Fort D' Acre Reserve

Perfekte wittebroodbestemming!

Luukse en mooi kamers, heerlike etes, mooi uitsig van see met wild op jou voorstoep, private game drives met 'n baie goeie gids en baie oulike gasvrou met vriendelike span!

Die plek is verskriklik mooi. Baie goeie diens ontvang.

Die kos wat voorberei was,was ongelooflik lekker en die kamers is verskriklik mooi en netjies!

Best of both worlds.

Het jy al ooit gedroom dat jy in die bos kan bly, maar tog ook strand toe kan gaan binne minute? Wat van n privaat strand? Wel jy het dit gevind. Verblyf is amazing. Gasvryheid boonste rakke. Game drives vir spotgoedkoop. Ek sal weer gaan.

Luukse verblyf.

Die diens was uitstekend en die personeel was baie hulpvaardig om ons te akkomodeer. Die kamer was ook baie gerieflik met baie spasie. Ons het nie genoeg tyd gehad om die plaas te verken en na die wild te kyk nie, maar die uitsig oor die bos en see was baie mooi. Die enigste negatiewe ding wat ek kan sê is dat die hoofpad baie naby die woning verby loop en mens dus gedurig motors en vragmotors hoor wat verby ry. Behalwe vir dit het ons baie lekker oornag en die ontbyt was ook heerlik.

Weelderige akkommodasie op 'n pragtige wildsplaas, aanliggend aan die see en teen die Groot Visrivier.

Ons verblyf by Fort D'Acre was presies waarvoor ons gehoop het. Weelderige akkommodasie, heerlike etes, 'n bekwame gasvrou, stilte en spierwit strande. Die lodge is geleë op 'n wildsplaas en ons het die voorreg gehad om 'n verskeidenheid van wild en ook 'n pragtige skilpad, vlakvarke, meerkatjies en 'n verskillende klomp voëls te sien. Volstruise het die watergat naby die huis besoek en ons kon hulle vanuit ons bed dophou. Die kabana teen die strand was 'n wonderlike bonus en ons kon saans daar sit en kyk hoe die son oor die see ondergaan. Op versoek is aandete in die vorm van 'n braai beskikbaar. Beslis die moeite werd om te besoek.

Alles wat ek gevra het en nog meer.

Ons het baie lekker gebly. Goeie kos, goeie geriewe en ons sal weer met die res van die familie teruggaan.

Beste van 2 wêrelde.

Daar is min plekke waar jy die natuur en wild kan geniet, en sommer by die see ook kan wees. Maar Fort D'Acre is so 'n plek. Al die kamers het 'n uitsig op die see en riviermond, terwyl die wild tot baie naby die huis kom wei. Geniet 'n wildrit op 'n winderige dag, lê by die swembad, of andersins geniet die see op een van die nabygeleë strande. Die diens is onbeskryflik goed, afgerond en luuks. Niks is te veel moeite nie. Baie lekker vol ontbyte wat elke oggend 'n bietjie verskil. Verseker aan te beveel vir 'n gesinsvakansie!