Biesiespoort Guesthouse

Modern comfort in a beautiful history-rich setting.

Biesiespoort was a very enjoyable overnight stop.

Biesiespoort is 'n pragtige, goed toegeruste gastehuis.

Biesiespoort is 'n pragtige, goed toegeruste gastehuis. Ons gasvrou het ons baie hartlik ontvang. Alles is super netjies.

A delight of peace and space.

A delight with everything you could possibly want - neat, clean and tidy. A lot of attention to detail has gone into furnishing it. The layout, space and outlook give one a sense of peace and tranquility.

Stil en rustig!

Baie lekker gebly. Rustig!

Juweel van 'n plek.

Absoluut 'n juweel van 'n gastehuis en die gasvryheid van die mense van die Karoo is priceless.

Peace & tranquility.

Thoroughly enjoyed our stay there and were well looked after by our host. Worth the detour to detox city life!

’n Juweel van ’n plaashuis, net ’n katspoegie van Loxton.

Ons en ons hond, Walter, het regtig welkom gevoel by Biesiespoort. Die pragtige ou plaashuis was koel en uitnodigend, keurig gemeubileer en met alles waarvoor ons kon wens - selfs 'n ysmasjien! Daar was goeie koffie en tuisgebakte beskuit in die kombuis, pragtige, sagte handdoeke in die badkamer en ’n sterk stroom water deur die stortkop. Hanneke is ’n vriendelike en besorgde gasvrou wat ons selfs die volgende dag gekontak het nadat ons daar weg is, om seker te maak ons is oukei. Ons kar het die vorige dag ’n paar nukke gehad, en sy was bekommerd. Walter kon lekker rondhardloop in die omheinde voortuin en met Harry, die inwonende plaashond, speel. Ons kon die res van die pragtige Karooplaas verken met Walter aan ’n leiband. Ons sal beslis weer by Biesiespoort oornag, en dit wyd en syd aanbeveel.

Baie lekker rustige plek ek Hannekke.

Baie mooi plek, alles waaraan jy kan dink is vir jou gereed en reg gesit. Die natuurskoon bring 'n rustigheid in jou siel.

Pragtig, luuks, mooiste dekor, fynste detail, gasvry en heerlike plaasatmosfeer!

Pragtige, luukse gastehuis wat al ons verwagtinge oortref het. Die rustigheid van die plaas en mooi omgewing dra by tot die wonderlike atmosfeer! Hanneke doen ongelooflik moeite om mens baie tuis te laat voel!

Salig, luuks en sommer net lekker!

As ek kon, sou ek Biesiespoort 10 sterre gegee het! Ons is hartlik ontvang en die gasheer het dadelik 'n plan gemaak toe ons (te laat) besef ons gaan nie iets te ete in Loxton kan koop nie. Daar is soveel aandag aan detail gegee. Top gehalte linne, eetgerei, dekor, geurkerse, ens. Selfs vars blomme in die huis. Die huis het alle verwagtings oortref en die rustigheid op die plaas was voorwaar net wat ons nodig het om van alle stres ontslae te raak. Wens ons kon nog langer daar bly.

Sielsverkwikkend. Bederf.

Hierdie verblyf was vir ons die heel beste wat ons ooit gehad het. Hoekom? Die grootte van die huis, die fasiliteite, die liefde waarmee alles gedoen is, die diepe bedagsaamheid waarmee alles gedoen is van die ontvangs tot by die dekor en die fasiliteite (bv. die sterk flitsliggies langs die kaggel in die voorportaal!) het ons heeltemal oorweldig en stomgeslaan. Kon die spasie en netheid en smaakvolheid nie glo nie. Die stilte was 'n berusting vir die siel en 'n lafenis na 'n vermoeiende vakansie. Ons was net twee mense en het nie die boonste verdieping se kamers gebruik nie. Ons wou graag nog 'n nag bly, maar daar was gaste wat bespreek was vir die volgende aand ongelukkig. Ons sal weer hier kom oorslaap - enige tyd as ons kan.

Pragtige en netjiese verblyf. Sal graag wou langer bly!

Baie dankie vir julle gasvryheid, ons het heerlik gekuier. Die Karoo se vars lug en stilte was net wat ons nodig gehad het.

