EL JO Karoo Selfsorg Gasteplaas

Pragtige plaashuis.

Die huis is ruim, pragtig gemeubileer en silwerskoon. Mooi staproetes in die veld in. Elsabe en Johan is baie vriendelik en hulpvaardig. Onthou dat die ingang na die gasteplaas op die Vosburg-Pampoenfontein-Victoria Wes pad is, nie die direkte Vosburg-Victoria Wes pad nie. Die grondpaaie is in baie goeie toestand. Daar is nie sein vir wifi nie.

Dit was heerlik. Skoon. netjies.

Baie gasvry. Baie behulpsaam.

Lovely hosts.

Very nice.

Lekker plek en mense. Ons sal weer gaan kuier!

Het lekker op die panne naby Vosburg gespeel met ou karre.

Hartlike Karoo-verblyf in 'n rustige wye oop plek met skoon, vars lug en sterreprag soos min.

Elsabe en Johan ontvang en behandel mens asof ons lankal goeie vriende is - heerlik! Mens voel sommer dadelik dat jy daar hoort. Die rustigheid en kalmte wat na 'n lang dag op besige paaie oor jou kom, is wonderlik - mens kan net terugsit, inneem en rus. Ons verblyf en die heerlike etes en geselskap by EL JO Selfsorg Gasteplaas was inderdaad 'n baie unieke ervaring op 'n besonderse plek, wat ons sonder enige voorbehoud aanbeveel en weer sal wil ervaar. Baie dankie Elsabe en Johan!

Rustige atmosfeer van Karooplaas.

Baie netjies, skoon en ruim. Baie vriendelik ontvang en gasvrou en gasheer gaan uit hulle pad om ons tuis en gemaklik te laat voel. Groen oase in die dorre (het heerlik gereën) Karoo. Sal beslis weer daar kom kuier. Werkende plaas weg van enige geraas en wonderlike sterre.

Vriendelik en hulpvaardig.

Elsabe en Johan en die gemeenskap van Vosburg is voorwaar van die vriendelikste mense in SA. Baie dankie.

Beste halfway stop wat ons nog ooit gehad het.

Oom Johan en tannie Elsabe het ons baie hartlik ontvang na 'n lang dag se reis. Oom Johan het ons help afpak en 'n vuurtjie gepak in die gesellige kuierarea. Ons reis met iemand in 'n rolstoel en alles was vir ons so maklik as moontlik gemaak. Baie dankie Oom Johan en tannie Elsabe. Ons sal nie sommer hierdie pragtige plek verbyry as ons weer die lang pad aandurf nie.

Wonderlik met die beste gasvryheid.

Die rede hoekom ek 'n vier (en nie 'n vyf nie) vir ligging gee, is omdat dit 'n entjie uit die dorp is. Maar dit is absoluut die draai werd om by hierdie gasteplaas oor te bly. Ek sal elke keer hier bly wanneer ek in Vosburg se omgewing is. Elsabe en Johan is die beste gasheer en gasvrou wat enige persoon voor kan wens. Dit is een van hul spreuke in hul gastehuis is - "Kom as gaste, vertrek as vriende." Dit is absoluut waar. Hulle is vriende. Baie dankie vir alles.

Heerlike Karoo-kuier.

Ons was aangenaam verras en het heerlik gekuier. Johan en Elsabe het ons baie tuis maak voel en het ons opregte Karoo gasvryheid ervaar. Ons het die lekkerste wors en lamstjoppies by hul gekoop en gebraai, wors was baie lekker vir volgende dag se padkos. EL JO is 'n pragtige oornagplek, fantasties toegerus met alles wat nodig is en word ten sterkste aanbeveel.

Spacious, safe, clean farm stay for our Family.

Friendly, caring hosts who go out of their way to ensure you have a great stay. Farmhouse with everything needed for a comfortable stay, indoor fireplace for the cold winter evenings, indoor braai dining room for a super family braai, well-equipped kitchen for you to prepare your meals. Bedrooms equipped with heated blankets when needed. The children loved the farm atmosphere and interacting with the sheep and lambs. A very big thank you Elsabe and Johan.

'n Groot dankie aan Elsabe en Johan vir hulle hoë kwaliteit Karoo gasvryheid.

Die verblyf is regtig van'n baie hoë kwaliteit en selfs die sorgsaamheid van braaihout vir die binnebraai en heerlike beskuit het die oornagkuier baie aangenaam gemaak. Die kwaliteit van die verblyf was beslis baie hoër as wat verwag is!

'n Aangename oase langs 'n lang pad.

'n Goed toegeruste en netjiese selfsorgtuiste. Ons sal dit enige tyd weer besoek. Baie dankie.

Lekker op die plaas!

Baie dankie Johan en Elsabé vir n lekker plaaskuierverblyf! Op versoek het Elsabé vir ons die lekkerste wortelkoek gebak! Outydse huisdans het gesorg vir groot pret! Plate en platespeler tot ons beskikking.

EL JO en Poortjie is 'n juweel. Wat 'n voorreg was dit om Johan en Elsabe te kon leer ken. EL JO was alles en meer as wat ons verwag het.

Die drie aande op Poortjie was 'n geskenk uit die hemel, 'n pragtige volledige gastehuis in die mooiste Karooveld. Elsabe en Johan het ons bederf met hul vriendelike gasvryheid en spesiale omgee soos al die ekstra vuurmaakhout, warm sjokolade en Johan wat vroegoggend gaan kyk het of die veldlelietjies al blom sodat ons dit ook kon sien.

Kan dit beslis aanbeveel, puik waarde vir geld, stilte, rus, vrede en lekker kos.

Baie lekker om by medeboere te oornag en te kuier. Ons het die tipiese gasvryheid van ons boeremense terdeë geniet. Die tuin is 'n lushof in die dorre Karoo. Kan dit beslis aanbeveel, puik waarde vir geld, stilte, rus, vrede en lekker kos.

Fantastiese Karoo-gasvryheid.

Fantastiese gasvryheid. Ons is gegroet deur baie vriendelike gashere en het baie lekker gebly. Ons sal 'n ompad ry om weer daar te bly.

Veilige, mooi natuurskoon en vriendelike diens.

El Jo is n mooi Karoo skaap- en jagplaas. Die verblyf is ruim, skoon, smaakvol en die gasvrou en haar eggenoot sal jou dadelik laat tuis voel. Hier kan jy ontspan en veilig voel. Ek kan dit aanbeveel vir enige reisiger.

Heerlik gekuier, blyplek is pragtig ingerig.

Baie dankie Johan en Elsabe, vir die moeite wat julle met ons gemaak het en julle gasvryheid. Ongelukkig kon ons net 1 nag oorbly a.g.v. reisreëlings, maar gaan beslis weer kom kuier. Dit is ook 'n ideale bestemming vir 'n familie as jy jou kinders blootstelling wil gee aan 'n plaasomgewing en die veld.

Ruim, kalmte en natuurskoon.

Gerieflik, groot, daar's alles tot die heerlikste Karoo-skaap, braaipakkies te koop.

Home away from home, peace and quiet and welcoming hosts.

We loved the peace and quiet of the farm and the house was a real home away from home with everything we needed. The hosts were very friendly and welcoming and I would highly recommend this accommodation.

Die rustigheid van die Karoo beleef jy opreg by El Jo.

Baie dankie Elzabe en Johan vir julle hartlike ontvangs. Ons verblyf by julle was ongelooflik en ons sal julle nie sommer weer verbyry nie. Julle verblyf is van hoogstaande gehalte en kompeteer met enige gasteverblyf wat ons al by was. Baie dankie vir 'n wonderlike ervaring.