Schoongezicht Holiday Accommodation

Puik, puik, puik!

Ons blyplek was gerieflik met alles wat mens nodig het om lekker vakansie te hou. Uiters skoon en netjies met pragtige dekor. Die bed slaap lekkerder as ons sn by die huis! Die see is letterlik 'n klipgooi ver met 'n wandelpad al langs die pragtige kuslyn. Die eienaars is tops! Hulle kan nie genoeg doen om hul gaste tuis te laat voel nie. Ons het as vreemdelinge daar aangekom en weggegaan as vriende.

Uitstekende verblyf en gasvryheid van die eienaars is van hoogs gehalte.

Die verblyf was van uitstekende gehalte en die diens was puik. Die vriendelikheid en gasvryheid van die eienaars is uit die boonste rakke. Sal beslis weer van die akkommodasie gebruik maak. Dis regtig 'n pragtige blyplek en die moeite werd om te bespreek. Het ons verblyf baie geniet. Baie dankie.

Onverbeterlik, fantasies!

Schoongezicht is 'n fantastiese verblyfplek, baie skoon en netjies, puik toegerus, perfekte ligging, met wonderlike gasvrye eienaars. Ons sal beslis weer daar gaan kuier en kan dit ten sterkste aanbeveel.

Heerlik gekuier, sal definitief volgende keer langer kuier.

Puik, puik, puik. Nog die lekkerste en skoonste plekkie waar ons al tuis gegaan het. Kan dit beslis aanbeveel.

Heerlike verblyf en gasvrye gashere.

Die gashere is uitstekend. Ons is hartlik ontvang en het dadelik tuis gevoel met al die lekker bederfies. Die eenheid se dekor is pragtig met alles wat mens nodig het om jou verblyf onvergeetlik te maak. Ons kan definitief die plekkie aanbeveel. Baie dankie vir jul gasvryheid. Ons gaan vir seker weer kom kuier.

Uitsonderlike verblyf.

Cathleen en Philip is uitstekende gashere, hulle het ons hartlik ontvang en ons tuis laat voel. Hulle het ons verblyf baie spesiaal gemaak. Die eenheid is smaakvol en duursaam gemeubileerd, daar is absoluut alles wat jy nodig het. Ons het heerlik gerus en lekker gekuier, lekker op die stoep gesit en vir die see gekyk. Ons kan die plekkie definitief aanbeveel, ons gaan beslis weer terugkom.

Friendly hosts, impeccably clean and safe.

Wonderful. Amazing decor. Completely safe.

Niks om oor te kla nie, alles was puik (selfs die weer)!

Ons verblyf by Schoongezicht was baie aangenaam. Die woonstel was baie netjies en goed toegerus.

Uitstekend.

Ons het baie lekker gebly, pragtige plek met seeuitsig en die branders kon gehoor word. Phil en Cathleen het ons baie welkom laat voel, uit hul pad gegaan om ons verblyf een van ons onvergeetlike vakansies te maak. Hulle is pragtige mense en ons het baie lekker gekuier. Ek sal beslis die plek aanbeveel. Een van die juwele langs die see en baie veilig.

Pragtige plek met mooi see uitsig.

Die woonstel is pragtig, baie netjies en skoon. Daar was ook lekker bederfies soos beskuit en sjokolade. Voorwaar 'n uitstekende wegbreekplek met 'n mooi uitsig op die see.

Lekker gebly.

Netjiese plekkie met skoon, vars beddegoed en handdoekies. Ons het dadelik tuis gevoel. Oom Phillip en tannie Cathleen is wondelike hartsmense wat uit hulle pad gaan om mens gemaklik en tuis te laat voel.

Uitstekend!

Beste verblyf waarvoor ons kon vra. Baie skoon en netjies met alles wat mens nodig het. Oom Philip en tannie Cathleen is 'n wonderlike gasheer en -vrou. Sal definitief weer gaan.

Onbeskryflik.

Phillip en Cathlene het ons met ope arms ontvang. Hulle is die mees gasvryste, vriendelikste mense. Die plek is puik! Die uitsig asemrowend. Mooi, stil en rustig, ons het so lekker ontspan. Dit is alles en meer as wat 'n mens nodig het. Die plek is uiters goed toegerus, so mooi netjies en skoon. Dit was soos 'n stukkie Hemel op Aarde vir ons die week! Baie dankie vir al die bederf. Julle sien ons definitief gou weer!

Phillip en Cathleen verwelkom jou hartlik opreg, dat jy soos familie voel. Baie behulpsaam. 'n Netjiese, gerieflike, skoon plekkie met alles wat jy nodig het.

Pragtige uitsig. Wandelpad langs die see. Voorwaar 'n plek waar jy kan afskakel en rus. Waarde vir jou geld. Sal beslis aanbeveel. Baie dankie vir alles, ons sal beslis weer terugkom!

Baie lekker gebly, alles is daar wat jy benodig. Stunning uitsig.

Eienaars is baie, baie gawe mense, plek is uiters skoon en netjies. Baie veilig, stilte, rustigheid. Sal dit 100% aanbeveel vir die persoon wat die stilte en uitsig oor die see waardeer. Goeie boek of leesstof is 'n moet.

Baie lekker gebly. Die verblyf is baie netjies en goed toegerus. Die see-uistig is asemrowend mooi.

Die verhuurders van die verblyf is uiters gaaf en tegemoetkomend. Hulle diens is puik. Vars beddegoed en handdoeke en skoon braairoosters elke oggend is maar net 'n paar van die voordele.

Was heerlik rustig!

Cathleen was 'n uitstekende gasvrou en baie bedagsaam. Sal definitief weer daar oorslaap vir sielerus.

Fantasties.

Die mees vriendelike, bedagsame mense wat die plekkie verhuur en alles is net uit boonste rakke by die plek. Sal dit beslis weer besoek.

Begin met 'n hartlike ontvangs vanaf die Potgieters. Akkommodasie was uit die boonste rake met meer as wat ons verwag het.

Ons het die volgende gekry met ons aankoms; skoon en pragtige akkommodasie, verwelkomingsdrankie en lekkers, tuisgebakte beskuit met tee- en koffiegeriewe, braaihout, blitz, roosters, lapservette en nog meer. Die gasheer en gade was baie vriendelik en hulpvaardig.

Heerlik.

Fantastiese, gasvrye mense. Pragtige verblyf (net soos op foto's) uit die boonste rakke. Mooiste see-uitsig-woonstel.