintenance required to rooms. Broken drain cover in shower, TV required tuning and pillow coming loose at the seams. These are raised to draw attention to management. The overall stay experience was great. Very good value and the staff are incredibly friendly.

Baie gerieflik en gesellig.

Die dame is vriendelik en help graag. Sy het selfs ons klere gestryk wat ons die volgende dag nodig gehad het.

Uitstekende gasvrou.

Ek het op laaste nippertjie gevra vir ekstra kamer aangesien vriende besluit het om saam te gaan. En die gasvrou het uit haar pad uit gegaan om ons te akkommodeer.

Goeie plek indien slegs oornag word.

Die kamers is skoon en netjies. Die ontbyt is smaaklik. Daar is egter net onvoldoende parkeerplek.

Die kamer was netjies en skoon.

Ons is vriendelik ontvang en na ons kamer geneem. Daar is 'n afdak vir motors. Die kamers loop almal uit op 'n stoep waarvan ek gehou het. Die twee oggende het ons verskillende ontbyte gekry in 'n baie mooi eetkamer.

Die gradering van 4. 5 - 5 ster was ver van die realiteit.

Die reisigers het dit 2. 5 ster gegradeer vanweë die totale voorkoms van die akkommodasie.

Gasvry.

Het ons baie vriendelik ontvang. Alles skoon en netjies. Heerlike ontbyt. Sal aanbeveel by vriende en familie.

Rustige verblyf - aangename gasvrou.

Heerlik om hier te oornag. Vriendelike ontvangs. Waarde vir geld.

Gerieflik, netjies en skoon.

Ek slaap as 'n reël oor in die gastehuis wanneer ek Phalaborwa toe gaan vir besigheid. Geen klagtes.

Die eienaar het baie moeite gedoen om na my om te sien.

Die verblyf is baie goed geleë vir die wildtuin. Omtrent 2 km van Phalaborwa hek af. Dit is nie selfsorg nie. Die eienaar voorsien etes.

The establishment was comfortable, but needs some TLC.

Comfortable, but not one of our best choices. The establishment is a little tired. Would choose another guest house in Phalaborwa.

Very nice place, and clean.

It was nice and the staff were friendly. Very close to the site was going to do my work.

Sterk aanbeveel.

Hartlike ontvangs. Kamer netjies en skoon en goed toegerus. Die swembad was 'n redding tydens 'n snikhete dag (39.5°!). Sal weer daar vertoef in die toekoms.

Lalamo Gastehuis was nie bewus van ons bespreking nie, alhoewel ons die verwysingsnommer en bevestiging gehad het.

Kamer was nie regtig skoon nie, en die linne het beter dae gehad.

Sal nie weer daar bly nie.

Lalamo se eienaar kan nie Afrikaans praat nie. So hulle ignoreer alle kommunikasie wat jy aan hulle stuur in Afrikaans. Iets wat ek nie geweet het nie.

Perfect location.

Lovely guesthouse with great breakfast served.

Soos om by die huis te wees.

Tevrede met alles.

Baie aangenaam. Lekker tyd daar gehaad met ’n fantastiese ontbyt.

Ons was totaal verras met die groot ontbyt.

Gerieflik, gemaklik en bekostigbaar.

Sien sterre

Heerlike rustige atmosfeer, vriendelike diens en baie lekker ontbyt!

Ons het die rustigheid geniet en kon heerlik afkoel in die swembad.

Oud, maar lekker.

Die gastehuis is al oud met ou meubels, maar mense vriendelik en baie behulpsaam. Plekkie is skoon en netjies. Jy kry vir wat jy betaal.

Aangename algehele ervaring.

Dis altyd lekker om hier oor te bly.

Baie naby aan Wildtuin, maar kort 'n goeie skoonmaak.

Pragtige plek met mooi tuine. Die kamers kort aandag en was ongelukkig vuil. Dalk was die komplimentêre wyn daar om jou aandag van die vuil kamer af te trek. Glad nie soos die foto's nie.

Veilig en skoon.

Ongelukkig soos op die blad geadverteer is die swembad glad nie werkend nie. Dit sal gaaf wees as ons ingelig was oor dit.

Wonderlik!

Ideaal om uitgerus jou vakansie in die Krugerwildtuin te begin. Die gastehuis is in 'n stil straat, alles is skoon en netjies en die gasvrou is vriendelik en hulpvaardig. 'n Pluspunt sou 'n groter yskas in die kamer wees om die vars produkte oornag koud te hou.

