Colesberg Lodge

Wonderlike diens, kos en mense. Dankie.

Beste tyd gehad. Gevoel soos vakansie.

Baie lekker. Sal weer gaan, veral in somer.

Die swembad, braai, en atmosfeer was alles heerlik, nes 'n verlenging van die somervakansie. Goeie gasvryheid van die jongmense daar, en ek het gou hulp gekry met 'n toilet wat iewers vasgesit het. Net raserig in die aand weens verbygaande trokke (ek neem aan dis die bron).

Het veilig gevoel en kon uitrus vir die volgende dag se verdere ry.

Voldoende akkommodasie en lekker kos, na 'n dag se reis. Goeie oornag opsie tussen Kaapstad en Johannesburg.

Keep it up.

Ons het baie baie lekker gebly. Enigste ding is die kinders wat tok-tokkie speel tot in die aand. Soms steurend. Sal weer daar slaap.

Gerieflike en verfrissend, aangenaam verras!

Baie netjiese en gerieflike ruim kamers, kan sien badkamer en vloere is onlangs baie netjies oorgedoen. Heerlike ontspanplek op stoep by swembad. Voertuie veilig en personeel uiters behulpsaam. Dankie.

Oornag oppad see toe.

Met aankoms is ons met vriendelike gesiggies van portiere begroet. Die swemarea en restaurant is puik en ons het heerlik gesit en kuier tot na aandete. Ons sal vir seker weer by die lodge oornag.

Enjoyable.

Very easy and friendly staff, had 1 night there on our way to Knysna, perfect dinner and nice clean rooms.

Slegs oornag.

Die lodge is skoon en netjies, maar omdat dit op die hoofpad geleë is, het die swaar voertuie bietjie gepla, aangesien dit die enigste roete is deur die dorp. Etes word nie bedien en moes self voorsiening maak op aanbeveling van die eienares. Sy was behulpsaam met waar ons kos kan koop.

Slaap lekker

Slaap lekker, kamer nie genoeg vars lug nie en geraas in die hoofpad, kerkklok wat elke uur afgaan is irriterend.

Vriendelike diens.

Het oornag by Colesberg Lodge. Het lekker gekuier by swembad en aandete geniet. Alles wat mens nodig het. Goeie nagrus gehad. Wonderlike ontbyt volgede oggend voor on weer die lang pad aangedurf het. Baie dankie vir alles, sal beslis in die toekoms weer kuier.

Clean, but basic.

Beds comfortable. Rooms clean. Surrounds very noisy all night.

Pleasant stopover.

Convenient place for a stopover.

Puik, rustig, lekker.

Ons het baie lekker geëet by die lodge en hulle diens is uit die boeke. Ons het lekker geslaap en die kamers was netjies en skoon. Daar was veilige parkering vir ons motor gewees. Sal beslis enige tyd weer daar oornag.

Plek is pragtig en gesellig.

Kamers was mooi groot en netjies. Badkamers skoon en netjies. Badhandoeke is goed. Beddegoed skoon en gerieflik. TV was lekker en WiFi goed. Bar was vriendelik en goeie diens met die big screen was bonus. Baie dankie was lekker.

Min geslaap!

Kuierarea/kroeg by lodge is by slaapkamervensters. Gaste het tot 3 am lawaai. Ons kon nie slaap nie. Bestuur het nie opgetree nie.

Ons was op pad Pretoria toe vir besigheid.

Die pad was lank en ons was moeg. Die lodge lyk meer na 'n ou koshuis as 'n lodge. As dit nie vir die personeel was wat daar werk nie , weet ek nie hoe hulle nog 'n besigheid kan bedryf nie. Die plek verdien 'n goeie opknapping want daar is potensiaal.

Is te donker tydens loadshedding en moeilik om die plek te kry.

Ons het tydens loadshedding in Colesberg aangekom. Alles was donker en dis moeilik om die perseel te vind.

Nommerpas.

Goeie, billike oornagverblyf. Vriendelike en behulpsame personeel.

Uitstekende diens.

Vriendelike diens en regtig 'n mooi plek.

Average stay with a restaurant and bar.

