The Highland Inn

Lieflike, gerieflike oornag plekkie.

Ons was klomp ouers wat die Bethlehem Toer bygewoon het. Ons is vriendelik ontvang en ons gasheer het uit sy pad gegaan om ons bietjie vroeër te ontvang en later ons te help om 'n braai vir die groep aan mekaar te sit. Die restaurant/bar op die perseel was baie gerieflik. Die kamers is nie luuks nie, maar heel gerieflik ingerig en het alles wat mens nodig het vir 'n nag of 2 se oorslaap.

Uitstekend.

Baie lekker, vriendelike mense.

Was heerlik daar, baie netjies.

Ek het heerlik gebly, was skoon en netjies. Vriendelike ontvangs gehad.

Nie so lekker geslaap nie.

Ons het nie so lekker gebly nie. Die kamer was nie baie skoon nie, die stort was ook nie skoon nie, tot die mate dat niemand van my gesin kon stort nie. Die TV is 'n baie klein 54cm boks-TV, so ons kon amper niks sien nie. Die beddens is baie sag en kraak baie, die matrasse is deurgeslaap. Ons kon nie die volgende oggend vroeg ry soos beplan nie, omdat ons vasgeparkeer was en daar nie genoeg parkeerplek is nie. Dit het veroorsaak dat ons laat vir die afspraak was. Dit was darem stil deur die nag. Ons is wel gehelp met ys sonder kostes.

Goedkoop, netjies, ruim. Kroeg baie naby aan die verblyf, swak verwelkoming.

Prys is goed, kamers is ruim en skoon. Jy stap verby 'n kroeg van die parkeerarea na die verblyf. Ek weet nie of dit altyd so rustig in die aand is nie en of ons net gelukkig was nie. Verwelkoming was kortaf en haastig.

Ons het laat daar gekom. Sleutels gekry, iets geëet en geslaap.

Als was netjies. Hul kan net in die badkamers kyk vir lekplek.

Comfortable and affordable.

With my arrival, I was given a packet with tea, coffee, milk, sugar and the wi-fi password. The room was clean and comfortable. Bed had an electric blanket on and aircon. I know BHM weather, I lived there long enough to know it can get cold. The only thing I did not like was the door joining the rooms. I could hear the people next door, Room 6 talking for hours and then snoring during the night. But other than that it was an enjoyable stay. Thank you.

Goeie "truck stop".

Bespreking was reeds in Junie gemaak en bevestig. Met aankoms is 'n ander kamer aan ons toegeken as wat bespreek en bevestig was. Matrasse swak en deurgelê terwyl kussingslope gelyk het of daar vetkolle op is. Ons het gelukkig ons eie kussingslope gehad. Vloerteëls baie gekraak en stukkend of net opgevul met sement. Die los mat was so vol lekke (dit was eintlik grillerig) en met aankoms was daar geen water. Eers toe ek navraag doen was JoJo-tenk se water aangesit. Restaurant/kroeg op perseel net so 'n donker plek met uiters onprofessionele personeel en swak kos. Het eienaar voorsien van foto's en ingelig dat ek jul in kennis gaan stel. Dit doen beslis nie goed vir die webtuiste nie.

It had everything we needed.

It had everything we needed - no issues.

Teleurstellend.

Ons het twee kamers bespreek, Nrs 3 en 5, vir twee nagte oor die naweek. Kamers was netjies en plek was veilig. Daar was egter geen warm water in beide kamers nie. Die bedlamp in Kamer 5 het ook nie gewerk nie. Ons het dus na een nag vertrek (sonder om te stort!) en dus ongelukkig die tweede nag se geld verbeur.

Netjiese, skoon kamer.

Kamer was skoon en bed gemaklik. Genoeg badkamers en goed toegeruste kombuis. Veilige parkeerplek agter die hek en selfs 'n televisie. Vriendelike personeel en 'n restaurant op die perseel. WiFi het ongelukkig nie tot by die kamer opgevang nie.

Noise levels.

Safety, all gas bottles are not in closed cages. They advertise as standalone rooms, which they are not, all are semi-detached with interleading doors into the next room. People drinking, making a noise till late at night, not our scene.

