Verified Reviews
Namaqualand
All reviews have been left by TravelGround customers staying in Namaqualand
Rated 4.3 out of 5 based on 1698 reviews.
"Kleinzee / Kleinsee is 'n fantastiese plekkie. Winkels: daar is 3 grocers / kafees op die dorp, ‘n slaghuis, ‘n petrolstasie, ‘n kwekery, ‘n drankwinkel sowel as ‘n koffiewinkel of twee. Goed om te doen: daar is pragtige strande waar jy vir kilometers kan stap sowel as geboude, beskutte braai areas op die strand, daar is die kronkelpaaie tussen die duine wat jou lei na “jou eie” stukkie strand as jy net ‘n kilo of so verder af ry met die strand. Daar is ‘n baie mooi gholfbaan waar jy kan drankies drink en ‘n potjie gholf speel, ‘n speelpark vir die kinders met swaaie en rondomtalies. Sowel as ‘n klomp ander plekke waar jy dinge kan doen, die museum is ook oop, ons het ongelukkig net nie tyd gekry om daarby uit te kom nie. Kleinsee is nie ‘n plek soos Margate of Plet nie, moet glad nie Kleinzee toe gaan as die noordkus atmosfeer is wat jou bekoor nie, jy gaan baie verveeld wees. Vir die wat sielsrus en ontspanning soek sou ek sê die is die ideale plek. My vergelyking: as jy al ooit in Walvisbaai, Namibia was sal jy weet wat ek van praat."
"Meeste mense mag dalk nie daarvan hou nie, maar ons is mal oor Namakwaland sonder blomme ook. Die rustigheid is voedsel vir die siel."
"Mees aangename verassing in 'n lang tyd. Dis pragtig! Die klipkoppies verras telkemale met verskillende kleure en plantegroei. Die dorpe is skoon en vriendelik. Beslis die moeite werd."
"Sentraal geleë om dagtoere te onderneem na Nababeep, Port Nolloth, Kleinsee ens. Moeite werd om die dorp te verken en meer te leer oor die geskiedenis en ontstaan van die dorp en die mynboubedrywighede. "
"Dit was 'n heerlike verblyf asook om die skeepswrakke te kon sien en die lugtoring. Die Hondeklipbaaiers is baie vriendelike mense - sal beslis weer teruggaan!"
"Kleinzee is veraf geleë, vrek stil, soos mens maar van so 'n klein kusdorpie verwag. Daar is twee paaie soontoe, die wit pad en die rooi pad. Ons was aanbeveel om die rooi pad te ry (albei is grondpaaie) wat oor Kommaggas is en baie korter en in 'n beter toestand is as die wit pad. Ek het al daardie paaie met 'n Hyundai i30 gery sonder enige teenspoed."
"Heerlike plek. Baie rustig en baie mooi. Ons was daar oor nuwejaar en ongelukkig was al die restaurante toe op die 31ste en die 1ste."
"Meer borde om aan te dui waar mens kan brandstof tap en waar die supermarkte is."
"Ek wou nog altyd soontoe gaan en was baie verbaas dat dit so mooi is. Dit is droog maar dit het 'n skoonheid wat jou net aantrek."
"Springbok is 'n pragtige dorp, maar aangesien ons op 'n Sondagmiddag daar gearriveer het, was daar baie min winkels oop en ons het gesukkel om kos ens in die hande te kry. My voorstel is dat as jy op 'n Sondag arriveer, maak seker jy het reeds alles wat jy nodig het."
"Was aangenaam verras. Was ons eerste besoek aan Springbok. Oulike dorpie. Uitstekende kos by Springbok Lodge."
"Pragtige dorp om aan te doen. Duidelik die snelweg na Namibië van die Kaap. Moet net nie op 'n vakansiedag daar aankom nie, niks is oop nie so maak voorsiening. Alles is daar sou die winkels oop wees wat 'n gemaklike verblyf verseker. Ons besoek baie geniet. "
"Ons was buite die blommeseisoen daar maar het steeds die gasvryheid en rustigheid geniet. Sal dit graag in die blomseisoen wil beleef."