Lekker naby die wildtuin.

Gerieflik naby die wildtuin, vriendelike ontvangs, kan dit aanbeveel.

Puik verblyf netjies, skoon en vriendelike ontvangs.

Baie netjiese, skoon plekkie met 'n lekker verrassing van 'n bottel wyn en eetgoedjies. Die ontbyt wat by die prys ingelsuit is was net so lekker.

Gerieflik naby die wildtuin.

Vriendelik ontvangs met aankoms.

Aangenaam.

Sien sterre.

Accommodation was comfortable and clean and friendly service.

Excellent stay for a night when going to the Kruger Park.

Vriendelike, behulpsame en skoon fasiliteite.

Die omgewing en tuin is rustig, die personeel is baie vriendelik en behulpsaam. Die gastehuis is skoon, hoewel nie modern en baie smaakvol nie. Die ontbyt is voldoende. Ek sal weer in Lalamo oorbly.

Fabulous.

Great breakfast. Very clean.

Gerieflik, skoon, stil en rustig gewees.

Die kamer was regtig baie netjies en skoon. Dis wel bietjie beknop as jy binne wil sit en ontspan of TV kyk. Ons het maar op die bed gelê. Die oulike bederf op die bed laat jou werklik tuis voel.

Is waarde vir geld. Kan werk vir een aand se verblyf.

Die vertrekke het bietjie aandag nodig. Diens was goed. Het egter nie voorsiening gemaak vir vakansiedag nie. Ontbyt was dus heelwat later.

The place is quiet, they serve nice breakfast, the employees are humble and helpful.

See rating.

Probeer dit gerus.

Sal dit beslis aanbeveel. Rustige atmosfeer. Heerlike ontbyt. Gasvrou baie aangename persoon.

A great overnight experience topped up with a champion breakfast.

We booked into this tranquil guest house on our way back to Gauteng after five wonderful days in the Kruger Park. We were not disappointed! We were met by the owner of Lala Mo and shown to our rooms which were invitingly cosy and immaculately clean. Gift baskets of tempting goodies awaited us and were most appreciated. The en-suite bathrooms were sparkling clean and in good working order. The rooms are small and compact, quite suitable for an overnight stay. The following morning an amazing breakfast was served in a neat dining room. An excellent way to start the new day and tackle the long journey back to Gauteng. Lala Mo means "Sleep here" and we will not hesitate to make use of this guest house again.

We would stay here again if we came back to Phalaborwa!

We enjoyed our 2 night stay. The owner was very friendly and upgraded us to a double room, as we had booked the wrong room. We really appreciated the free bottle of red wine, what a nice gesture!

Was gerieflik.

Goeie ontvangs en baie gerieflik.

Baie lekker gebly en waarde vir geld.

Baie lekker gebly. Net die laaste nag en oggend was daar nie warm water nie. Verder baie lekker gebly.

Waarde vir geld.

Vriendelike gasheer. Dit is ruim, skoon en netjies. Bed is gemaklik en ontbyt is uitstekend.

Baie lekker.

Sal weer kom.

Baie gerieflik vir ons wat Wildtuin toe wou gaan. Baie vriendelike diens.

Kamer was baie netjies en diens was baie goed. Ek het net gesukkel omdat daar nie 'n spieël by die muurproppe was sodat ek kon hare blaas nie. Daar is wel een in die badkamer en binne in die kas maar kon nie met die haardroër daar kom om dit te gebruik nie. Anders was als baie lekker en rustig en naby aan als.

Lekker.

Daar was 2 kamers bespreek en toe ek opdaag is Lalamo net bewus van 1. Gelukkig moes my kollega kanselleer en huiswaarts gaan anders het ons 'n groot probleem gehad!

Drie ster akkommodasie, maklik om dit te kry, hulp van bestuurder met aankoms en hulp met die internetskakel om sekere noodboodskappe te pos.

Kamer 4 was baie beknop. Alles was verder reg. Dit was tog maar net vir een aand. Daar was 'n kragpunt vir ons vrieskassies. Bestuurder baie behulpsaam met internet en om ys te voorsien. Ons het eetgoed en 'n komplimentêre bottel wyn ook gekry.

Was baie aangenaam verras.

