Vastrap Guest Farm

Heerlike ete saans.

Heerlike aandeete gehad. Akkommodasie is aanvaarbaar.

Ons is vriendelik verwelkom en verwys na ons huisie. Die plekkie was goed toegerus en heerlik warm na 'n lang reis.

Daar was ongelukkig net 1 mes, 1 vurk en 1 lepel toe ons ons eie aandete wou nuttig, maar vinnig ons eie stapgerei uitgehaal en heerlik gekuier met 'n mooi uitsig oor die vlaktes.

Uitstekend.

'n Heerlike plek om te rus na 'n lang reis. Baie netjies en vriendelike ontvangs. Die aandete was uit die boonste rakke, heerlike kos. Diens was uitstekend.

Plaasatmosfeer en rustig.

Skoon, modern en die kos was baie lekker.

Overnight stay.

Peaceful and quiet. Spacious and well equipped room.

Value for money, good location for an overnight stop.

Traditional dinner was tasty.

Dit was om soos by familie te kuier.

Was net baie lekker en gemaklik. Soos skoene uitskop.

Netjiese, gerieflike verblyf en heerlike etes.

Ons was verstom oor die uitmuntende restaurant, etes en diens van die personeel. Absoluut eerste-wêrelds.

Uitstekende verblyf met tonne gasvryheid.

Ons is hartlik ontvang en in 'n japtrap was die heerlikste slaai, watertandlekker braaibroodjies en die beste braaivleis aan ons voorgesit. Die woonstel is skoon, netjies en goed in stand gehou. Die hande is ruik so vars en so ook die linne. Ons sal vir seker weer hier bly. Jy sal nie 'n fout maak om hier te bespreek nie.

Asemrowend mooi!

Vastrap is so 'n mooi plek en so mooi opgepas. Die oudhede is baie interessant. Ons het die beste Kersfees saam met Hettie en haar familie gehad. Ek sal Vastrap enige tyd aanbeveel. Baie dankie!

Fantastiese fasiliteite met uiters swak ontvangs.

Daar was ongelukkig 'n positiewe Covid 19 geval by die SA grens wat ons reis planne met ongeveer 8 ure vertraag het. Die gevolg was dat ons die aand eers net voor 10 by Vastrap gearriveer het. Die ontvangs was duidelik baie geïrriteerd en het uit die staanspoor sonder om ordentlik te groet geïnsinueer dat ons nog nie betaal het nie. Ek het bevestig dat ek wel reeds betaal het maar sy het sonder om eers na my bewys van betaling te kyk aangehou dat ek haar nog geld skuld. Toe ek later die bewys onder haar neus druk het sy iets gemompel van sy het gedink ons het deur 'n ander platform bespreek en sonder om verskoning te vra ons na die kamers verwys. Wat 'n verrassing. Die kamers was ruim, silwer skoon en baie uitstekend toegerus vir al ons behoeftes. Met vriendelike ontvangs sal ek enige tyd weer daar bespreek. Die swak ontvangs het my egter soos 'n bedrieër laat voel en los 'n bitter smaak in my mond agter.

Friendliness, accommodating.

Upon arrival, immediate attention was given to us. We were shown to our rooms and arrangements were taken for our evening meals. Asked for our breakfast arrangements but as we were intending to leave early, none was required. The evening meal however was of exceptional standard and the service was of a high regard. Arrangements for additional foods ('padkos') was made and this was collected upon settling of the account.

Waarde vir geld.

Baie vriendelike ontvangs. Die bier is yskoud. Ons het baie lekker gebly.

Baie gerieflik geleë

Uitstekende kamers en linne. Die eienaar het uit haar pad gegaan om ons te akkomodeer. Ons is verniet opgegradeer na 'n beter kamer met 'n binne-braai net omdat die wind koud was!

Netjies en skoon.

Netjies, skoon, veilig, goed geleë vir reis na/van Namibië. Vriendelik ontvang!

Baie aangename verrassing. Pragtige plek en fasiliteite. Baie gasvry.

Ons was 'n groep van 5. Aandete en ontbyt was uit die boonste rakke! Hettie en haar span het baie mooi na ons omgesien. Kamergeriewe was onberispelik. Baie detail en baie omgee in die fasiliteite en omsien na gaste. Ons kan dit ongetwyfeld aanbeveel. Die ligging was perfek - ons het die volgende dag die Visrivier Canyon begin stap.

50/50.

Die plek was skoon, maar kan beter, dit sê daar is WiFi, maar geen WiFi-opvangs, die swembad het nie water in nie. Vir die geldwaarde kan hulle beslis verbeter.

Rustig, naby genoeg aan Visrivier Canyon en Ais-Ais vir 'n dag-trip.

Aircons 'n pluspunt. Tipiese gasvryheid van die Namibiese platteland.

Gerieflik, netjies en rustig.

Die plaas is gerieflik naby hoofpad maar sonder die padgeraas. Die kos heerlik. Die akkommodasie skoon, netjies en voldoende. Die personeel baie vriendelik.

'n Wonderlike gasteplaas!

Ontvangs was baie vriendelik. Ons het dadelik tuis gevoel. Verblyf was baie gerieflik en ervaring by restaurant was fantasties. Kos was uitstekend! Die sterre op die plaas was 'n belewenis!

Heerlike verblyf en gasvryheid uit die boonste rakke. Regtig waarde vir geld.

Dis ons tweede oorslaap op Vastrap en ons sal elke keer weer daar oorbly as ons na Namibië reis. Ons geniet die omgewing, gasvryheid, oorslaapgeriewe en heerlike etes.

Uitstekend.

Uitstekende diens. Vriendelik en gasvry. Kamer was lekker groot en baba kon lekker in die eenheid rondkruip en speel. Netjies en skoon gewees.

Aangenaam, maar ervaring kan verbeter deur enkele veranderings.

Die fasiliteite kan effens opgegradeer word t.o.v. bv kombuisware in selfsorg-eenheid. Ons is ontvang deur 'n dametjie wat min inligting kon verskaf; ons het die eienaars glad nie ontmoet in die 2 nag-verblyftydperk nie. Op navraag oor die spyskaart vir aandete, was haar kortaf antwoord kookkos (R180 pp). Die prys vir ontbyt was ook effens duur ( R150 pp ). Ons het egter die braai in ons eie plek geniet, asook ons selfgemaakte ontbyt. Oorsigtelik was die kuier aangenaam, maar ons het bietjie persoonlike aandag gemis!

Heerlik, waarde vir geld.

Alle personeel baie vriendelik en behulpsaam. Werklik baie skoon en netjies. Heerlike aandete en ontbyt. Sal enige tyd weer daar oorbly. Waarde vir geld.

Gasvrye omgewing om te oornag.

'n Plaasomgewing met baie gasvrye mense wat jou op 'n baie vriendelike wyse ontvang en wat jou na 'n lang rit gemaklik, voor 'n kagel (dit was baie koud daar) met n sjerrie te laat ontspan voor aandete. Aandete wat op 'n tradisionele plaas manier voorberei en voorgesit word kan ook sterk aanbeveel - wildspastei, braai ribbetjies, groenbone, malva poeding en meer.

Lieflik!

Dit is die tweede keer wat ons op Vastrap Guest Farm geslaap het en ek sal dit vir enige iemand aanbeveel. Die kos is heerlik! Aandete, sowel as ontbyt daar geëet. Die diens is voortreflik.