Puik diens, vriendelike personeel en lekker privaat.

Met my aankoms het ek dadelik tuis gevoel en kon heel privaat rus.

Uitstekende diens.

Ons het net een nag oorgebly, maar met die diens was ons baie tevrede. Sal weer daar oornag as ek in daai rigting reis.

Baie lekker gebly. Waarde vir geld.

Sal aanbeveel vir enige een.

Lieflike sakpasverblyf.

Perfek vir oornag en sakereise.

Gemaklike bed

Was net 'n vinnige oorslaap, maar baie oulik en skoon.

Gerieflik, pynlik skoon en netjies.

Het heerlik oorgebly en sal beslis aanbeveel. Alles gerieflik en baie netjies.

Sal dit onthou.

Lekker en rustige atmosfeer. Het dadelik tuis en op my gemak gevoel.

Ideale oorblyplek.

Ons het drie nagte oorgebly. Deur die dag saam met familie gekuier en dit was heerlik om rustig tuis te kom. Lekker geslasp.

Baie lekker geslaap na 'n veertien uur rit.

Plek was netjies en skoon. Enigste probleem was die deurhandvatsel in die badkamer was afgebreek en die ring vir jou handdoek by die stort was uit die muur gebreek.

Sien sterre.

Goeie prys, maar geleë langs kuierplek.

Mooi kamers.

Die kamers is netjies en die gastehuispersoneel vriendelik.

Baie gerieflik.

Heerlik op die stoep gekuier.

Was perfek vir oornag.

Perfekte prysklas vir oornag.

Gerieflik.

Vinnig gehelp. Professioneel.

Teleurstellend

Met aankoms is daar vir ons gesê die kroeg wat op die perseel is sluit 21:00. Ek en my gesin het die braaigeriewe gebruik op die dek voor die kamers, wat 'n lekker atmosfeer skep. Ongelukkig het die kroeg toe nie 21:00 gesluit nie. Die geraas het net erger geraak aangesien daar beer pong gespeel is. Rondom 22:00 het iemand op 'n mikrofoon begin praat en sing en net nog meer geraas. Die dames het gegil en skree soos mal goed. Al die kamers is 'n paar meter van die kroeg af en was uiters steurend tot na 24:00 die nag. Ons het daar oorgebly aangesien ons die Saterdagoggend 'n sportdag gehad het in Bethlehem en ons wou 'n rustige nagrus geniet sonder om 4:00 op te staan om van Bloemfontein af te ry. Ons moes maar eerder by ons eie huis geslaap het. Die kroeg, wat oop is vir die publiek en duidelike regulars het, is baie duidelik baie belangriker vir die eienaars as hulle oornaggaste. Selfs as jy by ontvangs instap vrot dit so na rook wat van die kroeg af kom, en dan is die eetkamer reg langs die kroeg sonder enige voorsorg om van die rook ontslae te raak nie. Geen nie-roker sal daar wil of kan sit en eet nie, dit is walglik! Die eienaars sal moet besluit vir wie hulle wil akkommodeer, want 'n kroeg op dieselfde perseel as 'n gastehuis kan net nie werk nie. Ek sal nooit weer daar gaan bly of die plek vir enige iemand kan aanbeveel nie. Tensy jy saam met die mense in die kroeg tot in die oggendure wil kuier. Baie baie swak styl.

Goeie verblyf met vriendelike ontvangs.

Goeie, vriendelike diens. Lekker slaapplek.

Skoon woonstel met veilige parkeerplek en 'n elektriese kombers in die winter, dankie!

Sien sterre.

Genoegsaam!

Verblyf voldoende om vir nag of twee te oornag maar nie vir langer nie! Baie beperk en sekerlik gaan groot gesinne (2A + 2C of meer) baie ingehok voel. Parkering is baie beperk.

Vriendelike diens, bekostigbaar, netjies en skoon.

Geen probleme ondervind. Die personeel was vriendelik en behulpsaam. Die kamers was netjies, skoon en toegerus, selfs DStv. Vir 'n paar rand ekstra is die ontbyt die moeite werd. Gedurende die week is die plaaslike, gelisensieerde kroeg op die perseel ook oop vir diens. Ek beveel die plek graag aan.

