Views

I'll do it again.

Absolutely stunning position with mountain views in a fantastic village. The apartment was modern with all the necessities for a self-catering situation.

Ons verblyf was 5 ster!

Dit was vir ons 'n ongelooflike positiewe ervaring. Die plek Views is so gelee dat die arende en valkies duidelik sigbaar is. Die staproete begin by Views. Dit is werklik 'n belewenis. Ons gasheer en gasvrou was die vriendelikheid van self! Dankie dat ons so welkom gevoel het. Die kommunikasie vooraf was werklik baie uitnodigend. Dankie.

Wonderlike plek vir stil word.

Die eenheid is so goed ingerig en ons het alles gehad wat nodig was. Van die staproetes begin sommer digby die uitsig en dit was 'n lekker uitstappie met die mooiste piepklein blommetjies langs die pad. En natuurlik die uitsig op die berge was vir ons stedelinge besonders. Heerlik geëet in die dorp met baie keuses. Sal graag weer gaan kuier.

Baie gerieflik, met 'n fantastiese uitsig.

Goed toegerus met alles wat nodig is. Pragtige uitsig! Sal beslis aanbeveel.

Soos altyd: puik!

Ons besoek Views twee maal per jaar - dit bly ons keuse vir akkommodasie in Clarens. Altyd heerlik.

Peaceful.

Relaxing, fun, comfortable.

Uitmuntende verblyf!

Views is 'n juweel! Dit is werklik een van die beste selfsorg eenhede wat ons nog bewoon het. Alles, van die afhaal van die sleutel tot ons vertrek, het seepglad en moeiteloos verloop. Die eenheid is pragtig toegerus, was baie netjies en skoon en het alles gehad wat nodig was vir 'n lekker verblyf. Die feit dat daar sonkragsteun vir beurtkragtye was, was 'n groot bonus. En die uitsig vanaf die stoep is onverbeterlik!

Ons het heerlik gekuier en ontspan.

Die woonstel was baie netjies en skoon. Dit was heeltemal voldoende toegerus en ideaal vir 'n gesin van 4. Ons sal verseker die plekkie weer bespreek.

Salig.

Doodstil area met 'n pragtige uitsig en maklike toegang tot die natuurreservaat. Heerlike opelug sonstoep vir jou oggendkoffie en skemerkelkie.

Ongelooflike uitsig!

Ons het ongelooflik lekker gekuier. Mooiste uitsig, baie netjies! Lekker stil, net die plek om te kan afsluit en ontspan.

Fantasties

Die voordele van die gastehuis kan skaars in 'n paar woorde omgesit word! Die uitsig is asemrowend mooi, die area is rustig en stil! Die reëlings en kommunikasie deur die eienaars was uitstekend deurgaans. Die eenheid was pragtig, netjies en goed toegerus. Die sonkragsisteem het loadshedding kafgedraf! Daar was niks waarmee ons kon fout vind nie. Die enigste nadeel was om uit te book! Vir die ligging, prys en ander faktore beveel ek hierdie gastehuis ten sterkste aan!

Uitstekende verbly en baie goed toegerus met 'n pragtige uitsig!

Die sonkragstelsel met batteryrugsteuning is uiters gerieflik en 'n groot bonus! Die strate om by die verblyf uit te kom is grond, baie stowerig en in 'n swak toestand! Darem gelukkig net so ongeveer 1,5 km.

Very neat, warm with great backup power.

And nice fireplace, 1 bucket of wood provided, take rest yourself.

Awesome stay.

Weekend stay with kids was a great break away from stressful city life. Second time in Clarens.

Pragtige uitsigte. Skoon, netjies en gemaklik.

Die eenhede is baie gerieflik en skoon. Pragtige uitsigte en stoep. Die area is baie stil en rustig, uitstekend vir 'n rustige wegbreek.

5 ster-verblyf.

Ons is goed ontvang. Plek is toegerus met alles wat benodig word. Baie netjies en skoon.

