Kalkfontein Gaste Plaas

Very pleasant. Good old fashioned Karoo gasvryheid. Peace and quiet for the soul.

Lovely! We went for lovely walks and a drive and saw a host of wild animals. It's off the beaten track, so go for two nights if you can and if you have a 4x4. Ask to stay in the berg huisie. It's stunning!

Avontuurlustige ervaring.

As jy die grondpad agter die rug het, is hierdie ongelooflike mooi deel van die Karoo absoluut die moeite werd om te sien. Ons het vasgeval a.g.v. oorstromings die dag van vertrek, maar dit was als deel van die ervaring. Ek sal dit enige tyd aanbeveel.

Rustig, skoon, goed ingerig.

Gert en Julia is so gasvry. Ons is so bederf en het niks gekort. Ons hoop om gou weer daar oor te bly.

Het net een nag oorgeslaap, was rustig stil en veilig.

Baie vriendelike ontvangs, plaas kan verken word deur te stap, bergfiets en ook voertuig. Huis is netjies en skoon.

Vreedsame Karookuier. Gasvrye eienaars.

Dis effens ver van die N1 af en die 15 km grondpad neem ongeveer 20 minute om te ry met ‘n bakkie. Maar vir ‘n rustige reisiger wat nie gedruk is vir tyd nie, is dit ‘n lekker avontuur. Sal nie aanbeveel om die grondpad met ‘n sedanmotor aan te pak nie.

Wegbreek van alles. Ongelooflik mooi.

Die plaas is so 15 km van die hoofpad af op 'n grondpad. Geen selfoonsein, so perfek om heeltemal weg te breek van alles. Die sterre was ongelooflik en die plaas skoon en goed ingerig.

Dit was 'n ongelooflike lekker ervaring van rustigheid.

Gawe, gasvrye mense en 'n netjiese voldoende toegeruste huis. Dit is 'n ongelooflike lekker ervaring om so in die Karoo te gaan rustig verkeer. Dit was baie lekker en sal definitief eendag terugkeer soontoe en nie net vir en aand nie. Baie dankie Gert en Julia.

Gasvryheid van die eienaars was onverbeterlik en die afgeleë ligging uitstekend.

Gert en Julia is seker van die gasvryste mense wat ek nog ontmoet het. Die huis is baie netjies (nuut), met 'n heerlike binne- en buitebraai. Bestel gerus vleis en wors by Gert voor julle gaan - heerlike Karooskaap. Ons het gegaan as 'n groep motorfietsryers, maar dit sal 'n heerlike wegbreek wees vir 'n gesin of groep vriende. Stil en afgesonderd, met net die Karoo rondom jou.

Uitstekend.

Baie lekker blyplek en regtig baie gawe mense. Ons is soos familie verwelkom. Karoogasvryheid op sy beste. Die huis het alles wat 'n mens nodig het. Die stilte van die Karoo is heerlik.

Keurige en goed toegeruste huis was lafenis vir die siel.

Die huis is pragtig, keurig versier en baie goed toegerus. Dit is omring deur Karoo-veld; die stilte en blou-blou lug is 'n lafenis vir die siel! Julia en Gert is baie vriendelik en hulpvaardig. Kan beslis aanbeveel!

'n Stukkie hemel op aarde.

'n Stukkie hemel op aarde wat ons met groot vrymoedigheid aanbeveel, veral vir mense wat die stilte en afsondering van die Karoo kan waardeer. Die huis is baie gesellig en gerieflik ingerig, met alles wat mens nodig het. Dis bv die eerste gastehuis waar ek 'n verlengingskoord kry sodat dit nie 'n gesukkel is om hare droog te maak ver van 'n spieël af nie. Gert en Julia maak seker dat hul gaste tuis voel en lekker kuier.