Lalapanzi Hotel

Baie mooi plek.

Vriendelike diens, baie rustig.

If they clean the place properly, wash the bedding and towels properly, I will recommend them. Food very expensive.

TV channels are very bad.

Ietwat teleurstellend, maar tog beïndruk met Inga se tegemoetkomendheid.

Die ligging is ideaal langs die N1-hoofweg en maak dit baie toeganklik en bereikbaar. Omdat ek self die vak Gasvryheidsbedryf as deel van Besigheidstudies onderrig het, is ek baie krities. Dié plek het 'n ouwêreldse sjarme met pragtige en goedversorgde tuine. Daar is 'n interessante museum waarvoor by die ontvangs navraag gedoen moet word. Die ruim eenheid, The Stables Luxury Rooms kamer 25, was gereed en netjies. Ons was egter onder die verkeerde indruk (weens ons eie verkeerde interpretasie of afleiding) dat dié Luxury Rooms selfsorg-eenhede is en moes toe ontdek dat ons eenheid nie 'n klein kombuisie insluit nie, maar die eienares, Inga, het ons tegemoetgekom deur die deel-kombuis vir ons beskikbaar te stel, hoewel dit ongelukkig eers die tweede dag van ons tweedag-verblyf was. Wat egter 'n bietjie gehinder het was die hoenderhaan wat albei oggende wat ons daar oornag het, van baie vroeg (drie-uur die oggend) redelik hard en aanhoudend gekraai het. Vir plaasjapies kan dit 'n gevoel van tuiswees gee, maar vir ons was dit nogal hinderlik aangesien ons stilte en rustigheid gesoek het. Ons was besorg oor die veiligheid van die terrein, want toe ons die een aand na 10 terugkeer na ons kamer, was die veiligheidshek nog wawyd oop met geen veiligheidswag in sig nie. Ons het ook nooit 'n afstandbeheer vir die veiligheidshek ontvang soos by ander gastehuise nie.

Lekker beddens en kussings.

Was nie baie vriendelik verwelkom nie. Inteendeel het hulle nie eens die aankoms verwag nie en was in die verkeerde kamer sonder lugversorging ingboek op 'n dag van 41 grade. Hulle was onbehulpsaam om dit reg te stel. Die kamers was nie baie skoon - spinnerakke, gebruikte seep in die laai, glase wat na seep smaak en selfs die bad het seep ingehad. Die beddens het lekker geslaap en linne was skoon.

Gemaklike kamers, skoon en gerieflik geleë.

Skoon kamers met al die nodige fasiliteite. Vriendelike en hulpvaardige personeel. Pragtige tuin met smaaklike kos in restaurant en naby Louis Trichardt geleë.

Baie skoon, maar geen warm water gehad nie, nie die aand of oggend nie. TV se kanale was onkykbaar, eers teen 20:00 kom instel die aand.

Ek het vantevore by Lalapanzi Hotel heerlik gebly en met vol vertroue die bespreking gemaak met my gesin die keer. Was nogal teleurgesteld weens die volgende: TV-kanale was almal uitgestel, het dit gerapporteer en teen 20:00 die aand het iemand gekom om die kanale in te stel. Hy het sy hondjie saamgebring en dié het homself tuisgemaak op die bed. Ek hou van honde, maar het net gedink dis nogals vreemd om jou hond toe te laat om homself tuis te maak op gaste se bed. My seuntjie wou teen 19:00 gaan stort, geen warm water. Dit gerapporteer en hul het toe die geyser gaan aansit. Water neem 'n uur om warm te word en teen die tyd wat die water reg was, het hy reeds geslaap. Ons het ook reeds intussen slaapklere aangetrek en besluit om vroeg die volgende oggend voor ons vertrek te stort. Het aan die ontvangsdame genoem toe ons inteken dat ons vroeg 05:30 vertrek na die Limpopo Xco Fietsbyeenkoms. Toe ons teen 05:00 wou stort was daar steeds geen warm water nie. Ons is al drie sonder om te stort die dag in. Ons het besluit om tussen die 3 van ons vanaf die menu kamerdiens te bestel en bestel toe 2 23 cm pizza's teen R170 gesamentlik. Die pizzas het na 55 min koud by die kamer aangekom, na my seuntjie reeds geslaap het dus honger en vuil aan die slaap geraak. Die pizzas was minder as 15 cm in deursnee. My man het hom teen die tyd vervies en geweier om die pizza te aanvaar. Ons het teruggestap met die klein, koue pizzas en die dame by ontvangs het baie jammer gesê, hulle het die verkeerde basis gebruik. Hulle sal kyk of hulle iewers die regte een kan kry anders moet ons maar ons geld terugvat. Gevolglik het ons al drie vuil en honger gaan slaap.

Baie vriendelike atmosfeer.

Kiddie friendly omgewing. Ek kon vra vir 'n ontbytkospakkie wat betyds gereed was. Ettie en Johannes is beslis 'n aanwins vir Lalapanzi. Aandete was baie lekker. Die kelnerin het aandag gegee aan ons behoeftes.

Goeie diens, instandhouding kort aandag.

Teleurstellend as die toegangshek se kontrole vir die MTB-roete nie werk nie, veral na die vorige dag se lekker fietswedren. Seer spiere kort weer 'n ligte oefening na die tyd.

Uiters swak!

Die deure en ingang na die kamers is fisies laag en baie klein, binne was daar baie waterdampmerke op die mure, en muf op die dak van die badkamer. Daar was 'n verwarmer in die kamer wat heeltemal stukkend was en in twee dele aan die muur gehang het. Die bed was kliphard en uiters ongemaklik. Ons het ook vroeër die aand by die restaurant gaan eet, die menu het 'n groot verskeidenheid maar 3 van die disse wat ons bestel het kon hul nie maak nie aangesien hulle uit voorraad was. Verder het die bord kos wat ek gekry het ook nie ooreengestem met dit wat op die menu geadverteer word nie, nadat ek daaroor navraag gedoen het was daar net vir my gesê dat hulle die dis verander het na slegs een chop en sonder die sous i.p.v. 2 chops plus appelsous soos wat dit geadverteer word. Maar ek moes steeds die volle prys betaal! Ek sal vir seker nooit weer daar oorslaap nie.

Aangenaam. Netjiese kamer en goeie prys.

Ligging naby Louis Trichardt en Polokwane.

Lekker gebly.

Baie vriendelike, aangename personeel. Lekker geëet. Beslis waarde vir geld.

Oulike bestemming naby die snelweg.

Die hotel bied goeie akkommodasie vir iemand wat oornag-akkommodasie soek op die lang pad. Die hotelpersoneel was baie vriendelik en het uit hulle pad gegaan om my verblyfervaring so aangenaam as moontlik te maak. Die omgewing is ook baie mooi, ek sal dit oorweeg om weer daar te bly net om die nabye omgewing te verken. Die restaurant bedien heerlike disse. Al verbetering wat ek kan voorstel is onderdak parkering.

Rustige en ontspanne atmosfeer met baie behulpsame en vriendelike personeel.

Ons tydjie daar was vinnig en kort, maar baie rustig en ontspanne. Dankie vir die vriendelike ontvangs van elke personeellid op die perseel. Sal beslis weer van hul dienste gebruik maak.

Altyd gelukkig met die diens by Lalapanzi.

My tegnikuste is altyd gelukkig om by Lalapanzi te oornag. Hulle vra altyd om daar te oornag en hulle is gelukkig met die akkommodasie.