Barry House on Riverton

Verkwik jouself met 'n lekker kuiertjie op die plaas.

Pragtige rustige omgewing. Baie netjies en skoon. Alle noodsaaklikhede vir 'n lekker kuier is beskikbaar. Was baie bly oor daardie skottelgoedwasser!

Baie lekker.

Baie groen en mooi, genoeg plek vir almal om saam te kuier.

Lieflike plaashuis.

Fantastiese, tradisionele plaashuis met oorgenoeg spasie. Heerlike leefarea met tafeltennistafel, gerieflike buitebraaiplek, ruim en suite-slaapkamers met pragtige dekor. Dit was wonderlik om in so 'n huis te bly met so baie geskiedenis. Die gashere, Duncan en Natasha, was baie behulpsaam en binne bereik vir enige navrae. Die gastehuis is gerieflik geleë naby Robertson in 'n pragtige omgewing. Ons sien uit om weer daar te gaan kuier!

Absoluut rustig, natuurskoon, omring deur bome en vars lug met die gerunnik van die koggelperd, Rudi. Was so 'n ontspannende ruskans.

Duncan en Natasha jul was die beste! Dankie vir die geselsies en die groot bederf vir die bruidspaar. Lieflike huis met alles en nog meer as wat ons nodig gehad het. Dankie ook aan die huishoudster vir ekstra takies verrig. 'n Fantastiese uitspantyd saam met die familie. Ons het die oop spasie en ruime baie geniet. Ons sal graag weer daar bly. Baie sterkte en seën vir julle op die plaas.

Baie netjies, groot en gerieflik!

Baie lekker, die huis het baie spasie en is baie netjies. Sal beslis weer daar bly.

Die huis is gerieflik ingerig. Ons was 10 persone en het die ou historiese huis baie geniet.

Kamers was netjies en goed ingerig. Braaihout was verskaf. Die huis leen hom tot 'n lekker saamkuier. Duncan en Natasha baie vriendelik en behulpsaam.

Baie lekker en rustig, veral om die perde te sien.

Die huis is in 'n rustige omgewing. Die woonvertrekke en slaapkamers is keurig. Die gedekte tafel in die eetkamer was baie smaakvol. Ek sal weer daar wil ontspan.

Spacious and wonderful place to stay. Very helpful and friendly hosts.

We loved our time at Barry House. Such a characterful house with lots of space and beautiful surroundings. The hosts were so helpful and friendly too, thanks!

Ons het heerlik gekuier in die ou herehuis.

Die huis is pragtig gemeubileer, ons was mal oor die antieke stukke in die huis. Elke kamer met sy eie karakter. Die kombuis het al die nodige geriewe ingehad. Ons kon heerlik kuier op die stoep met sy mooi uitsig (en pragtige perde). Ons kan definitief Barry House aanbeveel!

Plattelandse sjarme en styl.

Barry House is 'n stylvolle plaasopstal met 'n pragtige uitsig oor die berge en perde-kampe. Die personeel is hulpvaardig en vriendelik en die huis is toegerus met alles om jou verblyf daar gerieflik en moeite-vry te maak.

Uitstekend.

Baie lekker verblyf met als wat mens nodig kan hê. Eienaars was vriendelik en baie behulpsaam.

Perfect group getaway.

A lovely weekend away spent in the most beautiful home. We had a wonderful time at Barry House and could not have asked for a better place to stay. The house was perfect for accommodating a large group and the hosts, Natasha and Duncan were welcoming and made sure we were all sorted. Can't wait to to back.

Fantasties.

Ons sal vir seker hierdie onthou vir die toekoms.

Die akkommodasie was van uitstaande gehalte.

Barry House on Riverton is pragtig, stylvol en propvol outydse sjarme. Die eienaars is gasvry en vriendelik en ons sal beslis weer daar gaan bly.

Fantasties en onverbeterlik!

Ons is baie vriendelik ontvang en was soooo lekker verras met die pragtige, ruim huis en omgewing (selfs nog beter in lewende lywe as op die foto's!)!

Fantasties.

Ons klomp gholfdames het verlore geraak in hierdie groot huis. Almal was meer as tevrede. Dis dié plek om te bly. Gholf naby, wynplase nog nader én van die beste restaurante. Dankie Natasha en Barry.

'n Plek waarheen jy beslis sal teruggaan.

Ons was 'n familie van 6 volwassenes en een 2 jarige kind. Die huis is so groot dat jy nie mekaar hoor nie. Jy het soveel spasie en dan ook heerlike kuiervertrekke. Die kamers is pragtig. Die rustigheid sal jou lank nog bybly. Daar is GEEN ander gaste nie - die perde wat net oorkant die huis wei skep so 'n rustige atmosfeer met die mooiste berge in die verte. In die aande kuier jy buite tot baie laat. Indien jy gou na die dorp toe wil gaan is dit net 4 km, maar dan is jy haastig terug. In kort, jy is vies as die tyd om is en jy weer huis toe moet gaan.