At least there is off street parking.

Dankbaar vir 'n plekkie.

Met spitstyd waar almal terugkeer en alle plekke was vol, is dit 'n goeie plek om tuis te gaan.

Fantasties. Beste skaaptjops ooit.

Baie vriendelike staf, baie skoon en netjies. Heerlike kos en 'n oase by die swembad.

Rustig, huis weg van huis.

Was so gemaklik en alles in hulle plek.

Vriendelike, vinnige diens.

Wonderlike oorslaap. Kan goed uitrus na 'n lang dag op die pad.

Reasonably happy except for not having something to medicate cold.

This was for me the biggest turn off.

Excellent.

Goeie bestuur. Vriendelike personeel. Warm atmosfeer.

Was ongelooflik.

Werkers baie behulpsaam, al was die krag af het ek dit baie daar geniet. Die seun wat die tasse dra kamers toe Vinnie is 'n briljante kind met baie talent. Kantoordames baie vriendelik. Die waiters is aangenaam en vinnig met hul bestellings.

Comfortable.

It was a comfortable stay after a long journey.

Vriendelike diens. Waarde vir geld.

Ons het baie lekker gekuier by Colesberg Lodge. Parkering is bietjie ver van die kamers af.

Great.

No vegetarian food available.

Adequate for a layover in a town with limited options.

Colesberg Lodge was neat and clean. Not so impressed with their food offering but understandable considering where the place is situated.

Fantasties.

Baie gemaklik en ontspanne gevoel.

Baie lekker, netjies, skoon en baie veilig.

Oorslaap na Kaapstad, lekker uitgerus vir die volgende rit. Dankie.

Een nag se oorslaap.

Baie netjies en skoon. Kon dalk doen met 'n klein yskassie. Andersins beskik die kamer oor al ons behoeftes. Dankie ook aan die staf en Freddy dat julle my laptop wat ek daar vergeet het, veilig bewaar het.

Oornagslaapplek op pad Klerksdorp toe.

Baie vriendelik en behulpsaam. Kamers baie netjies. Aandete en ontbyt was aangenaam.

Baie vriendelike en behulpsame personeel.

Die ligging is in die middedorp. Boerbokke loop die strate vol. Die parkering is baie veilig. Lieflike swembad en aandete was baie lekker.

Goeie, netjiese akkomodasie en vriendelike diens.

Sentraal geleë, veilige parkeerplek en naby ander eetplekke.

Matriekvakansie - oornagverblyf.

Baie mooi en netjies plek. Perfek vir oornagverblyf.

Wonderlike aand, nagmerrie verkeer.

Ons was 15:00 daar en het heerlik by die swembad gekuier en geeet. Absoluute positiewe ervaring - tot op daardie put. Kamer 25 - geen plek in hoofslaapkamer om klere te hang - hakies agter die deur? Die gaste fluister nie laat aand en/of vroeg oggend nie - dit moet aktief aangemoedig word. Tenspyte van die 21:00 aandklokreël, was die geraas van verkeer van die hoofstraat oordowend. Mens kan letterlik nie lekker slaap/rus nie. Die ontbyt was swak bedien (drie tafels met gaste) met geen lepels of glase op tafels nie. Ons moes steeds vir goed vra. Die personeel was oorwegend vriendelik en behulpsaam - behalwe dat die dame in die eetsaal sukkel om te verstaan en/of by te bly. Die veilige parkering is 'n groot plus.

Kos was baie lekker. Goeie stop vir een aand.

Diens was baie goed en die kos baie lekker.

Staff very friendly and helpful.

See stars.

Netjies en skoon.

Die kamer en lodge was verrassend skoon en netjies.

'n Staatmakerplek om oor te bly tussen Kaapstad en Pretoria.

Sien sterre.

Sal nie weer daar oornag nie.

Diens nie na wense nie. Moes vra vir toiletpapier, seep, koffie en melk was nie in kamer nie. In kroeg ook nie alle soorte drankies nie,moes tevrede wees met wat daar is.

Ruim, skoon verblyf wat 'n goeie nagrus verseker.