Stapafstand van H/S Voortrekker.

Pragtige netjiese eenhede, goed toegerus. Net jammer dat die Bar en kuierarea 15m van eenhede se vensters is en dat ons die gelukkige wenners was om te oornag op karaoke-aand of Bethlehem got talent (or not). Die lawaai by die bar was regtig teleurstellend aangesien van die gaste wat heeldag al vertoef het by die bar, besluit het om te sing met die mikrofoon. Sondag was heerlik rustig, want die Bar was gesluit. Persone moet bewus wees dat daar 'n groot moontlikheid is dat jy tot laat, teen jou wil gaan moet luister na "want to be" sangers. As jy 100% rustigheid soek is jou kans vir teleurstelling groot, veral oor 'n naweek. As jy van kuier en geraas hou, is dit jou ideale bestemming.

Mooi gerieflike plek.

The Highland Inn is 'n mooi gerieflike plek. Alles is naby en byderhand. Ek was nie tevrede met die kamer wat ek bespreek het nie. The Highlands het my sommer vinnig en gemaklik vir my 'n beter kamer gegee. Die kamer was mooi en gerieflik. Goeie diens aan my gelewer. Baie dankie vir die verblyf.

Lekker gebly.

Ons het baie lekker gebly. Die diens was baie goed en die pryse is uitstekende waarde vir geld.

Verskriklik lekker gekuier saam met plaaslike inwoners!

Reg van die begin van die bespreking tot ek vertrek het, was dit 'n baie lekker ervaring. Die kommunikasie was heeltyd uitstekend en ek het baie welkom gevoel toe ek arriveer. The Highland Inn is ideaal vir enige reisiger en ek sal beslis weer by hulle tuisgaan.

Die budget verblyf opsie is goeie waarde vir geld.

Plek was skoon en netjies en ruim. Veilige parkeerplek.

Dit het soos my eie huis gevoel!

Netjies, skoon en alles wat jy nodig het, baie dankie!

Dit was werklik 'n goeie oornagbestemming wat aan die verwagtinge voldoen het.

Ek bestempel dit as 'n juweel en 'n besonderse plek om te oornag. Dit bevat meer as wat 'n mens verwag. Ek sal beslis, as dit enigsins moontlik is, weer van The Highland Inn gebruik wil maak. Die ontvangs was vriendelik en ons is werklik bedagsaam geakkommodeer.

Teleurstellend.

Die braai-fasiliteite en kroeg op dieselfde perseel is belaglik. Groot groep het tydens ons verblyf hier gebraai en kuier tot 02:00 in die oggend. Swak.

Their hospitality is good.

The security needs greater attention as there is also a bar, especially on weekends.

Netjies en waarde vir jou geld.

Ons het in die ou huis gebly, was baie netjies en waarde vir geld. Al probleem wat ek wel ondervind het, is dat dit teenaan die hoofpad was, veral as die trokke exhaust brake en ratte af gear wat dit jou rus versteur, veral as jy 15 ure op die pad was.

Die ontvangs en diens was goed, die kamers skoon en netjies.

Die verblyf vir ons gesin van drie was uiters bekostigbaar. Die badkamer wat van die kamers moet deel kan dalk 'n probleem vir party mense wees, maar vir ons was dit nie 'n probleem. Alles was skoon en netjies.

Die Naguil kamer is die voorste kamer en die gebrul van groot vragmotors in die volgende straat is baie steurend.

Die slaapkamer was probleemvry. Die badkamer was `n ramp. Daar is geen hakke beskikbaar om bv. nagklere aan op te hang nie. Ook geen reling vir die handdoeke of `n rakkie waarop toiletware op uitgepak kan word nie. Die grootste probleem egter was dat geen krane gemerk is wat is warmwater of kouewater. Die wasbak sowel as die stort. Daar was wel warm water in die wasbakkraan, maar geen warm water in die stort nie. Ek het beide die krane in die stort vir baie lank laat loop sonder sukses. Ek moes na `n lang dag tevrede wees met `n koue stort. Dit is onaanvaarbaar en voel ek dat ek beslis nie waarde vir my geld gekry het nie. Ek voel ook dat die gastehuis in hulle advertensie moet meld indien die badkamer nie aan die slaapvertrek is nie, maar dat jy die gang af na die badkamer moet gaan. Vir ons meer bejaarde mense wat meer kere gedurende die nag `n draai wil loop is dit baie ongemaklik om met jou nagklere gedurende die nag die gang moet af loop. Dit was die eerste keer dat ek dit ondervind dat die badkamer en slaapvertrek nie gekoppel is nie.