Ons het heerlik gekuier, dit is n baie cosy eenheid en die kaggel was heerlik.

Clarens is pragtig soos altyd. Die eenheid was pragtig skoon en netjies, heerlik gebly en sal beslis weer kom. Ek gee die WiFi 4 sterre want die wind het verskriklik gewaai en ek dink daarom het dit nie optimaal gewerk nie, maar ons het ook lekker rugby gekyk!

Ok.

Het al in beter plekke gebly. Die diens is baie beperk.

Baie mooi plekkie met alles wat jy nodig het tot jou beskikking.

Baie skoon en netjies.

Gasvryheid, gesellig.

Views is baie gasvry. Was baie lekker vir eerste keer in Clarens. Die plek was asemrowend.

Baie netjiese eenheid.

Die eenheid was perfek vir ons met die mooiste uitsig op die berge. Die kaggel was 'n wenner vir daardie koue aande.

The fireplace was nice as it was cold. The extra wood outside was a nice touch and the added bonus of solar power for loadshedding.

Nice views from balcony, hoped for some snow.

Goed ingerig.

Die eenheid is goed ingerig en die uitsig maak dit ekstra spesiaal.

Fantastiese ontvangs en dadelik 'n vuurtjie wat aangesteek was gekry.

Ons karavaan het 'n veilige plekkie gekry.

Beste akkommodasie uit 7 besoeke aan Clarens en omgewing.

Daar is regtig alles wat mens nodig het en sprankel skoon. Ideale plek as basis om vir 'n week in die omgewing rond te kuier. Die uitsig is regtig besonders. Ek sou net dalk 'n klein tafeltjie tussen die 2 stoele voor die TV sit om saans 'n wynglas of beker op te sit. Sien julle volgende winter!

Dit was 'n fantastiese wegbreek. Die uitsig en rustigheid is beslis iets vir die boeke.

Die uitsig slaan 'n mens se asem weg. Dit het alle verwagtinge oortref.

Baie aangenaam.

Genotvolle tyd, lekker stofie met hout voorsien deur eienaar, pragtige uitsig.

Heerlik gekuier!

Ons het 'n gemaklike sitplek binne gemis. Dit was koud en kon bv. nie in die aand buite sit nie. Verder het julle aan alles gedink.

Stoep met 'n view - 'n plek vir lekker bly.

Skoon en netjies. Kaggel met hout vir die koue winteraand voorwaar 'n wenner. Ons het laat gearriveer en Bastiaan se "back-up" plan met sleutels werk voortreflik. Dit was beurtkrag toe ons arriveer en het dit nie eers besef tot ons die skedule geraadpleeg het nie. Vir seker 'n volgende besoek werd.

Rustig met 'n mooi uitsig.

Reëlings is goed, ons was laat, maar die sleutel was beskikbaar met al die inligting benodig. Vriendelike verhuurders met 'n baie skoon area. Dankie.

Netjies, skoon, veilige deel van Clarens.

Die plekkie was baie netjies skoon, met genoegsame inligting om ons verblyf gemaklik te maak. Ons sal enige tyd weer daar gaan oorbly.

Pragtige uitsig en lekker stoep.

Die stoep met die braaier is lieflik. Net agter die huis kan mens lekker gaan stap en die berge waardeer. Goeie waarde.

Snoesig.

Baie netjiese plekkie, ons het die uitsigte geniet en die kaggel. Dit is ook baie rustig. Sal weer daar wil bly as on Clarens toe gaan.

Asemrowend.

Views is besonders goed geleë. Goed toegerus met die nodige toebehore om self kos te maak. Die bed slaap heerlik. Die sonkrag is amazing. Ek sal definitief weer daar bespreek.

Soos voorheen, fantasties!

Ons was al verskeie kere by Views en keer telkens weer terug daarheen wanneer ons die Oos-Vrystaat besoek. Dis 'n netjiese, goed toegeruste plekkie met alles wat nodig is vir 'n paar dae se verblyf. Weereens baie dankie.

