Verified Reviews
Uniondale
All reviews have been left by TravelGround customers staying in Uniondale
Rated 4.2 out of 5 based on 109 reviews.
"Uniondale is 'n mooi skoon en goedversorgde dorpie, in teenstelling met talle ander plattelandse dorpe wat jammerlik deur hul plaaslike munisipale besture klaaglik verwaarloos en wanbestuur word. In hierdie opsig troon Uniondale bo die ander uit en vertoon vooruitstrewend."
"Is daar 'n gemeenskapsprogram in plek om die behoeftes van kinders aan te spreek?"
"Besoek die omgewing en spandeer tyd. Daar is baie om te verken."
"Sou 'n groter keuse eetplekke met traditionele kosse wou sien. Ook snuffelwinkels en antieke en versamelaarswinkels. Moes Willowmore toe ry."
"'n Skoon, interessante en vriendelike dorp. Moenie net deurry nie, spandeer 'n paar nagte en verken en geniet die dorp."
"As jy van spookstories hou is Uniondale net die bestemming vir jou. Skoon dorp met goeie eetplekke."
"Ons het heerlike Bobotie geniet in African Aloe, my dag gemaak! Daarna hul golfbaan besoek, ongelooflik vir 'n Karoodorpie."
"Baie klein dorpie en kan alles in een middag besigtig. Die ideale plek om net oor te slaap. Al die winkels was al om 15:00 gesluit en net 1 restaurant om aandete te nuttig, maar dis deel van die hele ondervinding. Het die verblyf baie geniet."
"Dis 'n jammerte (eintlik 'n skande!) dat daar nie van owerheidskant meer gedoen word om die dorp en omgewing se ryke geskiedenis 'n bietjie uit te dra nie. "
"Ek kan nie enige uitstaande kenmerke van Uniondale onthou nie, behalwe dat die omgewing pragtig is, maar ons het slegs daardeur gery op pad na Marthinusberg. "
"Dit is opvallend dat Uniondale as toeristedorp gewild is. Huise, erwe en strate vertoon netjies. Die bergfietstoer wat einde September hier begin (Karoo to Coast) is natuurlik 'n belangrike item op die kalender. Die enigste negatief is die aantal jong bedelaars wat ons lastig geval het. Gemeet aan die selfvertroue van die bedelaars kan ons net aanneem dat genoeg toeriste hulle beloon met 'n paar sente vir 'n brood. "
"Die dorp is baie skoon en die inwoners doen moeite om dit vir toeriste aantreklik te maak."
"Mekka van die Karoo To Coast fietswedren, dis wat ons daar gaan maak het, op ons eie! "
"Hierdie dorpie het baie meer gebied as wat ons verwag het. Almal is baie vriendelik en ons het heeltemal veilig gevoel te alle tye. Ons gasheer het vir ons plek bespreek by The Hungry Ghost en dit was 'n bitter oulike eetplekkie met heerlike kos teen baie billike pryse. As jy wil wegbreek van die gewone lewe en net 'n slag ontspan, is Uniondale die plek vir jou."
"Vriendelike dorp. Tydens Paasnaweek moet beskikbare restaurante seker maak voorraad is beskikbaar. "
"Baie teleurgesteld. Het gegaan om my seuntjie die spookmeisie van Uniondale te gaan wys en daar is absoluut niks daarvan in die dorp nie."