Netjies en skoon, maar klein en effe beknop.

Die verblyf was netjies en skoon, maar bitter klein en beknop na ons vorgie verblyf in Gariep. Was egter goed toegerus.

Goeie klantediens.

Baie goed ontvang, behulpsaam. Om oor te slaap voldoen aan al die vereistes behalwe weereens geen warm water nie.

Skoon en netjies.

Dis net jammer daar word nie melding gemaak van die kuierplek wat laterig nog musiek gespeel het nie. Verder het die advertensie gemeld daar is WiFi, maar dit was uitgeput na 'n kort rukkie se werk, meld dan liewer beperkte WiFi beskikbaar.

Baie vriendelike mense en 'n goeie plekkie om te bly.

Die diens en vriendelikheid van die mense was baie goed en ons kon vroeër inboek ter wille van die baba. Sal die plek enige tyd aanbeveel as verblyf vir almal! Dankie Highland Inn.

Was heerlik.

Was heerlik en baie stil. Prys is baie billik.

Gemaklik en gerieflik.

The HIghland Inn is strategies geleë en bied ete wat gerieflik is. Skoon en netjies.

Great.

Baie netjies, alle fasiliteite naby beskikbaar. Eenhede word elke dag skoongemaak. Vriendelik en hulpvaardig.

Gerieflik.

Baie gerieflike oornagverblyf.

Goeie waarde vir geld!

Goeie waarde vir geld, goeie diens, skoon en netjies, sal definitief weer daar oornag, maar die kamer was te na aan die kroeg.

Lekker, net jammer geen warm water nie.

Net die warm water probleem het gepla.

Goed en aan niks gebrek nie.

Dankie vir u flinke diens.

Die dame het uit haar pad gegaan om als so lekker as moontlik te maak.

Sal enige tyd weer hier gaan slaap. Die dame het uit haar pad gegaan om als gerieflik te maak.

Baie netjies.

Alles was baie netjies, en goeie akkommodasie. Die ontbyt was lekker, maar nie genoeg vir die prys nie.

Baie netjies, skoon rustig en veilig. Baie goeie ontvangs gekry en ons al definitief weer daar gaan bly.

Die plek is baie netjies, skoon, veilig, die personeel is baie vriendelik en ek sal die plek definitief aanbeveel.

Netjies, skoon, ruim kamer, vriendelike ontvangs en waarde vir geld.

Vriendelike ontvangs. Netjies en ruim verblyf. Baie skoon. Goeie waarde vir geld.

Flinke en vrolike diens met goeie fasilitieite

Die ontvangs was puik en die kamers was beter en groter as wat ons verwag het vir die prys van die kamers. Die GPS was Engels en ons het gesukkel om die straat te vind.

Great stay. Good accommodation, great food.

The room was great, but needs a little TLC with minor issues, but overall a great place.

Netjies en gerieflik na aan waar ons wou wees.

Baie netjies, veilig en skoon.

Baie professioneel met 'n goeie ligging.

Sien die sterre.