Die grootte van die kamers het ons verras! Die bestuur kan asb net aandag aan die basiese behoeftes van reisigers gee, bv. 'n klerekas, stoel om op te sit, snippermandjie in die kamer, seepbakkie in die stort.

Gemaklike verblyf.

Verblyf en vriendelike diens.

Puik vir oornag tussen Kaap en Gauteng: Ruim, skoon, lugversorgde kamers. Goeie waarde vir geld.

Kinders het swembad baie geniet en ons kon heerlik langs die swembad aandete geniet terwyl die kinders baljaar. Enigste voorstel is dat julle filterkoffie aanskaf vir gaste wat dit verkies.

It's a nice place.

The noise that was coming out of the machine/generator outside my room made it difficult for us to sleep.

Vriendelike en aangename personeel.

Op 'n snikhete dag was daar lugverkoeling in die kamer en 'n swembad om in af te koel. Die aandete was uit die boonste rakke. Alles net reg na 'n lang reis.

Baie netjies en skoon.

Kamer was baie skoon en netjies. Kliëntediens vriendelik en behulpsaam. Veilige parkering beskikbaar.

Die ervaring en diens was so swak gewees dat ons besluit het om nie eers daar te oornag nie.

By ons aankoms het die slegte ervaring reeds begin. Eerstens word ek begroet deur 'n man in 'n blou overall wat, ek nie weet of hy die verwelkomingsparty of 'n portier is nie, maar sy eerste bevel aan my is om my voertuig om te draai want dis die kamp se reëls. Nadat ek vir die korporaal in sy "overall" die derde keer gesê het ek sal my kar omdraai nadat ek "ingecheck" het en afgelaai het, word ek en my gesin begelei deur die agterstegie van die gebou. Die korporaal lei ons toe na 'n emosielose ontvangsdame en ek word beveel om haar R30 te gee vir parkering, so asof ek nou bo-op die R1,250 wat ek reeds betaal het, nog 'n spesiale levy moet betaal om my kar op hulle spesiale uitgespryde grond en klippie oppervlak in die agterplaas te mag parkeer. Ek moet tog byvoeg dit is seker 'n spesiale soort grond waarop jy parkeer, want nie eers Sandton City se onderdak parkering is so duur nie. Ek sê toe vir die bondeltjie vreugde dat ek graag die kamer wil sien voordat ek nou verder geld aan haar toevertrou vir die eksklusiewe fasiliteit wat hulle ons bied. Op met die trappe in die hoop dat die kamer ons gaan beïndruk, en so vinnig soos ons op is, so vinnig is ons daar uit. Daar was drie skoonmakers, vier moppe, 'n streep skuim op die vloer en die reuk van die lykshuis se vloerpolish in die lug. (Ten minste glo ek die kamers is skoon). Want met so gedugte span skoonmakers onder lyding van die dorp se korporaal glo ek die standaard van die SANDF word toegepas op trots Suid Afrikaanse standaarde. Ons is daar uit en ek het my asem gaan terugvind by 'n oulike restaurant net om die draai van die dorp se kerkie. Ek skakel toe 'n man wat beweer dat hy die eienaar is van die eksklusiewe Colesberg Lodge en ek vertel hom van my unieke ervaring en dat ek nie daar gaan oornag nie. Na 'n geruime tyd op die foon en 'n ongelukkige eienaar het ek vir die sake-ondernemer gesê dat hy maar sy geldjies kan hou aangesien hy nie nie regtig belang gestel het in dit wat ek vir hom te sê het nie. (Of miskien is dit omdat hy uitgemis het op die R30 rand parkeringsfooi wat ek toe nooit betaal het nie?).

'n Baie lekker, netjiese oorslaapplek met goeie diens en vriendelike mense.

Sien sterre.

Baie gerieflik.

Vir mense wat 'n lekker oorslaap kort.

Water om in te bad/stort was KOUD.

Water was koud by aankoms. Het gehoop dit sal oornag warm word. Dit was ysig koud om mee te stort. Nie goeie ondervinding nie.

Lekker, gemaklik gebly.

Vriendelike, hulpvaardige personeel wat bereid is om die ekstra myl te loop.