Verified Reviews
Prince Albert
All reviews have been left by TravelGround customers staying in Prince Albert
Rated 4.7 out of 5 based on 1416 reviews.
"Pragtige, skoon dorpie. Dis regtig 'n juweel in die Karoo en 'n moet om te besoek. Om deur die Swartbergpas te reis was een van my beste ervarings ooit."
"Prince Albert en die Swartbergpas is werklik 'n moet-sien. So ook die nabygeleë Meiringspoort. Reisigers na Suid-Kaap vanaf Gauteng kan gerus die N12 vanaf Beaufort-Wes neem en die baie besige N1 vermy. Prince Albert is dan die ideale oornagplek, en jy kan dan maklik by die Kango-grotte aandoen nadat jy die Swartbergpas oorgesteek het en honderde foto's geneem het."
"Op pad Kaap toe ry ons nooit Prins Albert mis nie, dit is die moeite werd om daardie paar kilometer van die N1 af te draai. Beplan jou reis so om daar te oornag. Dit bied jou die opsie om verder met die N1 Kaap toe te ry of na Hartenbos via Meiringspoort of oor die Swartbergpas."
"Pragtige dorp met wonderlike gerestoureerde geboue en huise en pragtige winkeltjies."
"Pragtige dorp met 'n wonderlike Karoo-gevoel. Mis nogal die gees wat Kokkedoor aan die dorp gegee het. Jammer dat dié reeks nie voortgesit kon word nie – dit het die dorp 'n smulpaap-gevoel gegee wat 'n mens nie nou meer voel nie. "
"As recommended by Brian, we took the Swartberg Pass home. A route not to be missed. "
"Pragtige omgewing. Ons het vir `n dag na Die Hel gery. Die bergpas is skrikwekkend, maar ook asemrowend. Heerlike etes gehad by die Swartberg Hotel."
"Die mense was almal so vriendelik, die restaurante lewer goeie diens, en Saterdagoggend se plaasmark was heerlik! Sal graag weer kom kuier en vriende saambring! Wens ek kon 'n eiendom daar hê."
"Baie om te geniet en te besigtig in en om Prins Albert. Bly ten minste 3 dae om so veel moontlik te benut."
"Dis die skoonste en mooiste dorpie wat ek in n baie lang tyd gesien het. Die mense is vriendelik en die omgewing baie ryk aan geskiedenis. Enige fotograaf se droom! "
"Wat 'n lekker dorp. In die toekoms sal ons beslis langer bly in Prins Albert."
"Ideale plek vir fotografie-slypskool. Veilig gevoel om alleen in die dorp rond te stap."
"Baie mooi en goed versorgde dorp met 'n interessante geskiedenis en mooi argitektuur. Die afwesigheid van goeie supermarkte (hoef nie groot te wees nie, net skoon en netjies en goed van voorrade voorsien) of selfs net kafees wat nie almal vyfuur toemaak nie, sal die dorp baie baat."
"Prins Albert het soveel om te bied, uitstekende restaurante, pragtige kunsgalerye, 'n paar wyn- en olyfplase in die omgewing. 'n Besoek aan Fernkloof wynplaas (wynproe), Gay Guernsy se melkery (kaasproe) en Karoo Kombuis restaurant (Karoo-lamsboud), het ons besoek aan Prins Albert bekroon."
"Prins Albert het baie om te doen en te sien en volgende keer gaan ons beslis langer bly."
"Die algemene voorkoms van die dorp is baie netjies en skoon. Mense kom ook baie vriendelik voor. "
"'n Plek waar tyd geëts is in die grond, berge, riviere, reuk, son, bome, wind en lug. 'n Natuurskoon so rou en eg dit word deel van jou asemhaling. As jy nie jouself hier kan vind en een word met wie jy is nie, sal geen ander plek op aarde of ervaring dit kan regkry nie. 'n Bestemming net duskant die hemel. Die Swartbergpas is 'n natuurwonder op sy eie en 'n reis hierdeur is helend vir die siel."
"PA is a bit off the beaten track but worth the effort if one links it to the experience we had in travelling the Swartberg Pass."
"Prince Albert is 'n mooi plattelandse dorpie wat goed bestuur word en 'n gemeenskap het wat baie betrokke is. 'n Verrassing by die kaasfabriek op die punt van die dorp was uitstekende boerewors!"
"'n Plek om lekker te rus en ontspan met genoeg dinge om te doen. Kies jou seisoen versigtig. Daar is 'n outydse fliek genaamd "Showroom" in art deco-styl."