Wye, mooi uitsig oor die dorp en Clarens, en die eenheid is in perfekte toestand.

Die uitsig vanaf die stoep is pragtig en die stil, rustige omgewing het ons soos 'n handskoen gepas. Dit was aangenaam om die eienaar, Bastiaan, persoonlik te ontmoet. Hy het kom verneem of enigiets in die eenheid aandag verg, en ook of ons tevrede is en alles het wat nodig is. Die badkamer is knap, maar voldoende, alhoewel mense met beperkte mobiliteit die in- en uitklim uit die bad versigtig moet hanteer. Bastiaan is duidelik 'n perfeksionis! Alles in die eenheid is uiters netjies afgewerk en in goeie werkende orde. Die sonkragstelsel het baie gehelp om die ongerief van beurtkrag grootliks te vermy, asook 'n gasstofie wat nuttig was tydens 'n baie lang en onverwagte kragonderbreking. Ons hoop om Clarens binnekort weer te besoek en sal graag by Views oorbly.

Met aankoms was alles netjies en skoon.

Pragtige uitsig. Afdak vir motor. Stil omgewing, geen lawaai en geraas nie. Ons het nie eers geweet wanneer is dit beurtkrag nie. Die sonpanele het voldoende krag verskaf vir TV ens. Dit was ons tweede besoek aan Views en sal graag weer by Views tuisgaan 'n volgende keer.

Excellent location most amazing views.

Beautifully appointed, better than anticipated - a real gem.

Fantastic place.

We were very happy there. They are the nicest couple and nothing is a problem. The view of the mountains is the best on the street. I would definitely recommend staying at Views.

Die perfekte huisie weg van die huis.

Ons het vreeslik lekker gebly. Die eenheid is so netjies en skoon en is toegerus met alles wat jy sal nodig hê. Die rustige en beeldskone atmosfeer is natuurlik die grootste trekpleister. Ons sal beslis weer 'n besoek aan Views en Clarens aflê.

Great.

Great view and easy route to town.

Every detail carefully catered for.

Spectacular views and walks from the edge of town. Supremely comfortable and the friendliest host in Bastiaan who has attended to very fine details in providing a home-from-home for visitors.

Die foto's kannie wys hoe mooi en rustig die plek is nie.

Ons het baie lekker gebly, die uitsig is asemrowend en die gasheer vriendelik. Die eenheid beskik oor alles wat ons nodig gehad het. Perfek vir mense wat van rustigheid en stilte hou. Sal definitief weer terug gaan.

Asemrowende uitsig.

Pragtig en netjies met uitstekende ligging vir natuurliefhebbers wat waardering vir stilte het. Heerlike stoep met asemrowende uitsig.

Stilte en vrede

Baie dankie vir so pragtige plek waar jy weer jouself kan vind. Die stilte wat jou omvou as jy op die stoep sit en die pragtige uitsig. Netjies en skoon met alles wat jy kan nodig kry.

Veilige, rustige en goed toegeruste eenhede met 'n pragtige uitsig.

Solarkrag tydens beurtkrag, asook onderdakparkering. Word sterk aanbeveel.

Baie lekker gekuier.

Views se kamers is skoon en netjies en die eienaars is baie vriendelik. Die uitsigte is pragtig en Views is baie naby aan 'n mooi staproete.

Fantasties.

Ons is sommer met die intrapslag hartlik ontvang deur Bastiaan en Alta. Twee lieflike mense - gasvry, vriendelik en warm mense. Ons het dit baie geniet, hulle bly op die perseel, so indien daar 'n probleem opduik is hulle dadelik beskikbaar en help jou met vriendelikheid. Dit is seker een van die plekke met die mooiste uitsigte. Die foto's van Views is 'n akkurate voorstelling van wat jy te wagte kan wees. Dit is 2 hartsmense en sal beslis in die toekoms weer daar gaan bly. As jy daar aankom, voel dit of jy hulle jare ken en as jy daar uitbooek, voel hulle soos familie. Baie dankie Bastiaan en Alta vir julle vriendeliheid te alle tye. Baie dankie vir 'n vreugdevolle kuier, ons het dit baie geniet en jy het geen bekommernis oor beurtkrag nie, daar is te alle tye krag, 'n groot pluspunt. O ja, hulle is sommer by die ingang van die reservaat en die begin van sommige staproetes so jy kan jou permit en ook 'n kaart sommer by Bastiaan kry.