Sien sterre.

Rustig en naby aan alles. Bederfverblyf.

Ons is baie bederf met ons aankoms. Vriendelik ontvang en met alles gehelp waarmee hulle kon. Die kamer en badkamer was baie netjies en skoon. Met 'n klein babatjie het ons 'n mikrogolfoond baie gemis, maar ons het die een in die kantoor gebruik met toestemming. Ons sal beslis weer daar oorslaap.

Waarde vir geld.

Vriendelike ontvangs, ruim kamers, pragtige tuin en 5 ster-ontbyt.

Kamers baie skoon en die ontbyt was baie lekker.

Kamer 1 is baie klein, kan meer spasie skep deur van die meubels te herrangskik. Ander kamers blyk ruimer te wees. Baie vriendelik ontvang, plek baie skoon en die ontbyt was baie lekker. Goeie waarde vir geld.

Baie tevrede met ons ervaring by Lalamo.

3 Volwassenes in ‘n baie gerieflike familiekamer, heerlike ontbyt, baie vriendelike diens, lekker naby aan die Krugerwildtuin se hek - ons sal weer by Lalamo tuisgaan.

Waarde vir geld.

Ons het baie lekker gebly en dit het in al ons behoeftes voorsien. Sal die plek beslis aanbeveel. Goeie oornagplek voordat jy Kruger Nasionale Park besoek.

Aangename verblyf en vriendelike diens.

Ons het die verblyf by Lalamo Guest House baie geniet. Ons was vriendelik ontvang en die ontbyt die volgende oggend was uitstekend. Die enigste probleem was dat die badkamer (en veral die stort), 'n goeie skoonmaak kort. Die badkamer kan ook opradeer word. Ons sal egter beslis weer van Lalamo Guest House gebruik maak.

Warm and welcoming hospitality. Excellent breakfast and pleasant surroundings.

On our way to the KNP we stopped over at the Lalamo Guest House for the night. We arrived late and were pleasantly surprised at the warm and courteous manner we were received. Management could not do enough to please my wife and I and two overseas guests we had with us. A truly heartwarming experience.

Lekker ontbyt.

Ons het hierdie plek geniet.

Acceptable.

I enjoyed my stay and I may revisit it.

Waarde vir geld. Sal definitief weer daar aanklop.

Vriendelik ontvang en was altyd bereid om te help. Skoon en netjies en naby aan die wildtuin.

Good value for money.

Great quiet place to rest after a long day of travel.

Lekker.

Sien sterre.

Heerlik, vriendelike staf, lekker kos, baie veilig, baie lekker naweek, familiegroep baie geniet.

Ons was 7 volwassenes en 4 kinders en dit was 'n heerlike naweek. Almal het gekom en gegaan soos hulle wou, familielede het kom groet en ons het gebraai by die swembad en ons het die plek omtrent oorgevat. Die kinders het in die pragtige tuin rondgeloop en fotos geneem. Die staf was so vriendelik en al die tyd beskikbaar as iemand iets wou vra en die ontbyt was baie regtig net so lekker. Die kinders het van een kamer na die ander kon loop sonder dat ons oor hulle veiligheid bekommerd was. Fabulous naweek gehad.

Uitstekende diens.

Uitstekende diens, vriendelik, pragtige skoon en netjiese kamers. Ontbyt was briljant. Sal enige tyd Lalamo aanbeveel.

Was rustig, skoon en vriendelik en baie gasvry.

Ons was in Wildtuin toe elke dag. So ontbyt was nie 'n opsie vir ons, want ons was te vroeg uit soggens. Maar sou vir seker verkies het om aandete daar te kon eet, of selfs net 'n mikroglof in die kamer sou al kon werk, om kos op te warm. Maar ek moet sê, ons het die 2de aand gevra of hul ons kos sou opwarm en die eienares was wel gaaf genoeg om daarmee te help. So ons kan glad nie oor diens kla nie. Ons was mildelik bederf met ons lekkernye en bottel wyn met ons aankoms, wat ons so spesiaal laat voel het.

It is a very nice and quite area, service was awesome and breakfast was delicious. Thank you.

We arrived late and were welcomed with open arms. Thank you for a wonderful stay after a long drive.

Rustig. Lekker. Waarde vir geld. Tevrede en gelukkig. Sal weer daar kan bly.

Sien sterre.