Die gastehuis is wonderlik en die gasvrou het ons laat tuis voel!

Dit was ongelooflik lekker!

Uitstaande gasvryheid!

Ons het een nag by Biesiespoort Guesthouse oorgeslaap en het dit baie geniet. Het die gasvryheid van die gasheer baie geniet en waardeer!

Hoogtepunt ondervinding. Sal hul weer gebruik.

Was 'n wonderlike ondervinding. Heerlik gebly. Alles mooi en netjies. Behoorlike Karoo-gevoel op die plaas!

Biesiespoort het die mooiste grasie en hartlike liefde van die Karoo.

Biesiespoort het ons hartlik ontvang met gasvryheid. Die akkommodasie bied home away from home - alles wat jy nodig het en nog meer! Ons het gesmul aan die lekkerste tuisgemaakte skaapwors, chops en potbrood. Ons het die voorreg gehad om betyds te wees vir die lamseisoen wat die kinders hoogs geamuseer het. Die nag het ons met asemrowende sterre beklink. So 'n mooi plek. Ons gaan definitief dit ons gereelde stop maak tussen JHB en Kaap.

Loxton gasvryheid op sy beste. Biesiespoort is asembenemend mooi en rustig.

Biesiespoort is 'n pragtige nostalgiese afpakplek wat onlangs nuut opgeknap is, met 'n vergrote toegeboude kuierstoep en braaigeriewe vir die bobaas braaier. Die dekor en algehele gebruiksgemak is fantasties en alle gerieflikhede en ekstras is beskikbaar. Die fraaie Karoodorpie Loxton is 'n klipgooi weg. Hanneke is 'n uitstekende gasvrou wat altyd beskikbaar is om te help of raad te gee oor die dorp en omgewing. Moenie hierdie pragtige plek verbyry nie.

Heerlik rustig.

Ek sal tog die volgende aanbeveel: 'n sakkie hout en blitz. Oorweeg 'n toilet op boonste vloer.

"All in one" akkommodasie met baie ruimte vir beweging na 'n lang dag op die pad.

Ons het net een nag oorgeslaap, maar alles in die huis was voldoende en in goeie werkende toestand. Lannice het ons sommer van vroegdag voor ons aankoms welkom laat voel via WhatsApp en ook baie vriendelik ontvang toe ons daar aankom. Kan dit enige tyd vir 'n gesin met kinders aanbeveel. Kan wel een voorstel maak - omskep sitkamer in 'n 3de slaapkamer vir daardie persoon wat nie in staat is om trappe te klim nie.

Very old and dirty.

Very old and dirty. No possible to close the main door with the key.

Ons het heerlik gekuier.

Die plaas is naby Loxton. Ons het vroeër as afgespreek opgedaag en was vriendelik ontvang.

Heerlike rustige kuier saam met vriende.

Ons het heerlik gekuier en gebraai saam met vriende. Die verblyf was aangenaam met alles wat ons nodig gehad het.

Pragtige plaasverblyf.

Baie netjies, mooi gemeubileer, op 'n pragtige plaaswerf. Baie ruim. Die trappies na die eerste verdieping sal bietjie te styl wees vir 'n persoon wat nie heel mobiel is nie.

Salig.

Dit was 'n pragtige, goed toegeruste huis. Ons het heerlik daar gebly. Baie mooi skoon en netjies, beddens was goeie kwaliteit en baie gemaklik. Die trappe kan dalk bietjie moeilik wees vir ouer mense. Ons was vriendelik verwelkom en sal dit vir enige iemand aanbeveel.

Baie gerieflike en ruim Karoohuis op 'n plaas, met alle fasiliteite wat benodig word.

Pragtige uitsig en natuurskoon.

Host appeared to be disinterested in hospitality.

Possibly a converted farm building (sheep shearing). Bedrooms upstairs, toilet downstairs. tricky staircase to navigate, unsuitable for older guests, especially during load shedding. Three candles and no matches were supplied in case of load shedding, which did occur. No water after 20:30; after asking for water in the morning, water was pumped into the tank. We are campers and also have stayed in many guest cottages, so are accustomed to rustic accommodation. This is not what we expected after a long day of travel.