Goeie memories gemaak.

Ek en my 2 dogters het my 60ste verjaarsdag daar gaan vier. Dit was heerlik. Views is perfek geleë en bied alles wat jy benodig.

Fantasties, netjies en pragtige uitsig.

Baie mooi uitsig, baie netjies, sentraal en hulle is voorberei vir beurtkrag!

Baie lekker plek. Skoon, netjies en stil.

Baie lekker gebly by Views. Plek is teenaan 'n natuurreservaat wat lekker stapplekke op die voorstoep bring.

Was baie lekker en rustig.

Dit is baie netjies en goed versorg. Het selfs nie agtergekom wanneer dit "load shedding" was nie, want dit is gekoppel op 'n battery en sonkrag. Baie gerieflik. Sal dit verseker aanbeveel. Die enigste negatief miskien t.o.v. Clarens, is hul paaie in die woonbuurt. Swak grondpad met stukkies teer tussenin.

Ongelooflike wegbreek.

Views was die perfekte plek vir 'n vinnige wegbreek uit Johannesburg uit. Redelike prys met 'n baie skoon en goed toegeruste eenheid. Die uitsig is fantasties en doodstil om jou. 'n Plekkie waar jy waarlik kan ontspan en rus vir jou siel vind.

Balkon met asemrowende uitsig maak die plek.

Kamer is pynlik netjies met als wat nodig is. Plek is ruim vir twee volwassenes, met twee kinders by sal dit beknop raak. Die skottelbraai op die balkon is 'n wenner! Aangesien mens soms in die bed wil lê en lees, sal die toevoegging van leesliggies baie welkom wees. Ons het al op verskeie plekke in Clarens gebly en het nou die plek gevind waarnatoe ons weer sal terugkom.

Heerlik gekuier in 'n pragtige eenheid. Baie netjies en baie goed ingerig.

Uitstekend ingerig vir load shedding. Alles in goeie werkende toestand. Vriedelike eienaars.

Excellent.

Excellent stay - very clean and attends to your every need (drinking water, firewood, and the oom even helped us fix our flat tire).

Die perfekte ligging, dit is voorwaar 'n "view".

Pragtige uitsig op die berge rondom Views. Gasvry en baie gemaklik met battery-ondersteuning gedurende beurtkrag.

Uitsig uitstekend. Pragtige, skoon, goed toegeruste woonstel.

Ons het heerlik gekuier. Alles wat jy benodig was daar. Uitsig asemrowend. Netjies skoon en sal beslis weer daar wil gaan kuier.

Blerrie lekker.

Baie netjies en 'n lieflike view. Ons het dit vreeslik baie geniet.

Relaxing en beautiful.

Dit is regtig waarde vir geld en die eenheid is perfek en netjies.

Uitstekende verblyf in prentjiemooi Clarens.

Deesdae kan die mooiste en beste vakansieverblyf bederf word wanneer gaste skielik weens beurtkrag in die duister gelaat word. Views beloof dat gaste steeds elektrisiteit het tydens beurtkrag en dit dra baie daartoe by dat die verblyf daar 'n genotvolle ervaring is. Die WiFi is ook sterk en betroubaar en niks kan die asemrowende uitsig op die sandsteenkranse vanaf views se stoep bederf nie.

Uitstekend.

Enigeen kan geruste hart bespreek hoogs te aanbeveel.

Klipgooi vanaf Clarens natuurreservaat!

