Kruger Cottage

Heerlik, rustig en ontspanne.

Voorwaar 'n ondervinding om diere so van naby te sien.

Baie memories saam met familie gemaak.

Buurman William was baie behulpsaam en wilde diere gevoer voor ons arriveer en dit het veroorsaak dat ons baie besoekers tydens ons verblyf ontvang het wat awesome was!

Rustig en elke dag 'n nuwe ondervinding.

Dit is 'n baie lekker plek om te bly. Sal dit dalk oorweeg as ek die eienaar is om dalk 'n lugreëlaar in te sit ─ dit kan hel warm word.

Vakansie saam met my gesin.

Kruger Cottage was regtig 'n belewenis wat ek vir enige iemand sal aanbeveel. Die huis is baie goed toegerus met alles en meer as wat mens sal benodig. Die eienaar deel goeie inligting voor jou besoek en William (die opsigter) het ons verwelkom en seker gemaak dat ons als het wat ons benodig. Die huis is pragtig skoon. Dit was heerlik om die bosveld so te beleef.

Rustig.

Gemaklik, alles wat mens benodig. Diere kom kuier gereeld.

Baie netjies en skoon, goeie ligging.

Sien sterre.

Fantasties

Ons kan Kruger Cottage met vrymoedigheid aanbeveel. Ons kon binne 5 min stap tot by die rivier. Baie netjies en goed ingerig. Daar het 'n verskeidenheid diere kom kuier. Dankie ook aan William wat ons ontvang het. Ons kom gou weer

Privaat, stil, veilig.

Was bietjie ongelukkig met die aankoms, eienaars was nog besig met werk na die tyd wat hulle vir ons gegee het om te arriveer.

Die plek kort beslis 'n aircon!

Die plek kort beslis 'n aircon, want die "powerful fans" wat beskryf was help absoluut niks nie. Daar is geen wasmasjien nie en die ligging van die wasgoedlyn (langs die braai-area) en grootte van die wasgoedlyn is nie reg nie. Mens kan nie al die klere ophang van elke inwoner van die kothuis nie. Die breekware is glad nie genoeg vir 7/8 mense om gelyktydig te eet nie. Daar was 4 borde en 3 steak-messe. Dit sal drasties opgegradeer moet word. Een sjampanjeglas vir 7 inwoners? Die asblikke, die hele mandjie voor was vol van ander mense se vullis so ons kon nie ons vullis verwyder nie. Die teëls op die stoep is ongelooflik glad en het veroorsaak dat die kinders val en seerkry. Die deur na die stoep se sleutel was gebreek toe ons dit ontvang het. Ons het maar die slamlock gesluit en die deur ingehaak elke keer. Baie dankie vir die netjiese plek en die ys in die yskas.

Baie huislike atmosfeer met alles wat jy benodig in die huis. Die "splash pool" was 'n wenner in die hitte.

Daar was 'n problem met van die slotte maar die eienaar het dadelik werk gemaak daarvan om dit reg te maak. Baie stil omgewing met al die naggeluide wat jou terug in die bos plaas. Sal weer gebruik maak van die huis.

Dit was goed om die diere so van naby te sien.

Die swembadjie was ook 'n lafenis, maar die plek is nie skoon nie. Die foto's is bedrieglik. Op die foto's wys dit nie dat 'n mens deur die een slaapkamer moet loop om by die ander kamer uit te kom nie. Die hoofslaapkamer se bad is in die slaapkamer. Die toilet in die hoofslaapkamer lek. Ons moes self ons vullissakke na die stortingsterrein neem toe ons vetrek het, anders word daar van ons "breakage fee" afgetrek.

Baie ruim en huislike verblyf met al die geriewe wat jy kan nodig kry. Naby die Krokodilrivier met baie wild wat besoek.

Lekker huislike huis met heerlike swembad. Lekker naby die Krokodilrivier en grens van die Wildtuin - het gaan gereeld gaan stap en die natuur geniet. Baie diere het kom kuier en het ook kennis gemaak met die inwonende bosapies! Sal weer terugkeer vir 'n besoek daar! Vir seker!

Vyf uit vyf!

Dankie Kruger Cottage, jy was goed vir ons! Ons het so lekker gebly en gerus. Die huis is ruim en het alles wat mens nodig het. Sal definitief aanbeveel. Ons 11 maande dogtertjie het al die diere om die huis so baie geniet!

Oop, rustig en gemaklik.

Die plekkie is goed versorg en skoon. Ligging in die park is perfek en die dierelewe om die plekkie is lieflik. Die nagapies is bedrywig in die aand en die te wonderlik om hul te sien. Oggend vroeg kom verskeie diere mens groet. Ons het so lekker daar gebly.

Rustig, pragtige natuur en lekker warm.

Pragtige plek, dierelewe se onverwagte verwelkoming was 'n pluspunt. Volledig toegerus. Baie lekker gebly en ontspan.

Wonderlike wegbreek plek!

Ons het ons kort wegbreek by die Kruger Cottage vreeslik geniet. Die plonspoel doen wonders in die hitte en dit is wonderlik om die natuur te bewonder terwyl jy rustig in die swembad sit. Baie dankie dat ons kon gebruik maak van julle plekkie!

Baie lekker en ontspannend!

Baie ruim cottage. Die nagapies was 'n besonderse "treat". Ons het baie lekker gekuier. Baie dankie!

Kruger Cottage het al die gerief en veiligheid verskaf vir 'n spannings-vrye periode in Marloth Park.

Die Kruger Cottage was volledig toegerus en baie lekker om in te bly. Goed geleë en die natuur is sommer deel van die plek. Sal baie graag weer in die toekoms daar wil bly.

A fantastic place to stay!

