Rooiboklaagte

Netjiese huisie in die bos.

Baie mooi plek met netjiese fasiliteite en in die bos, wat ons wou hê. Al wat vir ons 'n bietjie van 'n "inconvenience" was, is die konsertina deure van die kuierarea en kombuis wat stukkend was. Dan moes mens omloop om by die kamers en boma te kom. Daar was ook nie vlakke lakens nie. In die somer is dit heeltemal te warm om onder 'n duvet te slaap, en die beligting in die kamers en kombuis/eetkamer area was nie voldoende nie. Die huis is ook basies teen die pad, en daar is heeltyd verkeer, selfs in die nag, so dis nie 'n afgesonderde huisie in die bos as mens rus en stilte verkies nie. Gelukkig het ons addisionele waaiers saamgevat, anders sou ons baie warm gekry het. Dalk kan julle aircons oorweeg vir die kamers. Verder was dit baie mooi en ons het lekker gekuier.

Olifant verrassing!

Ons is Vrydagnag wakker gemaak deur olifante wat deur die muurtjies gebreek het en kom bedding opeet het en paar goed omgegooi, geskrik maar was 'n belewenis om 'n gordyn oop te maak en dit is net olifante! Beddens slaap bietjie ongemaklik en die water moet mens eers mooi uitfigure voor jy kan stort. Ek dink dit sal wys wees om net te noem by die oorsig en omskrywing van die woning dat indien daar nie krag is nie soos gedurende loadshedding daar dan ook nie water is nie. Verder is die leefvertrek en kamers baie ruim en was dit heerlik om te ontspan sonder dat mense voel jy is heeltyd op mekaar. Ons het die Vrydag met aankoms R250 betaal vir skoonmaakdiens die Saterdag. Daar is slegs beddens opgemaak en skottelgoed gewas. Die braaier was nie skoongemaak nie en die "amok" van die olifante (wat ons vroeg Saterdagoggend gerapporteer het) was ook nie opgeruim nie. Eers toe ons die middag daaroor gaan kla het, want die prys vir skoonmaak en wat gedoen is stem glad nie ooreen nie, toe is dit gedoen. Verder het ons dit baie geniet in die bos en sal ons graag weer daar wil gaan bly, dalk vir 'n dag of twee meer. Dit is wel nou al 8 dae later en nog geen terugbetaling van die deposito wat betaal is met aankoms is al ontvang nie. Ek het ook op die vorige resensies gesien dat vorige mense ook met deposito-terugbetalings gesukkel het.

Die lodge was baie lekker. Die hooflodge, oopplankombuis, sit-, eetkamer is mooi en voldoende toegerus.

Die slaapkamerbeddens moet ten minste koningingrootte-beddens wees met goeie matrasse en kussings. Sponse in kussingslope werk nie. Persoonlik verkies ek geteelde vloere in 'n badkamer vir higiëne-doeleindes.

Relaxing weekend away.

The Lodge is situated perfectly and being surrounded by the various wildlife was fantastic. The staff were friendly and hospitable. The lodge was secure and well-kept. The price is right for the weekend. We would refer people to Mabalingwe anytime. Thank you.

Dit was baie lekker, maar.

Ons het nie water gehad tot baie laat die Vrydagaand nie - die waterpomp het getrip of iets. Ek sou gedink het vir die prys wat ons betaal het ons nie load shedding sou gehad het nie. My deposito is nog nie terugbetaal nie.