Diè oulike plekkie buite die dorp se ligging was ideaal vir ons om al ons staproetes te begin. Dis klein maar het alles in wat ons nodig gehad het. Die patio sorg vir asemrowende uitsigte. My volgende stapvakansie sal weer hier by Views begin!

Fantastic. They really make you feel welcome and it is well equipped.

Good value for money.

Views is baie gerieflik, skoon en netjies in 'n stil en rustige omgewing met pragtige uitsig.

Ons het die verblyf baie geniet en het die natuurskoon in die aangrensende reservaat baie geniet. Die wandelroetes is fantasties, die dam en watervalle pragtig. Ons sal graag weer by Views tuisgaan met ons volgende besoek aan Clarens. Die balkon met die pragtige uitsig oor die berge is 'n bonus.

Skoon, netjies, asemrowende uitsig, uitstekende diens en betrokkenheid van eienaars!

Alles was skoon en netjies en werk reg in die eenheid. As gevolg van sonkrag en rugsteunbatterye is hierdie gastehuis vry van beurtkrag! Daar is ook genoegsame watervoorsiening terwyl deurlopende WiFi en DStv die tieners goed besig gehou het. As 'n mens by die eenheid uitstap is jy in die oop natuur en op die voet van die berge. Ons kom definitief weer terug! Dankie, Stefan.

But next time we will book for daily cleaning services.

Definitely a place to book but request for daily cleaning services.

Heerlik, ontspannend, pragtige uitsig.

Views bied beslis baie goeie waarde vir geld. Netjies, gerieflik, goed ingerig. Alles wat nodig is vir 'n paar dae se kuier in Clarens. Pragtige uitsig is 'n bonus.

Soos in gradering getoon - waarde vir geld, netjies, skoon. Goeie ligging.

Enigste probleem - as daar beurtkrag is, is ook die watertoevoer afgesny. Daar is genoegsame voorsiening gemaak vir alternatiewe energie (lig, hitte, stoof) maar weinig voorsiening vir "geen water".

Aangenaam.

Die grondpad na Views was net nie baie aangenaam nie.

Rustig, ontspanne en 'n lekker uitsig.

Views het die mooiste uitsig. Die eenheid is baie goed toegerus en die omgewing rustig. Vir iemand wat nie lus het om in die dorpie rond te loop nie was hierdie 'n heerlike ontsnapping uit 'n besige stad met net die natuur rondom jou.

Pragtige plekkie.

Alles wat jy benodig is daar en meer.

Baie lekker ontspan.

Baie netjiese akkommodasie - goed toegerus vir die koue.

Pragtige, skoon, netjiese asemrowende mooi uitsig. Dis baie privaat. Eienaar is ongelooflik vriendelik en behulpsaam.

Twee eenhede is ideaal vir gesinne met kinders. Dis goed toegerus en beddegoed en handdoeke is netjies en skoon. Ek sal net aanbeveel dat daar 'n klein opwaslappie by die wasbakke kan wees.

Pragtig en mooi geleë.

Baie lekker eenheid. Ons het veral die kaggel geniet!

Batterylaai-naweek. Baie geniet. Mooi plek.

Baie mooi plek en vriendelike eienaars.

'n Mens se siel kan weer asem haal.

Wat 'n wonderlike eenheid, ten volle toegerus en die vriendelikste gasheer. Kamer was lieflik, met die mooiste uitsig. Lekker snoesig met die kaggel. Lekker staproete net oorkant die eenheid. Baie dankie vir 'n wonderlike ervaring.

Sielsrus.

Hier kan jy jou siel weer vind.

Baie gerieflik.

Die akkommodasie was gerieflik en skoon. Sal beslis weer daar bly.

Heerlike verblyf. Die vroegoggend sit op die stoep sal my by bly.

Die akkommodasie is prakties en groot genoeg vir 'n gesin. Die eienaars het moeite gedoen om voorsiening vir beurtkrag te maak met 'n gasstofie, ketel, ligte ens. Die beurtkrag het waarskynlik bygedra tot die wisselende WiFi. Ons sal weer teruggaan.