The house was well equipped and contained everything we needed with comfortable furniture. Lovely size splash pool. We fed the bushbabies that came to visit every night.

Heerlik.

Dit was heerlik. Alles wat jy benodig is daar. Jy het nou regtig niks extra nodig om saam te vat. Beveel Kruger Cottage beslis aan.

Kruger Cottage is perfek geleë in Marloth Park.

Kruger Cottage het als wat jy nodig het en genoeg ruimte in die leefarea. Loopafstand van die Krokodilrivier af met 'n lieflike uitsig. Het 'n groot verskeidenheid diere gesien waarvan 'n olifant teenaan die grenslyn was. 'n Perfekte wegbreek in die bosveld.

Daardie plek kort dringend opgradering.

Geen inventaris om inhoud na te gaan nie: 1. Agterdeur kan nie van binne sluit nie ─ onveilig! 2 Toiletsitplek in tweede badkamer stukkend en seepbakkie lê op vloer. 3 Braaipan is so geroes dat ons dit nie wou gebruik nie. 4 Blikoopmaker werk glad nie. 5 Stoofplate se termostate werk nie. 6 Braai-area swak: geen plek om rooster op te sit nie. Ons moes klippe gaan soek. Rooster was onaanvaarbaar vuil. Ons moes dit eers skrop om te kon gebruik. 7 Vloere is baie glad. 8 Patio-stoele se bande is stukkend. 9 Lugreëlaar is regtig nodig. 10 Watter noodmaatreëls is in plek vir kragonderbrekings?

Rustig en opwindend met al die diere wat verbykom elke dag.

Ruim huis met lekker kombuis, braai-area en swembad. Dis net wat mens wil hê met vakansie. Die bonus is dis net 100 m van die rivier af en diere kom elke dag by die huis verby.

Aangenaam, rustig, kalm en 'n heerlike uitspanplek!

Wat 'n aangename plek. Die fasiliteite is eenvoudig dog prakties. Ek en my vrou het die week geniet met baie besoekers uit die natuur. Net 'n groot jammerte dat ons weer huistoe moes gaan. Ons het beide 'n deel van ons hart daar verloor en moet definitief binnekort teruggaan om dit te gaan soek!

Alles was skoon en gereed met ons aankoms.

Soos reeds genoem, was die verblyf skoon en netjies, die kommunikasie van die eienaar was deurlopend en hy wou seker maak ons is gelukkig. Ons enigste negatiewe kommentaar is die veiligheid van die gebied. Inteendeel was daar die Woensdagaand met 'n vuurwapen nie ver van ons blyplek af nie op iets/iemand geskiet. As die eienaars/bestuur en Sekuriteitsmaatskappye nie behoorlike toegangsbeheer toepas nie, sal ons nie weer soontoe gaan of dit by ander mense aanbeveel nie.

Dit was regtig 'n besonderse kuier in Kruger Cottage.

Om wilde diere op jou stoep te hê, is baie spesiaal. Dit is veilig vir kinders om te speel en het gereeld langs die Krokodilrivier gaan stap om te sien watter diere ons kon sien. Die Cottage is goed toegerus en baie gemaklik. Definitief 'n hoogtepunt van ons vakansie! Uitstekende waarde vir geld!

Dit was 'n fantastiese ervaring en alles was in plek.

Kruger Cottage is 'n besonderse plek en alles is netjies en gerieflik. Die kuiergaste ─ sebras, koedoes en volstruise ─ was 'n groot verrassing en baie nuuskierig. Ek en my vrou beveel Kruger Cottage aan en gee dit sommer volpunte. LekkeSlaap.co.za se diens was puik en absoluut die beste, vriendelikste mense om mee te werk.

As dit nie vir die meegaande frustrasie was nie, was dit 'n baie aangename 2 dae.

Die lys van moets en moenies van Kruger Cottage moet op hul webwerf wees sodat 'n mens 'n ingeligte besluit kan neem. Om die vuilis weg te ry as jy vertrek beteken ek moet die vuilis en as-sak saam met my bagasie laai en gaan weggooi by die vuilishoop. 'n Mens moet jou eie braaiplek skoonmaak sonder gereedskap. Ek sal liewer verkies om by plekke tuis te gaan waar die braaiplek elke oggend skoongemaak word deur die betrokke oord se personeel.

Ruskans in die bos!

Ons het heerlik gebly. Die plonspoel was fantasties vir die warm middae. Wild het vrylik om die stoep beweeg wat dit baie besonders gemaak het. Die kothuis is baie goed ingerig en niks het kort gekom nie. Sal weer gaan en sommer die hele familie saam neem.

Gerieflik, maar taamlik afgeleef.

Dit was aangenaam om in Marloth Park te kuier. Die huisie is ruim met genoeg spasie vir nog vier mense. Die huisie is funksioneel. Ons het reën en koue gehad ten tye van ons verblyf, en kon op die eerste dag die Bosveld se Jacuzzi gebruik wat baie aangenaam was.

Peaceful Retreat

We really enjoyed our stay at Kruger Cottage. Everything was spotlessly clean. Our only criticism is that there should be a proper bathroom with a shower added on, rather than having the bath in the main bedroom and a very small sink in the toilet area.

It is a fantastic, well-situated house! Lots of animals.

It was a fantastic house, nicely situated, saw plenty animals and I would definitely recommend my friend and go there again myself. Thanks to Debbie who assisted with the TV.

The cottage was clean and well equipped for selfcatering

We really enjoyed our stay. We found everything we needed in the kitchen...a home away from home. The DSTV was however not working as promised as the plug was loose. I would also suggest that the pool be cleaned and filled before guests arrive. Having to do it yourself and then waiting over an hour for it to fill is a bit annoying.