Tranquility In the Heart of It

Wonderlik!

Tranquility In the Heart of It is definitief een van die beste plekkies waarin ek al gebly het, van die aankoms af was dit baie gemaklik en alles wat 'n mens nodig het is in die eenheid.

Baie aangename verblyf met 'n netjiese kompakte opset.

Sal weer gebruik maak van hierdie akkommodasie wanneer ek weer na Pretoria moet reis.

Marie Louise is baie hulpvaardig en haar blyplek voldoen aan elke behoefte.

Die eenheid is baie goed geleë, die area is rustig maar naby restaurante, koffiewinkels en sy het al die nodige toebehore, van 'n skottelgoedwasser tot 'n wasmasjien. Dit het ons verblyf maklik en sorgvry gemaak.

Wat 'n lieflike plek en aangename verblyf.

Dit was 'n werklik besonderse aangename twee aande se verblyf. Daar is alles wat jy nodig het om jou self so tuis te maak dat jy nie eers jou huis mis nie. Veilige omgewing en baie vriendelike diens van die gasvrou. As vreemdeling in 'n nuwe stad voel mens werklik sommer tuis. Marie-Louise, baie dankie vir twee rustige nagte se verblyf.

It was excellent!

We extended our stay as it was very close to our home and we are renovating, so we could pop in and out, but just like a home from home. I would highly recommend this spot to any one!

Stylvol en goed ingerig.

Die plekkie is pragtig sentraal geleë ons sal definitief weer daar slaap. Mari Louise, baie dankie vir jou gasvryheid.

Baie netjies, rustig en vriendelike ontvangs.

Ek sal definitief weer terugkom na Tranquility In the Heart of It. Dit is baie netjies, skoon en is 'n baie oulike plek met 'n rustige atmosfeer. Ek het elke oomblik van my verblyf geniet en beveel dit beslis aan vir enigiemand wat 'n slaapplekkie in Lynnwood benodig!

Baie oulike plek, was baie beïndruk.

Het Afrikaans is Groot gaan kyk en het verblyf naby aan die venue benodig. Tranquility in the Heart of It is perfek geleë en die plekkie was baie mooi en netjies. Sal vir seker weer van hul gebruik maak.

Baie lekker en geen probleme nie.

Baie goed ingerigte verblyf, alles wat jy nodig het. Eienaars baie vriendelik. Ligging baie goed. Beveel dit beslis aan.

Topklas verblyf in Pretoria: Tranquility in the Heart of It.

Tranquility in the Heart of It is die beste waarde-vir-geld-verblyf vir sakereisigers in Pretoria. Dit is drie minute weg van die Lynnwood-wisselaar vanwaar die hele Pretoria maklik bereikbaar is. Die verblyf is splinternuut en absoluut netjies. Die gasheer en gasvrou het baie moeite gedoen om seker te maak dat daar alles is wat nodig is. Die eenheid is smaakvol gemeubileer en met 'n klein skottelgoedwasser en wasmasjien sowel as 'n mikrogolf, elektriese oond en plate sowel as yskas. Die kombuis het al die eetgerei nodig. Beste van alles is dat daar 'n klein lessenaar area is vir na-ure werk, en 'n vol DStv inskrywing, sowel as gratis internet. Die eienaars is goed georganiseerd en die sekuriteit is baie goed. Ek het twee weke hier gebly en nou weer vir 'n derde week bespreek. Die gasvrou het ook vir skoonmaak gereël buite die normale skoonmaakdae om my skedule te akkommodeer sonder dat ek gevra het daarvoor. Die eenheid kom met 'starter packs' muesli en melk, beskuit, vrugte, blomme en goeie koffie en selfs behoorlike seep in die stort. Hierdie is topklas verblyf.

Netjies, goed toegerus en rustige omgewing.

Baie lekker gebly en uitstekende waarde vir geld!

Silwerskoon, goed toegeruste woonstel met ongelooflike gasvryheid!

Baie dankie aan Marie-Louise en Jacques vir die voorreg om in hul woonstel te kon oorbly. Miskien net een voorstel, die DStv kan dalk liewers die volle pakket wees, veral as mens 'n tiener in jou midde het ... Maar wat 'n ongelooflike goed toegeruste eenheid en baie dankie vir die heerlike verwelkomingskinkbordjie met ons aankoms. Die boekskema het groot byval by my gekry, dankie vir dit. Ek sal verseker weer daar wil oorslaap, en sal dit definitief vir vriende aanbeveel.

Baie netjies, net wat ons nodig gehad het.

Perfek vir 'n naweek. Ons het niks kortgekom nie.

Gerieflik en veilig.

Die wooneenheid het alles wat jy nodig mag kry. Is in 'n rustige en veilige omgewing wat nog landelik voel met tarentale wat nog rondloop. Marie-Louise het regtig aan alles gedink toe sy die plek ingerig het. Haar vriendelikheid en behulpsaamheid het my verblyf net soveel lekkerder gemaak. Kan dit verseker aanbeveel.