Ek het nie veilig gevoel nie

Die kamer is ruim, skoon en netjies. Die badkamer is ruim, maar die vakmanskap is glad nie goed nie. Ek kan egter daarby verby kyk. Wat my baie pla, is die volgende: Parkeerterrein is baie klein. As daar 3 of meer motors is, sukkel jy om uit te kom. Die ingang na die parkeerterrein is ook net groot genoeg vir 1 voertuig om deur te gaan. Hulle adverteer op hul webblad veilige parkeerplek. Vir my beteken "secure parking" ten minste geslote hekke, wat nie die geval was nie. Mense kan vanaf die straat inkom na die parkeerterrein en by jou voertuig kom. Dit het my ook onveilig laat voel op die terrein. Daar was niemand by ontvangs toe ek Vrydag 14:15 daar kom nie. Ek het lank rondgestaan en wag en later het 'n skoonmaker kom vra of sy kan help en vir my die sleutel gegee. Dit is uiters swak diens! Tot nou weet ek steeds nie wir die eienaars is of wie by ontvangs werk nie. Ek het laatmiddag weer daar gekom en 'n man het uit die eenheid langsaan myne gekom en gevra of ek 'n sleutel gekry het. Ek is steeds nie seker of hy 'n opsigter is nie. Ek neem so aan, aangesien hy een keer die naweek by ontvangs oopgesluit het. Sondag toe ek wil uitboek, is daar weereens niemand beskikbaar nie ("ontvangs" is gesluit.) Ek klop toe by die eenheid langsaan by die man met wie ek Vrydag gepraat het om te vra waar ek die sleutel moet ingee. Ek is ingelig dat ek die sleutel aan die binnekant van die deur moet laat en net die deur toetrek. As iets wegraak - wie gaan die verantwoordelikheid daarvoor neem?

Dit het in ons behoeftes voldoen.

Parkering en veiligheid is nie op standaard nie.

Regte waarde vir geld, vriendelike personeel en 'n persoonlike oog op kliëntediens!

Persoonlike aandag met ons huweliksherdenking. Ek sal verseker weer van die Highland Inn gebruik maak in die toekoms! Baie dankie!

The Highland Inn bied waarde vir geld en dit was perfek vir een nag se verblyf aangesien ons basies net daar geslaap het.

Verwaarlosing kon gesien word in die badkamers en die ontbytsaal - egter nie te veel gepla nie omdat ons net een nag oorgeslaap het.

Ons wou net 'n bed op pad tussen 2 bestemmings hê, maar toe is die bed oud en ons het moeilik geslaap.

Per telefoon het ek goeie diens ontvang vanaf die "Highland Inn" maar ons moes wag om in te boek nadat ons 'n inkloktyd gereël het. Ons het ook gesukkel met 'n lekkraan wat deurnag gedrup het en 'n dubbelbed waarin 2 persone ongemaklik kon slaap. Die bed en basis was al opmerklik oud en lendelam. Ek sal dit nie kan aanbeveel aan my familie en vriende nie.

Ons het die verblyf terdeë geniet. Een aand was vir ons te kort en ons sal graag volgende keer langer wil bly.

Vir ons was dit die ideale verblyf aangesien dit sentraal was vir ons besoek en ons sal definitief weer daarvan gebruik maak.

Skoon, netjies en aan te bevele.

Die plek was skoon en netjies. Dit bied waarde vir geld. Ek sal dit aanbeveel.

Ons sal beslis die Inn weer gebruik tydens besoeke aan Bethlehem.

Ons kinders en kleinkinders by in Bethlehem. Die Inn was sentraal en het aan ons behoeftes voldoen. Ons enigste klagte is dat die eienaar definitief na die warmwaterstelsel moet kyk, dis nie lekker om koud te bad in die winter nie.

Bestuur baie vriendelik en behulpsaam.

Eenheid baie skoon.

Aangenaam!

Aangename verblyf. Ons het net so klein bietjie meer selfsorggeriewe verwag.

Die kamer was gerieflik en netjies met die nodige oornaggeriewe.

Veilige parkeerruimte was ook verskaf.

Baie aangename plek met personeel.

Dit was fantasties om daar te bly. Dit was my eerste keer in Bethlehem, maar ek sal weer terugkom na julle plek. Alles was so netjies en aangenaam. Die personeel is so vriendelik en behulpsaam.

Excellent

The stay was great, and the rooms were well-kept, clean and tidy.

Die kamers was netjies en skoon.

Die omgewing is lekker stil. Plek om die sleutels in te sit die oggend as jy uitgaan sal ook 'n goeie idee wees.

Baie rustige omgewing. Vriendelike personeel en goeie diens!

Kamer was netjies en skoon. Het veilig gevoel en 'n rustige nag gehad. Sal weer daar oornag.