River View

Die geriewe was alles netjie en gemaklik en veilig.

Hoewel dit vreeslik warm was was die huis heerlik koel, met teelvloere en lugversorging. Die plekkie was netjie en baie gerieflik. Of ons binne of buite gesit en kuier het, daar was genoegsame sitplek vir almal. Die rivier oorkant die pad het 'n heerlike atmosfeer geskep.

Baie gerieflik, vriendelike gasheer, waarde vir geld.

Dit is reeds ons tweede besoek aan River View, en ons was weereens beïndruk. Hein is 'n baie vriendelike gasheer wat uit sy pad gaan om sy gaste tuis te laat voel. Die huis het 'n heerlike kuierstoep en lieflike binnenshuise kuierarea. Dit is gerusstellend dat solarenergie beskikbaar is indien beurtkrag inskop. Die beddens is heerlik gerieflik. Alles is blink en skoon. Ons sal definitief weer by River View kom kuier.

Vriendelike diens en fantastiese plek. Dankie.

Ons groep het ons naweek hier vreeslik geniet. Die plek self is veilig en luuks. Alle kommunikasie met die eienaar was aangenaam. Hy het seker gemaak dat ons gemaklik is en dat ons niks skort nie. Jy sal nie verkeerd gaan as jy hierdie akkommodasie boek vir 'n wegbreek nie.

Alles wat jy nodig het en meer.

Ons het heerlik as 'n gesin saam gekuier in River View. Die huis is ruim en goed toegerus. Werklik waarde vir geld. Ek wens ons het langer gekuier.

Gerieflike woning.

Pragtige woning met al die nodige geriewe vir 'n lekker wegbreek en kuiernaweek.

Wonderful.

We really enjoyed staying at River View. The view is beautiful and it's so peaceful. The accommodation was of a very high standard, clean and neat. Hein and Thelma went out of their way to make our stay as comfortable as possible and I would highly recommend River View to anyone who needs some peace and quiet.

Baie rustige, ontspannende naweek gehad. Lekker plekkie om net vinnig uit die stad te kom en te vergeet van die gewoel.

Hein en Thelma was baie goeie gashere gewees wat ons dadelik laat tuis voel het. Alles is aan ons verduidelik, en genoem dat as ons enige iets nodig het kan ons hulle gerus laat weet. Daar sou moontlike loadshedding gewees het, en Thelma het vir ons liggies uitgesit vir indien nodig. Die sakkie braaihout was ook 'n verassing en het baie handig te pas gekom. Die 2 kamers het slaapplek vir 3 mense elk en was baie goed toegerus met baie netjiese beddegoed, skoon atmosfeer en lugreëling. Daar is ook 2 toesluitmotorhuise met elektriese motors waar jy jou voertuig kan stop, dit het baie handig te pas gekom omdat dit gereën het toe ons daar aangekom het Vrydag. Die saligheid om by die groot stoep tafel te sit en rustig oor die Vaalrivier uit te kyk is prysloos. Ons sal definitief weer daar oorbly as on Parys toe wil gaan.

Uitstekende verblyf.

Die verblyf was uitstekend, alles wat mens kon benodig was daar en dit is baie ruim, skoon en netjies. Sal verseker weer daar bly.

Baie ontspannend en rustig langs die rivier.

Naby die rivier wat die omgewing baie rustig en ontspannend maak. Voel baie veilig en gemaklik. Die area is baie skoon en die lug ruik skoon.

Pragtige huis met die beste uitsig.

Ons het elke oomblik van die kuiertjie by River View geniet. Die ruim huis en stoep met die perfekte uitsig het my hart gesteel. Ons kon heerlik saam met ons kinders ontspan en het die stap langs die rivier geniet. Die beddegoed was pragtig skoon en die huis baie netjies. Die puik en vriendelike diens van Hein en Thelma is meer as 10 sterre werd. Die beskuit, melk, ys, vuurmaak hout en water is 'n groot bederf. Ons kan River View beslis aanbeveel en sien uit na die volgende wegbreektydjie.

Net 'n dag of twee weg van die huis, en ek voel weer mens.

Dankie Hein vir jou gasvryheid!

Skoon, gerieflik en vriendelike diens.

Hein het moeite gedoen om seker te maak die aircons word geïnstalleer voordat ons aangekom het. Die huis het alles in wat ons nodig gehad het. Selfs hout en blits vir die braaivleisvuur. Heerlike sagte beddegoed! Die huis het 'n mooi uitsig oor die rivier, en ons was bly dat die straat voor die huis nie so besig was soos party ander strate in die dorp met 'n rivieruitsig nie.

Voel soos huis!

Dit was 'n heerlike, gerieflike tyd. Als wat nodig was. Beveel dit ook vir voëlkykers aan! Baie voëllewe.

Skoon, aangename en gerieflike verblyf.

Ons het lekker tuisgegaan en is vriendelik deur die eienaar ontvang. Al die nodige geriewe soos, skottelgoedwasser, DSTV en braaier is beskikbaar.

Pragtige plek, alles wat jy nodig het!

River View is 'n pragtige huis met alles wat jy nodig het. Die eienaar, Hein, is baie vriendelik en behulpsaam. Dankie vir jou ekstra moeite met lekker koffie en beskuit. Die huis is by die rivier, met 'n heerlike stoep met 'n mooi uitsig en ideaal vir buite kuier. Ons sal vir seker weer by julle kom bly. Baie dankie vir 'n pragtige plek. Hoogs aanbeveelbaar en waarde vir geld.

Gemak op sy beste.

Baie skoon en Hein die eienaar is regtig 'n awesome host. Sal vir seker weer kom inloer as ek in Parys is.