Vetkuil Hunting & Accommodation

Die fasiliteit word nie behoorlik instandgehou nie en het agteruit gegaan vanaf 'n vorige besoek.

Ons het voorheen die Vetkuil jagtershutte besoek aangesien dit 'n rustige Karoo-omgewing is. Die fasiliteite was egter hierdie keer stowwerig, yskaste het nie behoorlik gewerk nie en het 'n onaangename reuk gehad. Die waterpype na die hutte is in verval en word met stukke binneband aanmekaar gehou. Kort nadat ons daar arriveer het, het die waterpyp buite die watertenk gebars. Ek het die eienaar en sy vrou probeer skakel op die nommers waarmee ons vroeër die dag met hulle gepraat het. Die selfone het gelui, maar daar was nie antwoord nie en niemand het ook teruggeskakel nie. Ek het die pyp met 'n stuk binneband en draad wat ek in die veld gevind het herstel sodat ons water in ons eenheid het. Hierdie was 'n vermorsing van kosbare tyd wat ek wou spandeer het om in die veld te gaan stap. Toe ek wel net voor donker deur die veld kon gaan stap, was daar plek-plek drankbottels en blikke waarop teiken geskiet is in die veld. Die gas-geyser in die ons eenheid het ook nie gewerk nie en koue storte was ons voorland. Hierdie was uiters teleurstellende verblyf.

Rustig en so mooi.

Ons was op pad van Nelspruit Strand toe besig om te verhuis. Het 'n aand daar oorgeslaap. Was regtig so rustig daar en pragtige sons ondergang. Kinders het hulself gate uit geniet. Sal vir seker terug gaan met n groep vriende en familie vir 'n jagnaweek.

Comfortable overnight stay.

Safe, quiet and nice overnight accommodation.

Besonderhede ervaring.

Stil en rustige verblyf op plaas. Niks luuks, maar goed ingerig vir oornagverblyf. Heerlike braaipakke beskikbaar.

Fantas - karoo - magories - lekker!

Baie nice. Beslis 'n diep in die hartjie van die karoo ondervinding!

Wat 'n sterrenag! Pragtig.

Het net een aand oorgeslaap maar was hemels! Het dit baie geniet om in die Karoo te slaap, diens was beslis goed en sal weer kom kuier.

Baie lekker, na aan die natuur soos ons daarvan hou.

Daai is nie luukses nie maar dit is soos ons daarvan hou. Warm water, kaggel en 'n warm skoon bed is al wat ons nodig het.

Eenvoudige skoon oornag-verblyf in die pragtige Karoo.

Dit was skoon en netjies. Daar was net geen warm water - kon 'n pomp/solar krag probleem gewees het.

Skokkend dat mense geld vra vir so plek.

Die kamer is piepklien vir 6 mense. Die water het nie gewerk nie. Daar is die krag nie. Daar was goggas in die bed. A.g.v. die water wou toilet die spoel nie. Dit was die aakligste plek wat ek in my lewe gebly het.

Baie sleg dat daar nie krag is nie.

Lig asb. mense in dat daar geen krag is nie. Verblyf is nie vir dames en kinders bedoel nie.

Waarde vir geld. Skoon en netjies. Goeie ligging.

Ons het ongelukkig die eienaars gemis.

Salig, rustig en ontspannend.

Vetkuil is 'n rustige plekkie waar jy kan rustig raak en ontspan.

Alles wat ons nodig gehad het.

Baie rustig in die natuur. Ons het 'n oorslaapplek gesoek wat troeteldiervriendelik is. Ons het 2 groot honde wat saam vakansie hou en Vetkuil was absoluut ideaal. Die eenheid het alles in wat mens benodig vir 'n oorslaap en alles was skoon en netjies.

Baie lekker en rustig.

Sien sterre.

Baie lekke ervaring weg van alle geraas en gejaag.

Eienaar is baie vriendelik en behulpsaam.

As jy moeg gereis is, en lekker nagrus wil he, is hierdie verblyf nie aan te beveel nie.

Baie teleurgesteld. Na baie ure op die pad het mens nie lus om kragopwekker aan die gang te probeer kry om warm water te hê vir stort nie. Die kakkerlakke neem die plek oor, dit was tot in die beddens.

'n Nag op die plaas.

Sien asb. die sterre.

Dis g'n plaaservaring nie.

Pyp vanaf tenk wat water voorsien diskonnekteer sodra die pomp aansit om te kan stort. Geen voorsiening vir nie rokers gemaak nie. Gee vuuraanstekers nie. Kon derhalwe geen koffie maak nie.

Rustige omgewing, maar baie basiese akkommodasie.

Die kamer was nie besonders netjies nie en die geriewe is yl, maar dit pla seker nie die tipiese jagter nie. Wat wel in Vetkuil se guns tel is die ongelooflike rustige omgewing en natuur. Hoe langer ons daar was hoe beter het dit geraak. 'n Mens sien die springbokke wei in die verte vanaf die stoep. Die eienaar het laatmiddag vir ons die "donkie" aan die gang gesit sodat ons warm water kon hê. Op die ou einde was dit 'n interessante ervaring, maar volgende keer sal ek waarskynlik 'n jagkamp vermy.

If you are a hard core hunter type individual this place is for you, not for the tired and weary traveler looking an overnight stay.

Traveled down to the Western Cape and needed an overnight stay for myself, partner and two dogs. Unless you are a hardcore hunter type individual and enjoy roughing it up I would not recommend this establishment. Apart from the peace and quiet of the Great Karoo and a stunning sky full of stars we found the accommodation very raw and rough, with no warm water in the morning for a shower with absolutely no water pressure. We could not wait to move onto our next destination in order to have a few more basic requirements and cleanliness.

Baie rustig!

Baie rustig en goed ingerig! Lekker weg van die stad af!

Good value for money

Restful peaceful accommodation away from the city. Will recommend it to friends.

Dit was 'n wonderlike plaaservaring! Sal dit enige tyd weer doen. Baie dankie.

Dit is beslis die moeite werd om die sowat 23 km uit die dorp te ry: weg van stadslawaai. 'n Mens weet nie van ander mense nie, net van skape, springbokke en uile wat vroegoggend roep. Wat 'n belewenis!